Lukas 20:16 - Tuntu i mPue ri Basa Taa

¹⁶ Ewa si’i danaika: Ia dayau resi to pangkampang nawu etu pasi damampopate yau sira panewa roo see ia damangawaika wo’u tau to yusa damampasilonga nawunya etu.” Wali ojo pangandonge ngkepala-kepala nto pampue pasi yununya rapa i Yesu etu, sira mangansani batuanginya mangkonong sira semo wali sira manganto’o, “Gete, tuwu-tuwuja ne’e kojo mawali ewa wetu!”

Sura Magali Nuntu Ngkatuwu

¹⁶ Manoto da rata siʼa mampepate waʼa ntopotetala setu, nepa da napepombaika bonde setu ri waʼa ntopotetala anu ntaninya.” Padonge ntau seʼe pompau i Yesu ewanceʼe natoʼo, “Neʼe kojo ewanceʼe!”

Lukas 20:16 Referans Kwoze

Lukas 19:27

Wali ane mangkonong balingku to taa rani aku mawali makole nsira etu, keni mai sira pei pate yau ri tangongku.’” Wali etu semo rapa to nato’o i Yesu see anaguruNya mangansani mampakadota mangika palaong nsira ri rayanya mangampeas tempo ngkama’iNya. Pasi Ia mampatiendoka seja baliNya to taa rani Ia mawali Makole.

Palaong mPomakau i mPue Yesu 13:46

Pei i Paulus sira dua i Barnabas taa kojo meka mangansono gombo nsira, to’onya, “Kami taa maya taa mampakarebaka tuntu i mPue Allah resi komi to Yahudi ruyu. Pei komi bo’omu mangaya, pasi manasa komi semo to mampobuuka komi taa masipato damangarata katuwu to singkasaenya. Wali see naka si’i-si’i kami dayau wo’u mampakarebaka tau to si’a to Yahudi.

Matius 21:41

Wali sira mangansono pampotanaka i Yesu etu, sira manganto’o, “Mapari kojo danaika damampakaja’aka yau tau to maja’a etu. Panewa roo see ia damangawaika wo’u tau to yusa damampasilonga nawunya etu. Wali tau to i waikanya mampasilonga nawu etu, etu semo tau to singkonong mangawaika ia tilanya ane ratamo temponya matasamo wua nu anggur. Wali tau to etu semo damangkampang wo’u nawu etu.”

Matius 22:7

“Wali ojo pangandonge makole mangkonong palaong to naika ntau etu, ia maja’a kojo rayanya. Wali see naka ia mampokau tentaranya yau damampakaja’aka yau samparia tau to mampopate yau pomakaunya etu, panewa mantunju yau kota nsira.

Matius 21:34

“Wali ojo karatanya temponya wua nu anggur etu matasamo, tau pue nawu etu mampokau sawei mba’a to papolaonginya yau njo’u to pangkampang nawu etu damangokoka ia wua nu anggur to si ia.

Markus 12:9

Wali ojo karoonya i Yesu manganto’o rapa etu Ia mampotanaka wo’u resi kepala-kepala nto pampue pasi yununya, Ia manganto’o, “Wali ane ewa pampobuuka ngkomi, kesaa danaika ntau pue nawu etu? Ewa si’i danaika, ia dayau resi to pangkampang nawu etu pasi damampopate yau sira panewa roo see ia damangawaika wo’u tau to yusa damampasilonga nawunya etu.

Lukas 20:15

Roo see sira mangansoko ana ntau pue nawu etu panewa sira mampanasok yau ia nja’u sambali nawu anggur panewa mampopate yau ia.” Wali ojo karoonya i Yesu manganto’o rapa etu Ia mampotanaka wo’u resi kepala-kepala nto pampue pasi yununya, Ia manganto’o, “Wali ane ewa pampobuuka ngkomi, kesaa danaika ntau pue nawu resi to pangkampang nawunya etu tempo ia rata muni resi sira?

Roma 3:4

Ia damangika kojo, apa nempo samparia tau mawuti, ane gombo i mPue Allah, gomboNya etu sangkani monso. Kita tansani gombo i mPue sangkani monso, apa re’e to ratulis ri raya ntuntuNya mangkonong Ia, to’onya, “Pue, tempo Komi magombo, samparia tau damangansani monso pu’u gomboMu etu. Pasi ane re’e tau mampakasala Komi, Komi damanganangi tau etu.” (Masmur 51:6) Etu semo gombo to room ratulis etu.

Roma 3:6

Gete taa! Apa ane taa masipato i Pue Allah mangahuku dosa ntau, wimba danaika mangabotus to lino ri tempo to darata?

Roma 3:31

Wali ane kita rapalaes saba yako pangayanta etu, wimba, kita bara mamposaka yau porenta i mPue Allah? Taa kojo. Apa saba yako pangaya ngkita etu, see naka kita manga’angga porenta etu.

Roma 6:2

Gete taa! Tamo masipato kita mangika dosa apa kita nato’o i mPue Allah mate sindara-ndara pei i Kerisitu see dosa tamo maya mangkuasang kita.

Roma 6:15

Wali monso pu’u kita tamo ri ara mporenta, kita ri ara ngkanoto i mPue Allah. Wali wimba, bara maya kita mangika dosa? Gete taa!

Roma 7:7

Wali wimba datato’o mangkonong porenta i Musa? Bara maja’a porenta etu? Gete taa! Apa ane taa porenta i Musa mampaponsanika aku aku tau madosa, aku taa kunsani. Rapanya aku mamporani anu nsa’e, pei ane taa porenta i Musa manganto’o, “Ne’e mamporani anu nsa’e,” (Posuwunya 20:17) wali aku taa kunsani bara taa matao mangika palaong to etu.

Roma 7:13

Wali wimba, bara yako porenta i Musa to matao etu naka pei masipato aku rahuku mate? Gete si’a! Yako dosa to re’e ri rayangku semo. Pei songka i mPue Allah ane mangkonong porenta etu, etu semo porenta etu mampakanasaka aku mangkonong dosa. Apa saba yako porenta etu see naka aku mangansani dosa to aku mangika monso pu’u dosa pasi maja’a kojo dosa etu. Wali apa saba dosangku etu see naka porenta to matao etu mawali anu to napake i mPue Allah mangahuku aku mate.

Roma 9:14

Wali ane i Pue Allah mangampilis samba’a tau pasi mampobo’o tau to yusa, wimba datato’o mangkonong Ia? Bara maya kita manganto’o i Pue Allah taa sangkani mangika ewa wimba to masipato raika? Gete taa maya!

Roma 11:1

Wali aku mampotanaka, wimba, i Pue Allah, Ia bara room mangantaji yau tauNya? Taa kojo! Aku semo to Israel seja. Aku seja samba’a wiyaa i Abraham yako suku i Benyamin pei aku taa nataji yau i mPue Allah.

Roma 11:11

Wali kaborosinya to Israel room tisumpul, pei wimba, tempo sira tisumpul etu sira bara mapuka yau sampe rapakaja’a yau singkasaenya? Taa kojo! Si’a ewa see songka i mPue Allah resi sira. Songka i mPue Allah semo ane yako ri dosa nto Israel see naka tau to si’a to Yahudi rawaika seja temponya darapalaes. Apa ane yako pangkita nto Israel tau to yusa rapalaes, sira damawali kaloo panewa sira darani seja rapalaes.

1 Korintus 6:15

Wimba, komi bara room mangkalingan yau anu to rapotundeka komi seore? Etu semo to manganto’o, “Kita to mangaya, koro ngkita saga ngkoro i ngKerisitu semo.” Wali ane ewa see, wimba, bara matao kita mangampake koro ngkita to i Kerisitu Puenya si’i damangika palaong to maja’a resi lonte? Gete taa!

Galatia 2:17

Wali kita mansarumaka gombo i mPue Allah to manganto’o kita tare dosanta apa saba kita mangaya i Kerisitu. Wali kita tamo mansarumaka porenta i Musa, see naka kita nato’o nsa’e tau madosa seja sewaju ewa tau to si’a to Yahudi. Wali ane monso pu’u to nato’o nsira etu, batuanginya yako pangayanta resi i Kerisitu semo naka pei kita madosa. Pei taa monso ewa wetu. Taa kojo dosa ane kita mamposaka yau pansarumakanta ri porenta i Musa see jamo i Kerisitu to isarumakanta.

Galatia 3:21

Wali wimba, porenta i Musa bara mangewa parajanji i mPue Allah? Taa kojo! Apa parajanji i mPue Allah pasi porenta i Musa wungka yusa batuanginya. Naka pei re’e parajanji i mPue Allah see tau maya mangarata katuwu. Apa ane bara re’e porenta to maya mangawaika katuwu resi tau to mangalulu, ane ewa see porenta etu semo to maya mawali jaya see kita danato’o i mPue Allah tare dosanta.

Galatia 6:14

Pei ane aku, tare yusa to aku mangabarong. Ojo kapate i Yesu Kerisitu, Pue ngkita, ri kaju pasape, etu semo to kubarong. Apa yako kapate i Yesu Kerisitu ri kaju pasape, see naka anu to na’angga nto lino tamore batuanginya resi aku, pasi aku tamo seja re’e anggangku ri pangkita nto lino.