Lukas 2:4 - Tuntu i mPue ri Basa Taa

⁴ Pasi i Yusup, to kasimpande i Maria, ia seja mayoko yako ri kota Nasaret nja’u propinsi Galilea. Ia yau ri kota Betlehem to nja’u propinsi Yudea. Wali naka pei i Yusup yau ri Betlehem apa ia samba’a wiyaa i Makole Daud to maroo nja’u ria tempo owi.

Sura Magali Nuntu Ngkatuwu

⁴ I Yusu woʼu malai ungka ri lipu Nasare ri Galilea, njoʼu ri lipu Beteleme ri tana Yudea, lipu pampoana ngkainya i Mokole Daudi; maka siʼa muli i Daudi.

Lukas 2:4 Referans Kwoze

Yohanes 7:42

Apa tuntu i mPue Allah manganto’o i Kerisitu, Makole parajanji i mPue Allah, Ia wiyaa i Makole Daud. Pasi Ia darapoanaka nja’u kota Betlehem, kota to nakaroo i Daud tempo owi.”

1 Samuel 16:1

Wali i Samuel ia mawo kojo rayanya mampobuuka i Saul tamo masipato mawali makole nto Israel. Pei re’e seo i Pue Yawe manganto’oka ia, to’oNya, “Aku roomo mangandolika tangongKu yako resi i Saul, see naka Aku tamo singkonong ia mawali makole. Wali ne’emo mampomawo ia. Kasimbalinya yako etu, oko tampa to raika yako tondu to rapamposaka minya pei banangika minya nsaitun. Roo see inta njo’u kota Betlehem pei pago ngkai to sanganya i Isai. I Isai etu, ia re’e bara sawei mba’a ananya to langkai. Wali naka pei Aku mampokau korom yau resi i Isai apa samba’a ananya etu, ia semo to ipilisingKu damawali makole.” Etu semo to nato’oka i mPue Yawe i Samuel.

Lukas 4:16

Wali yako etu i Yesu yau njo’u kota Nasaret, kota to karooNya tempo Ia dakodiwa sampe rata temponya Ia baemo. Wali rata nja’u ria, ojo karatanya Eo Rapandoo, Ia yau ri banua to napampotunde nto Yahudi ewa to biasa inikaNya. Rata nja’u ria Ia masua ri raya banua etu panewa yako etu Ia makore damangabasa tuntu i mPue Allah.

Matius 2:23

Wali ojo karata nsira sana ri Galilea etu, sira yau ri kota to rato’oka Nasaret pei maroo nja’u ria. Wali palaong etu mawali see tibanang gombo to nato’oka nto pantuntu tuntu i mPue Allah tempo owi mangkonong i Yesu, sira manganto’o, “Ia darato’oka To Nasaret.”

Yohanes 1:46

Pei i Natanael manganto’o, “Gete, bara si’ansa yako ri kota Nasaret Ia! Apa tare anu to natulis nto pantuntu tuntu i mPue Allah tempo owi mangkonong tau to bae anggaNya to masuwu yako kota Nasaret!” Wali i Pilipus manganto’o, “Yaumo kita mangalo’a see korom maya mangkita Ia.”

1 Samuel 16:4

Wali i Samuel mangaluluka anu to nato’oka i mPue Yawe resi ia etu, see naka ia yau njo’u Betlehem. Rata nja’u ria, ma’i tau tu’a ntau to maroo ri Betlehem ma’i mangantomu ia. Tau etu sakarongko apa meka kojo raya nsira mampobuuka bara kesaa sabanya naka pei to pantuntu tuntu i mPue Allah rata resi sira etu. Wali sira mampotanaka resi i Samuel, sira manganto’o, “Wimba Pa’a, komi bara ma’i ri kasanang ndaya ngkomi?”

Pomulanya 48:7

Wali yako etu ia manganto’o wo’u, to’onya, “Naka pei aku rani mangika ewa wetu apa saba aku tiroowa mangendo indomu, i Rahel. Ia mate yau seore ri tana Kana’an tempo kita ri raya mpalinjanta yako ri Mesopotamia yau muni ri lipu ri tana Kana’an etu. Wali tempo ia mate yau etu, kita re’e ri jaya tamo longko yako ri kota Eprata, wali mawo kojo rayangku tempo mampongkeli yau ia ri wii njaya to yau ri kota Eprata etu, kota to rato’oka seja Betlehem.” Etu semo to nato’oka i Yakub mampakanasaka i Yusup sabanya naka pei ia rani i Epraim sira dua i Manase mawali yau ewa ana ngkoronya.

Pomulanya 35:19

Wali yako etu, i Rahel ia puramo nosanya panewa ia rapongkeli yau. I Yakub pasi yununya mampongkeli yau ia ri wii njaya to nalulu nsira yau njo’u kota Eprata. Kota etu rato’oka seja kota Betlehem.

Matius 1:20

Pei tongo-tongonya ia mampobuu-buuka etu, ia yore yau pei mangipi. Ri raya mpangipinya etu ia mangkita samba’a pomakau i mPue Allah yako ndate saruga rata resi ia. Pomakau etu mampogomboka ia manganto’o, “O Yusup, wiyaa i Daud, ne’e bata-bata rayamu mamporongo i Maria. Apa Ana ri raya ngkomponya etu mawali yako ri kuasa i Nosa Mapasing.

Lukas 2:3

Wali samparia tau to naporentangika i Agustus, sira mawolili muni njo’u lipu nsira samba’a pei samba’a see daratulis sanganya.

Lukas 2:5

Wali ia yau njo’u ria daratulis sanganya. Pasi ia mangkeni seja kasimpandenya, i Maria. I Maria etu baemo komponya ri tempo etu.