Lukas 19:44 - Tuntu i mPue ri Basa Taa

⁴⁴ Balimu etu damampakaja’aka yau kota ngkomi pasi komi to maroo ri rayanya. Wali watu ri kota ngkomi dararantamaka yau samparia. Tare pasi songu to taa darayali yau. Wali palaong etu damawali resi komi apa ratamo temponya i Pue Allah ma’i damampalaes komi pei komi taa mangalinga tempo etu.”

Sura Magali Nuntu Ngkatuwu

⁴⁴ Nagero siko sangkani pai waʼa ntau banganimu da naropu pai bareʼemo da reʼe sako saogu watu anu mombekekeni pai yununya, ua kabareʼenya meaya siko ri tempo ngkajela ntowe ndaya i mPue Ala da mancorepaka siko!”

Lukas 19:44 Referans Kwoze

Lukas 21:6

“Monso pu’u komi mangangkita samparia to magaya si’i. Pei darata temponya banua i mPue Allah pasi banua-banua to ri awenya etu darapakaja’aka yau, pasi watu bose etu dararantamaka yau samparia. Tare pasi songu to taa darayali yau.”

1 Petrus 2:12

Pei ri rayanya komi maroo-roo ri oyo ntau to taa mangaya i Pue, ika lengko ngkatuwu to matao see danakita nsira. Apa ane ewa wetu, nempo sira manto’o maja’a komi, sira tiroo damangansani kamonsonya lengko ngkomi matao. Wali nempo sira manto’o maja’a komi ri tempo si’i, ane ratamo temponya i Pue Allah ma’i damangabotus to lino, tempo etu sira damangabarong Ia apa sira roomo mangkita lengko ngkomi to matao.

Lukas 19:42

Ia manganto’o, “O komi to Yerusalem! Masanang rayangKu ane seo si’i komi mangansani jaya see maya mawali masingkatao pei i Pue Allah. Pei komi taa rani mampodongeka Aku, wali see naka tempo si’i jaya etu ewa rawuni yako resi komi.

Lukas 1:68

Ia manganto’o, “Barongi i Pue, Allah nto Israel, apa Ia ma’imo mangansawang tauNya pasi mangalapa muni kita.

Matius 24:2

Wali i Yesu manganto’oka kami, to’oNya, “Monso pu’u komi mangangkita samparia to magaya si’i. Pei Aku manganto’oka komi, monso pu’u banua i mPue Allah pasi banua-banua to ri awenya etu darapakaja’aka yau, pasi watu bose etu dararantamaka yau samparia. Tare pasi songu to taa darayali yau.”

Lukas 1:78

Naka pei i Pue Allah damangika ewa wetu apa Ia bae kojo pamporayangiNya resi kita.Wali see naka to Pansompo to dama’i yako saruga darata resi kita. Ia raporapaka ewa eo to owo lambu.

Markus 13:2

Wali i Yesu mangansono, Ia manganto’o, “Monso pu’u komi mangangkita samparia to magaya si’i. Pei darata temponya banua i mPue Allah pasi banua-banua to ri awenya etu darapakaja’aka yau, pasi watu bose etu dararantamaka yau samparia. Tare pasi songu to taa darayali yau.”