Lukas 2:48 - Tuntu i mPue ri Basa Taa

⁴⁸ Wali tempo tau tu’aNya mangkita Ia etu, sira ipu kojo rayanya, pei indoNya manganto’oka Ia, “Anangku, maka pei Korom mangika palaong si’i resi kami? Mawo kojo raya mami dua pa’amu tempo mangaliwu-liwu Korom.”

Sura Magali Nuntu Ngkatuwu

⁴⁸ Tau tuʼa-A seʼe jingki rayanya mangkita Sira. Natoʼoka ine-A Sira, “Makuja ana, painaka nupowia kami ewaseʼi? Papa-Mu pai ine-Mu, masusa kojo raya mami mampepali siko!”

Lukas 2:48 Referans Kwoze

Lukas 2:49

Pei i Yesu manganto’oka tau tu’aNya, Ia manganto’o, “Maka pei komi dua mangaliwu Aku? Bara taa nunsani ngkomi Aku taa maya taa mangika palaong mPa’angKu ri raya banuaNya?”

Matius 12:46

Wali tongo-tongonya i Yesu mampogomboka tau boros etu, ratamo indoNya pasi tua’iNya bara sawei mba’a nja’u sambali banua nakare’e i Yesu. Sira makore ri sambali banua etu, sira rani magombo resi i Yesu.

Lukas 4:22

Wali samparia tau to nja’u ria paka mangabarong i Yesu, pasi sira ipu rayanya mangandonge gomboNya to magaya kojo etu. Pei sira taa mangaya Ia to pantuntu tuntu i mPue Allah, sira mampobuuka Ia ojo tau biasa semo. See naka sira manganto’o samba’a pei samba’a, to’onya, “Gete, tau si’i ojo Ana i Yusup!”

Lukas 3:23

Wali i Yesu bara togo mpuyu nto’umo tempo Ia mula mangika palaong to nawaika i mPue Allah Ia. Ia nato’oka ntau Ana i Yusup. Pasi i Yusup etu ia ana i Eli.

Yohanes 1:45

Pasi i Pilipus etu yau mangaliwu samba’a yununya to sanganya i Natanael panewa ojo pangaratanya, ia manganto’oka i Natanael etu, “Kami re’e mangarata Makole parajanji i mPue Allah, tau to napaponsanika yami i Musa tempo ia mangantulis porentanya, pasi to napaponsanika yami seja nto pantuntu tuntu i mPue Allah tempo sira mangantulis tuntuNya etu. Wali tau to napaponsanika nsira etu, etu semo i Yesu to Nasaret, ana i Yusup.” Etu semo to nato’oka i mPilipus i Natanael.