Lukas 20:13 - Tuntu i mPue ri Basa Taa

¹³ “Wali yako etu tau pue nawu mampobuuka, ‘Kesaa dakuika? Ewa si’i dakuika: Aku damampokau anangku to kuporayang. Wali ane sira mangkita anangku semo to rata resi sira, tuwu-tuwuja sira damanga’angga ia.’ Wali ia mampokau ananya etu.

Sura Magali Nuntu Ngkatuwu

¹³ Monawa-nawa tumpu bonde anggoro setu, natoʼo ri rayanya, ‘Moruana da kupokaumo anaku anu kupotowe? Ane nakita ntau seʼe anaku, manoto da natubunaka.’

Lukas 20:13 Referans Kwoze

Matius 3:17

Pasi tempo etu re’e radonge loo to yako ndate saruga, loo etu manganto’o, “Si’i semo AnangKu to kuporayang kojo. Aku masanang kojo resi Ia.”

Galatia 4:4

Pei ojo karatanya tempo to napakatantuka yami i mPue Allah, Ia mampokau AnaNya ma’i ri lino si’i. AnaNya etu napoanaka ntau we’a to Yahudi wali Ia to Yahudi seja, see naka Ia mangalulu seja porenta i Musa.

Roma 8:3

Wali ane ojo yako porenta i Musa, taa kojo tilapa kita yako ri kuasa nu dosa apa pampobuuka ngkita to masae taa nakurang mangaluluka porenta etu. Pei ane i Pue Allah, Ia nakurang mangalapa kita yako ri kuasa nu dosa. Ia mampokau Ana to si Ia ma’i ri lino si’i mawali to lino. Pasi tempo Ia ma’i etu, koro to si Ia sewajuja ewa koro ngkita to madosa. Wali roo see, Ana i mPue Allah rapopate yau mangansompo dosa nto lino. Wali ewa wetu naika i mPue Allah manganangi kuasa nu dosa pasi mangalapa kita to madosa yako ri kuasa nu dosa etu. Wali palaong to taa maya naika mporenta i Musa, palaong etu i Pue Allah semo nangika.

Yohanes 1:34

Wali palaong to aku mangkita etu mangabanang gombo i mPue Allah resi aku, see naka aku maya mampatimonso tau etu semo Ana i mPue Allah.”

Lukas 9:35

Roo see re’e loo to magombo yako ri raya nu limu. Loo etu manganto’o, “Si’imo anangKu. Aku roomo mangampilis Ia. Wali padongeka kojo gomboNya.”

Matius 17:5

Pei tempo i Petrus tongo mpagombonya etu, tempo etu re’e limu to makilo to tudu mangangkumuti yau sira ndate rapa ntongku etu. Pasi kodi majoli sira mangandonge loo yako ri raya limu etu, loo etu manganto’o, “Si’imo anangKu. Aku mamporayang kojo Ia pasi Aku masanang kojo resi Ia. Wali padongeka kojo gomboNya.”

Lukas 18:2

Wali Ia manganto’o, “Rapanya re’e samba’a to pobotus to maroo ri kota pasi nja’u seja samba’a tau we’a to balu. Wali to pobotus etu, ia taa mampalaika i Pue Allah pasi taa manga’angga Ia, pasi ia taa seja mamporayang tau. Wali tau we’a to balu etu tare pandoonya yau ri to pobotus etu pei mamporapika resi ia, to’onya, ‘Sawang aku naka ne’e balingku manganangi aku.’

Lukas 18:4

“Wali masae sangkodi to pobotus etu bo’onya mangansawang ia, pei tau we’a etu tare pandoonya marapi-rapi sawang resi ia, see naka ia mampobuuka, ‘Kamonsonya aku taa mampalaika i Pue Allah pasi aku taa manga’angga Ia pasi taa seja mamporayang tau, pei nempo ewa wetu to tao-tao aku mampasimbalika tau we’a si’i see ia damandoo apa ane tare pandoonya ia ma’i, gete, aku damosa kojo!’” Etu semo rapa to nato’oka i Yesu anaguruNya.

Lukas 20:12

Roo see tau pue nawu mampokau wo’u to papolaonginya to katogo, pei ojo karatanya nja’u ria, sira mangawelang ia pei mampanasok yau yako ri nawu etu.

Lukas 20:14

“Pei ojo karata nu ana mpue nawu etu, to pangkampang nawu sira mangkita ananya etu, wali sira magombo samba’a pei samba’a, sira manganto’o, ‘Si’i semo tau to damangantima panta ntau pue nawu si’i. Anu kita mampopate yau ia see kita semo damangantima pantanya etu.’