Lukas 2:13 - Tuntu i mPue ri Basa Taa

¹³ Wali ojo karoonya pomakau i mPue etu manganto’o gombo etu, kodi majoli rata seja yununya to boros kojo yako ndate saruga. Sira mangabarong i Pue Allah to’onya,

Sura Magali Nuntu Ngkatuwu

¹³ Tingkarasaka malaʼeka setu teranganimo karianya, pai tau seʼe mongayu maunde i Pue Ala natoʼo,

Lukas 2:13 Referans Kwoze

Pangkita 5:11

Wali ojo karoonya sira menyanyi, aku mangkita pasi aku mangandonge wo’u loo mpomakau i mPue Allah boros kojo. Pomakau etu taa ransani mangabilang apa sira boros kojo. Wali sira makore tiku ri tampa to nakare’e nggadera Makole, pasi anu to tuwu to opo pasi ketua-ketua to dua mpuyu pei opo.

Ibrani 1:14

Apa pomakauNya etu, sira ojo nosa-nosa to mangika palaong i mPue Allah. Pasi sira napokau i mPue Allah damangansawang tau. Wali tau to nasawang mpomakau etu, etu semo kita to danapalaes i mPue Allah. Wali manasa kojo sanga pasi pangka i Ana i mPue Allah, etu semo to bae-bae batuanginya pei sanga pasi pangka mpomakau i mPue Allah.

Lukas 15:10

Wali Aku manganto’oka komi, ewa see seja kandende ndaya mpomakau i mPue Allah ndate saruga tempo re’e samba’a tau madosa to majea.”

Epesus 3:10

Pei tempo si’i Ia mampaponsanika to lino songkaNya etu. Naka pei Ia mampaponsani songka etu, see damampapokitaka makole-makole pasi anu to yusa to mangkuasang ndate yangi mangkonong kapandeNya. Apa tempo sira mangangkita samparia tau to mangaya roomo rapasimba’a mawali tauNya, sira damangansani i Pue Allah pande kojo apa samparia to inikaNya kono kojo.

Pomulanya 28:12

Wali ia yore yau panewa tempo yore etu ia mangipi. Ri raya mpangipinya etu ia mangkita re’e eja to makore yako ri tana pei tomponya rata ndate yangi. Pasi ia mangkita malagi mba’a pomakau i mPue Allah yako ri Saruga, sira mapone-pana’u mapone-pana’u ri eja etu.

1 Petrus 1:12

Pei i Pue Allah nampakanasaka to pantuntu tuntuNya tempo owi etu mangkonong palaong to napakarebaka yami nsira etu. Ia manganto’oka sira palaong etu taa damawali ri tempo katuwu nsira. Palaong etu damawali ri tempo katuwu ngkita semo. Wali monso pu’u ewa wetu. Apa kareba to napakarebaka yami nsira etu monso pu’u mawalimo resi kami. Pasi ri tempo si’i komi nangandongemo seja kareba etu, apa naratamo tau resi komi mangkenika komi kareba matao etu. Pasi ri rayanya sira mampakarebaka resi komi kareba matao etu, sira nasawang i Nosa Mapasing to rapokau yako ndate saruga. Wali magaya kojo kareba mangkonong ewa wimba naika i mPue Allah mampalaes to lino. See naka sakowa pomakau i mPue Allah ndate saruga, sira ipu kojo rayanya mangangkita kanoto i mPue Allah resi to lino. Pasi sira rani kojo manasanya mangkonong kanotoNya to bae kojo etu.

Lukas 2:12

Wali intamo pei liwu Ia. Ewa si’i tondong see ane nurata ngkomi danunsanika Ia: Komi damangarata Ana kodi to rajamumuka kain pasi rauli ri raya ndula, tampa rapampokoni binatang.”

Lukas 2:14

“I Pue Allah rabarong ndate saruga, tampa to malangan kojo. Pasi ri lino si’i, tuwu-tuwuja dare’e kasingkatao ri oyo ntau to mangarata kanoto i mPue Allah.”

1 Timotius 3:16

Wali monso pu’u bae kojo batuanginya anu to napaponsanika i mPue Allah mangkonong pangaya ngkita. Etu semo, I Pue Allah nama’i mawali tau, Pasi i Nosa Mapasing mampakanasa Ia tare dosa. Ia nakita mpomakauNya yako ndate saruga, Pasi kareba mangkonong Ia rapakarebaka resi tau samparia bansa. Pasi tau sambawo lino re’e to mangaya Ia. Pasi Ia tiokotaka nto’u saruga ri raya ngkayawaNya.