Lukas 19:12 - Tuntu i mPue ri Basa Taa

¹² Wali see naka Ia manganto’oka sira rapa mangampotundeka sira see sira damadota mangika palaong nsira ri rayanya mangampeas kama’iNya. Wali Ia manganto’o, “Re’e samba’a tau to bae angganya ia dayau njo’u tana to longko danawaika ntau kuasa damawali makole ri lipunya. Roo see ia damawolili muni ri lipunya etu damaporenta.

Sura Magali Nuntu Ngkatuwu

¹² Ndatoʼo i Yesu, “Ri anu sangkani reʼemo sambaʼa kabosenya da malai ri lipu anu lawa maka da ndalanti mewali mokole, ane roomo ndalanti nepa da mewalili.

Lukas 19:12 Referans Kwoze

1 Petrus 3:22

Wali tempo i Yesu Kerisitu mambangu muni yako ri kapateNya, yako etu Ia yau muni nto’u saruga. Wali tempo si’i Ia re’e ri tondo ngkana i mPue Allah, ri tampa to bae kojo angganya. Pasi tempo si’i Ia mangkuasang pomakau i mPue Allah ndate saruga, pasi mangkuasang seja samparia to maporenta pasi to re’e kuasanya. Wali manasa resi kita saba yako kasesa to narata i ngKerisitu, see naka bae kojo kayawa to Ia mangarata. Wali masipato kita buya seja rayanta nempo mangarata kasesa sewaju ewa to narata i ngKerisitu etu.

Ibrani 9:28

Pasi ewa see seja i Kerisitu sangkanija rapampueka resi i Pue Allah damangansompo dosa ntau boros. Pasi darata temponya Ia dama’i kadua ngkaninya. Tempo etu Ia si’a dama’i damangansompo wo’u dosa ntau, pei Ia dama’i resi tau to mangampeas Ia damampalaes sira yako ri kasusa ngkatuwunya ri lino to madosa si’i.

Yohanes 18:37

Wali see naka i Pilatus manganto’o, “Ane ewa see, bara monso pu’u Korom makole?” I Yesu mangansono, “Monso ewa panto’o ngkomi. Aku monso pu’u makole. Wali see naka Aku ma’i pei rapoanaka ri lino si’i, see damampaponsanika tau mangkonong anu to monso. Wali i sema-sema tau to rani mangansani anu to monso, tau etu masanang mampodongeka gombongKu.”

Lukas 20:9

Wali roo see i Yesu manganto’oka tau boros rapa. Ia manganto’o, “Rapanya re’e samba’a tau to mangika nawu danapampomuya anggur. Ojo karoonya ia mangika nawu etu ia mampomuya anggur, panewa roo see ia mangawaika sawei mba’a tau damampasilonga nawu etu. Ia manganto’oka tau etu sira darawaika ntanapanya, etu semo sira darawaika santilaja yako ri wua nu anggur ri nawu etu, panewa kaborosinya wua nu anggur etu ia semo puenya. Wali roo see tau pue nawu etu ia mayoko dayau njo’u longko. Wali masae kojo ia maroo-roo nja’u ria.

Pangkita 1:7

Lo’aja, Ia dama’i sindara-ndara pei limu. Tempo Ia dama’i etu panewa samparia tau damangkita Ia. Pasi tau to nangantuja Ia seore, sira seja damangkita Ia. Wali samparia wiyaa nto lino damangantangis Ia. Monso kojo damawali palaong etu. Amin.

1 Korintus 15:25

Apa i Kerisitu semo Makole sampe ratamo temponya i Pue Allah manganangi samparia baliNya pei mangawaika Ia mangkuasang sira.

Palaong mPomakau i mPue Yesu 17:31

Naka pei Ia manganto’o ewa wetu apa Ia room mampakatantu temponya darapangabotus to lino. Pasi re’e samba’a tau, i Yesu semo, to napilis i mPue Allah mangabotus to lino etu, wali Ia damangabotus to lino singkonong pei anu to masipato raika. Wali i Pue Allah room mampakanasaka resi samparia kita to lino monso pu’u Ia damangika palaong etu. Wali anu to inikaNya mampakanasaka kita, etu semo Ia mangawangu muni i Yesu etu yako ri kapateNya.”

Lukas 24:51

Tongo-tongonya Ia makai-kai etu, Ia mampiyaika sira, Ia tiokotakamo nto’u saruga.

Markus 16:19

Wali ojo karoonya i Yesu mampogomboka anaguruNya, Ia tiokotaka nto’u saruga. Panewa Ia matunda ri awe i mPue Allah ri sambaliNya tondo ngkana, tampa to bae angganya.

Markus 12:1

Wali i Yesu manganto’oka sira rapa, Ia manganto’o, “Rapanya re’e samba’a tau to mangika nawu danapampomuya anggur. Ojo karoonya ia mangika nawu etu, ia mampomuya anggur panewa roo see ia mangampampa yau nawu etu. Ojo karoonya ia mangampampa ia mangkeke wo’u wayau daraika tampa danapangalombu-lombu anggur etu see masuwu uenya. Panewa roo see ia mangawangu toal mangika tampa darapangajagai nawu etu. Wali ojo karoonya ia mangika palaong to etu ia mangawaika sawei mba’a tau damampasilonga nawu etu. Ia manganto’oka tau etu sira darawaika ntanapanya, etu semo sira darawaika santilaja yako ri wuanya, panewa kaborosinya wua nu anggur etu ia semo puenya. Wali roo see tau pue nawu etu ia mayoko dayau njo’u longko.

Matius 21:38

Pei ojo karata nu ana mpue nawu etu, to pangkampang nawu sira mangkita ananya etu, wali sira manganto’o samba’a pei samba’a, ‘Si’i semo tau to damangantima panta ntau pue nawu si’i. Anu kita mampopate yau ia see kita semo damangantima pantanya etu.’

Matius 28:18

Wali i Yesu ma’i ri awe mami pei manganto’o, “Samparia kuasa to re’e ri saruga pasi to re’e ri lino si’i roomo nakuasangika i mPue Allah Aku.