Lukas 20:35 - Tuntu i mPue ri Basa Taa

³⁵ Pei ane ri tempo to darata si’amo ewa wetu. Apa tempo etu, tau to nato’oka i mPue Allah masipato darawangu muni yako ri kapatenya, tau to etu tamo damarongo pasi tamo darapaporongo.

Sura Magali Nuntu Ngkatuwu

³⁵ paikanya, waʼa ntau anu mate pai sintinaja ndapatuwu muni ungka ri kapate, pai datuwu ri tempo anu darata, tau seʼe morongo.

Lukas 20:35 Referans Kwoze

2 Tesalonika 1:5

Wali naka pei tau mangansesai komi apa saba komi manganto’o i Pue Allah semo Makole. Pei kamonsonya i Pue Allah roomo mangantima komi mawali tauNya to masipato mampue mampakabae Ia. Pasi i Pue Allah roomo manganto’o komi masipato mawali tau to Ia Makolenya. Wali tempo komi mangansabaraka kasesa to nurata ngkomi etu, palaong to etu mampakanasaka resi tau to yusa kono kojo gombo i mPue Allah etu to manganto’o komi masipato mawali tau to Ia Makolenya.

Yohanes 5:29

Tempo sira mangandonge loongKu etu, tempo etu sira darawangu muni yako ri kapatenya pei damasuwu muni yako ri dayo nsira. Wali sira to mangaya Aku see naka matao lengkonya tempo sira tuwu seore, sira darawangu muni yako ri kapatenya pei damangarata katuwu to singkasaenya. Pei sira to taa mangaya Aku see naka maja’a lengkonya tempo sira tuwu seore, sira darawangu muni yako ri kapatenya pei darahuku.

Matius 12:32

Pasi tau to magombo mangewa Aku, Wiyaa nto Lino, tau etu tiroo ralapas dosanya etu. Pei ane tau to magombo mangewa i Nosa Mapasing, tau etu taa daralapas dosanya etu ri tempo si’i, pasi taa seja daralapas ri tempo to darata.” Wali ewa wetu gombo i Yesu manganseko tau to aliran Parisi apa sira manganto’o Ia mangampake kuasa i ngKepala Measa mangarubak measa.

Palaong mPomakau i mPue Yesu 24:15

Pasi pansarumakangku resi i Pue Allah sewaju pei pansarumaka ntau to mampakasala aku si’i. Apa aku seja mangampeas temponya i Pue Allah damangawangu muni samparia tau to matem, etu semo tau to lengkonya singkonong pei i Pue Allah pasi tau to maja’a seja.

Palaong mPomakau i mPue Yesu 5:41

Wali pomakau etu masuwu muni yako ri tango nto pobotus etu. Sira ndende rayanya mampobuuka i Pue Allah manga’angga kojo sira see naka Ia mangabiaka sira narunes nsa’e apa saba mangalulu i Yesu.

Lukas 21:36

Wali ne’e ewa tau bayore. Kasimbalinya yako etu, jagai kojo ne’e lenga mangampeas kama’ingKu. Pei pakai-kai resi i Pue Allah see gana karoso ngkomi damampiyaika samparia kasesa to damawali etu. Pasi pakai-kai see komi taa damea tempo mampotango Aku, Wiyaa nto Lino.”

Pangkita 3:4

Pei re’e bara sawei mba’a komi nja’u Sardis to mampakalongko yako ri dosa ewa naika ntau mangajagai pakenya see taa kono anu to makarika. Tau etu damalinja sindara-ndara pei Aku, pasi damangampake pake to buya apa sira masipato mampake.

Ibrani 11:35

Pasi yako pangaya nsira see naka re’e tau we’a to rawangu muni ana nsira yako ri kapatenya. Pei re’e seja tau to mate rasesai apa saba pangayanya. Tau etu ane bara mamposapuka pangaya nsira etu, sira daralapa muni. Pei sira bo’onya mangika ewa wetu apa re’e to bae wo’u batuanginya resi sira. Etu semo sira darawangu muni yako ri kapatenya pei mangarata katuwu to bae wo’u batuanginya.

Markus 12:24

Wali i Yesu manganto’oka sira, “Sala pampobuuka ngkomi apa komi taa mangansani batuanginya tuntu i mPue Allah pasi komi taa seja mangansani ewa wimba kabaenya kuasa i mPue Allah.

Matius 22:29

Wali i Yesu manganto’oka sira, “Sala pampobuuka ngkomi apa komi taa mangansani batuanginya tuntu i mPue Allah pasi komi taa seja mangansani ewa wimba kabaenya kuasa i mPue Allah.

Markus 10:42

Pei i Yesu Ia mangkita sira masusa, wali Ia mampokio sira, manganto’o, “Mai ruyu.” Panewa Ia manganto’o, “Ne’e mangokotaka koro ngkomi ewa naika ntau to si’a to Yahudi. Komi nunsani ane tau to si’a to Yahudi,makole-makole nsira mapari kojo naika mamporentang sira. Pasi tau to bose angganya, sira mapari seja inikanya mangkuasang sira.

Lukas 16:8

“Wali yako etu tau sugi mangandonge mangkonong palaong to naika nto papolaonginya resi tau to kainda etu. Tempo ia mangandonge, ia mampobuuka, ‘Kamonsonya ngkai etu mangantipu aku, pei gete, ia pande kojo mangampake kasugingku ri tempo si’i damampasilonga katuwu to si ia ri tempo to darata.’ Ewa wetu napobuuka ntau sugi.” Etu semo rapa to nato’o i Yesu. Roo see Ia manganto’o wo’u, “Wali tau to taa mangaya i Pue Allah, sira ojo mampobuuka katuwunya ri lino si’i, ewa naika nto papolaong to mantipu tau puenya etu. Wali tau to taa mangaya etu, sira semo to pande-pande mangampake kasugi nu lino sakowa tau to mangaya i Pue Allah to rato’oka ana nu reme.