Lukas 2:9 - Tuntu i mPue ri Basa Taa

⁹ Tempo sira mangangkampang dombanya etu, kodi majoli re’e samba’a pomakau i mPue yako ri saruga rata resi sira. Pasi reme i mPue to makilo kojo mangansindo sira. Wali meka kojo raya nsira.

Sura Magali Nuntu Ngkatuwu

⁹ Tingkarasaka, setu malaʼeka i mPue Ala mekakore ri sori ntau seʼe, pai peawa i mPue Ala mesindi makilaya marara tau seʼe, painaka maʼai kojo kaeka ndayanya.

Lukas 2:9 Referans Kwoze

2 Korintus 3:18

Wali apa saba tamo re’e to mangabombong pampobuuka ngkita to mangaya, see naka kita samparia maya mampobuuka kojo kayawa i mPue. Pampobuuka ngkita etu raporapaka ewa mangalo’a kayawa i mPue ri raya nsami. Wali ri rayanya kita mampobuuka kayawa i mPue etu, kanjo’u-njo’u lengko ngkita darawali si-singkodi kasae-sae dasewaju ewa Ia. Pasi kanjo’u-njo’u tiduga-dugang kayawa ngkita yako resi Nosa i mPue.

Pangkita 18:1

Wali roo see aku mangkita samba’a pomakau i mPue Allah to yusa ma’i yako ndate saruga. Pomakau etu bae kuasanya, pasi kayawanya mampakareme lino.

Palaong mPomakau i mPue Yesu 27:23

Naka pei kunsani palaong to damawali etu apa ri raya mburi rata samba’a pomakau i mPue Allah yako ri saruga. I Pue Allah etu, Ia semo Puengku pasi Ia semo to kupampue mampakabae. Wali Ia mampokau pomakauNya etu ma’i makore ri awengku.

Palaong mPomakau i mPue Yesu 5:19

Pei ri raya mburi rata samba’a pomakau i mPue yako ri saruga. Ia mangaloka ba’a mbombo ntarungku etu pei mangkeni muni sira njo’u sambali mbombo etu. Panewa ia manganto’oka sira,

Yohanes 12:41

Wali naka pei i Yesaya mangantulis gombo etu apa ia roomo rapapokitaka yami kayawa i Yesu, wali ia mangantulis mangkonong i Yesu semo.

Lukas 24:4

Wali sira tamo mangansani bara kesaa to danapobuuka. Pei kodi majoli re’e dua mba’a tau langkai to makore ri awe nsira. Tau dua etu, pakenya kampila-mpila.

Pangkita 20:11

Wali ojo karoonya i maja’a rapanasoka yau lo’u rano nu apu, aku mangkita wo’u gadera Makole, gadera etu bae pasi buya. Pasi ri wawo gadera etu re’e to matunda. Wali lino pasi yangi miyai yako ri tangoNya panewa tamo rakita.

Ibrani 12:21

Wali anu to nakita nto Israel pasi anu to nadonge nsira etu mampakameka kojo sira. See naka i Musa manganto’o, “Aku meka kojo rayangku pasi rongko.” (Ulang 9:19)

1 Timotius 3:16

Wali monso pu’u bae kojo batuanginya anu to napaponsanika i mPue Allah mangkonong pangaya ngkita. Etu semo, I Pue Allah nama’i mawali tau, Pasi i Nosa Mapasing mampakanasa Ia tare dosa. Ia nakita mpomakauNya yako ndate saruga, Pasi kareba mangkonong Ia rapakarebaka resi tau samparia bansa. Pasi tau sambawo lino re’e to mangaya Ia. Pasi Ia tiokotaka nto’u saruga ri raya ngkayawaNya.

2 Korintus 4:6

Wali tempo owi, tempo lino si’i ojo mawuri, i Pue Allah manganto’o, “Powalimo reme,” panewa re’e reme to mangansindo lino to mawuri etu. Wali tempo si’i i Pue Allah semo to ewa mangansindo pampobuuka ngkita see mareme seja. Batuanginya naka pei Ia mangika ewa wetu, see kita mangansani pasi maya mampaponsanika sa’e mangkonong kayawa i mPue Allah apa saba roomo mangalo’aka lio i Yesu Kerisitu.

Palaong mPomakau i mPue Yesu 12:7

Pei ri raya mburi etu, kodi majoli rata samba’a pomakau i mPue Allah yako ri saruga pei makore ri awe i mPetrus. Pasi re’e seja reme to mangansindo songi etu. Yako etu pomakau etu mangantobe i Petrus ia damangalike, ia manganto’o, “Pambangu nakajoli.” Wali ri tempo etu semo rante pungunya etu tilapa yau yako ri pale i mPetrus.

Lukas 1:28

Wali pomakau etu yau resi i Maria. Rata resi ia, ia manganto’o, “Pakasanang rayamu, apa bae kanoto i mPue Allah resi korom. Pasi i Pue re’e siwaka pei korom. Wali korom semo to rasi-rasi wo’u pei samparia tau we’a to yusa!”

Matius 1:20

Pei tongo-tongonya ia mampobuu-buuka etu, ia yore yau pei mangipi. Ri raya mpangipinya etu ia mangkita samba’a pomakau i mPue Allah yako ndate saruga rata resi ia. Pomakau etu mampogomboka ia manganto’o, “O Yusup, wiyaa i Daud, ne’e bata-bata rayamu mamporongo i Maria. Apa Ana ri raya ngkomponya etu mawali yako ri kuasa i Nosa Mapasing.

Lukas 2:8

Wali wuri etu re’e bara sawei mba’a to pangkampang domba to mangangkampang dombanya nja’u pada to taa longko kojo yako ri kota Betlehem.