Lukas 2:7 - Tuntu i mPue ri Basa Taa

⁷ Sira yau njo’u banua nakayore ntau to rata pei taa soa. Wali sira yau mampago pasuli napampiara ntau binatang. Panewa nja’u ria semo i Maria mampoanaka ananya to tu’anginya, etumo ana langkai. Ojo kare’enya ana kodi etu ijamumukanya kain panewa inulinya ri raya ndula, tampa rapampokoni binatang.

Sura Magali Nuntu Ngkatuwu

⁷ Napoanamo ana tuama, inceʼemo ananya anu uyue. Ananggodi setu napujuka ronto, nepa nauli ri raya dula anu lau deami maka bareʼemo reʼe kasoanya ri banua linggona.

Lukas 2:7 Referans Kwoze

Galatia 4:4

Pei ojo karatanya tempo to napakatantuka yami i mPue Allah, Ia mampokau AnaNya ma’i ri lino si’i. AnaNya etu napoanaka ntau we’a to Yahudi wali Ia to Yahudi seja, see naka Ia mangalulu seja porenta i Musa.

Yohanes 1:14

Wali Ia to rato’oka i Tuntu, Ia nawali seja to lino pasi Ia re’e maroo ri oyo ngkita. Tempo Ia maroo ri oyo ngkita etu Ia bae kojo kanotoNya resi tau pasi samparia to to’oNya paka monso pu’u. Pasi tempo Ia maroo ri oyo ngkita etu, kita re’e mangkita Ia bae kojo kuasaNya. Wali bae kojo kuasaNya etu apa Ia Ana i mPue Allah to samba’aja, to ma’i napokau mPa’aNya etu.

2 Korintus 8:9

Wali masipato komi manoto resi sa’e apa komi mangansani ewa wimba kabaenya kanoto i Yesu Kerisitu, Pue ngkita. Ia sugi kojo tempo tawa ma’i ri lino si’i, pei nempo ewa wetu, Ia buya rayanya mawali masiasi see maya mangansawang kita. Wali yako kasiasi to si Ia etu see naka kita mawali sugi.

Matius 1:25

Pei ri katawanya i Maria mampoanaka ana langkai etu, etu semo ana to tu’anginya, i Yusup tawa re’e mangamporouka ia. Wali yako etu, ojo pampoanaka ana etu i Yusup mangansangaka Ia i Yesu.

Matius 8:20

Wali i Yesu manganto’oka ia, “Ane asu maila, re’e wayau mbatu to nakaroo nsira, pasi ane tonsi, ia re’e seanya. Pei ane Aku, Wiyaa nto Lino, tare tampa to Akuja puenya daKukayore. Wali Aku mangepe korom bara taa nukurang mangalulu Aku apa taa todo.” Ewa wetu naika i Yesu mangansono tau to mampoguru porenta i Musa etu.

Yesaya 7:14

Wali i Pue semo damangawaika kita tondong to mampakanasaka resi kita Ia dasiwaka pei kita. Wali padongeka kojo gombongku si’i. Dare’e samba’a tau we’a to tawa re’e nepenya to langkai, tau we’a etu damangkayu’uka pei damampoanaka ana langkai. Panewa ana etu darato’oka Imanuel, batuanginya i Pue Allah re’e siwaka pei kita. Wali palaong to etu, etu semo tondong to mampakanasaka resi kita i Pue Allah dasiwaka pei kita.

Matius 13:55

Tau si’i ojo ana ntau to mampasilonga kaju. Sanga nu indoNya i Maria, pasi tua’iNya i Yakobus, i Yusup, i Simon pasi i Yudas.

Masmur 22:6

Ane ewa panto’o ntau aku taa bae batuanginya, ojo ewa talodo semo. Wali aku nato’o maja’a nsira pasi maja’a nakita nsira.

Lukas 10:34

Wali see naka ia yau ri awenya pei mampokulir welanya mangampake indol pasi tule. Roo see ia mangawungusika kain welanya etu. Panewa roo see ia mangalea ngkai etu ri keledai to si ia pei mangkeni njo’u banua nakayore ntau to ri raya mpalinjanya. Rata nja’u ria ia mangkampang tau masaki etu.

Posuwunya 4:24

Wali yako etu, tempo i Musa sira sana tiroo ri raya mpalinjanya yau lo’u tana Mesir, sira rata ri tampa rakayore. Tempo sira nja'u nja'u ria i Pue Yawe rata resi i Musa pei rani mampopate yau ia apa ia tawa mangansui ananya mampolaika porenta i mPue.

Pomulanya 42:27

Ri raya mpalinja nsira etu, ojo kawurinya rao sira rata ri tampa danakayore nsira. Ojo karatanya nja’u ria, re’e samba’a sira to mangua karunya damampokoni keledainya. Pei tempo ia mangua karunya etu, ia mansaka mangkita re’e doi ri wombo ngkaru etu.

Pomulanya 43:21

Pei ri raya mpalinja mami damawolili muni njo’u lipu, ojo karata mami ri tampa rakayore, kami mangua karu mami. Tempo kami mangua karu etu, kami mangarata muni doi mami samba’a pei samba’a pata-patanya ri wombo ngkaru. Pei kami taa kunsani bara i sema to namposaka muni doi etu ri raya ngkaru mami. Wali see naka kadua ngkaninya kami ma’i si’i kami mangkeni muni doi etu. Pasi kami mangkeni seja doi to yusa daraolika wo’u pangkoni.” Etu semo to nato’oka nsira to papolaong i Yusup etu manto’o notonya.

Lukas 2:6

Wali tempo sira dua nja’uwa nja’u Betlehem ratamo temponya i Maria moana.

Lukas 2:8

Wali wuri etu re’e bara sawei mba’a to pangkampang domba to mangangkampang dombanya nja’u pada to taa longko kojo yako ri kota Betlehem.