Lukas 21:16 - Tuntu i mPue ri Basa Taa

¹⁶ “Wali boros palaong to maja’a to damawali resi komi ri tempo etu. Apa sakowa tau tu’a ngkomi, tua’i pasi tukaka, ja’i pasi galung ngkomi, sira damamposora yau komi resi tau to damangahuku komi. Pasi re’e seja komi to danapopate yau ntau etu.

Sura Magali Nuntu Ngkatuwu

¹⁶ Komi da nanawusaka inemi pai papami, kasangkompomi pai waʼa njaʼimi. Santila komi da napepate ntau seʼe.

Lukas 21:16 Referans Kwoze

Lukas 12:53

Wali pa’a damangewa ananya to langkai, pasi ana langkai damangewa pa’anya. Pasi indo damangewa ananya to we’a pasi ana to we’a damangewa indonya. Pasi ewa see seja temanua to we’a damangewa manianya to we’a, pasi mania to we’a damangewa temanuanya to we’a. Wali etu semo palaong to damawali apa saba Aku ma’i ri lino si’i.”

Pangkita 6:9

Wali yako etu, Ana nu Domba mangayali wo’u tondong to kalima. Ojo karoonya Ia mangayali tondong etu, aku mangkita tonii ntau la’u ara mpalampa. Tau etu roomo napopate yau nsa’e apa saba sira mangaluluka tuntu i mPue Allah pasi mangangkongko anu to nato’o i Yesu Kerisitu.

Pangkita 12:11

Wali a’i-a’i ngkita etu manganangi ia apa saba yako kuasa raa nu Ana Domba pasi apa saba tuntu i mPue Allah to napakarebaka nsira. Sira taa ojo mangampobuuka katuwu ngkoronya, apa nempo rapopate yau apa saba pangayanya, sira taa mandoo mangaya.

Pangkita 2:13

Ia manganto’o, Aku Kunsani palaong ngkomi pasi lipu to nukaroos ngkomi. Lipu etu semo to nakuasang kojo i ngKepala Measa. Pei nempo komi maroo nja’u lipu etu, pei komi mangalulu kojo Aku pasi komi taa manganto’oka sa’e, ‘Aku taa mangalulu i Yesu.’ Seore re’e tau to rapopate yau apa saba ia mampakarebaka mangkonong Aku. Etu semo i Antipas to mangalulu kojo Aku. Ia rapopate yau nja’u kota ngkomi, kota to nakaroos i ngKepala Measa. Pei nempo re’e to rapopate yau etu, pei komi taa manganto’oka sa’e, ‘Aku taa mangalulu i Yesu.’

Palaong mPomakau i mPue Yesu 12:2

Ia mampokauka tau mangampu’ak yau wo’o i Yakobus tukaka i Yohanes.

Palaong mPomakau i mPue Yesu 7:59

Wali tongo-tongonya i Stepanus nataso-tasoka nsira watu etu ia makai-kai, ia manganto’o, “O Pue Yesu oko muni toniingku!”

Markus 13:12

“Wali boros palaong to maja’a to damawali ri tempo etu. Apa sakowa tau sintua’i, re’e to damamposora yau bara tukakanya, bara tua’inya resi tau to damampopate yau ia. Pasi re’e seja pa’a to damamposora yau ananya resi tau to damampopate. Pasi re’e seja ana to damangewa tau tu’anya, panewa damanganto’oka tau to yusa mampopate yau tau tu’anya etu.

Matius 10:21

“Wali boros palaong to maja’a to damawali. Re’e tau to damamposora yau tau to sintua’i see sira darapopate yau. Pasi ewa see seja danaika mpa’a resi ananya. Pasi ngana ntau damangewa to tu’anginya pei damanganto’oka sa’e mampopate yau to tu’angi nsira etu.

Lukas 21:15

Apa tempo komi damampogomboka tau to re’e kuasanya etu, tempo etu semo panewa Aku damampakanasaka komi gombo to danuto’o pasi Aku damangawaika komi kapande. Wali see naka tempo komi magombo etu bali ngkomi taa maya mangewa bara mangabanta gombo ngkomi.

Lukas 21:17

Pasi boros kojo tau to damaja’a nakita komi apa saba komi mangalulu Aku.