Lukas 18:7 - Tuntu i mPue ri Basa Taa

⁷ Wali ane to pobotus to maja’a etu pei mangansawang tau, taa manto’o i Pue Allah. Ia mansaka damangansawang tau to Ia roomo mangampilis to wuri eo makai-kai marapi sawang resi Ia. Ia taa damangampeas mampasimbalika sira.

Sura Magali Nuntu Ngkatuwu

⁷ Ara bareʼe da ndapedongeka i mPue Ala pekakai waʼa ntau-A sandeme-sandeme pai sambengi-sambengi? Ara da ndapoiya-iyaka i mPue mantulungi waʼa ntau seʼe.

Lukas 18:7 Referans Kwoze

2 Petrus 3:9

Wali re’e tau to mampobuuka i Pue Allah malengi kojo mangabanang parajanjiNya. Pei si’a ewa wetu. Ojo kita to lino to mangepe malengi apa pampobuuka ngkita taa sewaju pei pampobuuka i mPue Allah. Wali kamonsonya sabanya naka pei i Pue Allah taa mansaka mampakaja’aka yau lino, apa Ia ojo mangansabaraka kita to lino see tiroo re’e temponya tau damajea. Apa Ia taa rani sako samba’a tau darapakaja’aka yau.

Lukas 11:13

Wali komi nempo tau to maja’a, komi mangansani seja ewa wimba raika mangawaika anu to matao resi nganamu. Wali taa manto’o Pa’a ngkomi to ndate saruga. Ia semo to noto-noto wo’u mangawaika i Nosa Mapasing resi tau to marapi resi Ia.”

1 Timotius 5:5

Pei ane tau balu to taa kojo re’e tau to mampiara ia, tau balu etu jamo mansarumaka kojo i Pue Allah. Pasi ia madota kojo wuri eo makai-kai resi i Pue Allah marapi sawang resi Ia.

Pangkita 6:10

Wali tonii ntau etu sira maroso loonya manganto’o, “O Pue anu Makuasa, Komi tare dosa pasi Komi masipato rasarumaka. Wali wimba kasaenya panewa Komi damangabotus pasi mangahuku to lino to mampopate yau kami?”

2 Tesalonika 1:6

Pei ane tau to mangansesai komi, tau etu danasesai i mPue Allah. Apa i Pue Allah sangkani mangika ewa wimba to masipato naika, see naka Ia damamponsawaka palaong to naika nsira etu.

Lukas 2:37

Roo see mate yau rongonya etu, panewa roo see ia tau balu rataka ri temponya ia wayu mpuyu pei opo nto’u. Wali ia jamo maroo-roo ri raya banua i mPue Allah, tamo mampiyaika banua etu. Pasi wuri-eo ia mampue mampakabae i Pue Allah. Pasi ri rayanya ia mampue mampakabae i Pue Allah etu ia mandudu mangorop pasi makai-kai.

Matius 7:11

.Wali komi nempo tau to maja’a, komi mangansani seja ewa wimba raika mangawaika anu to matao resi nganamu. Wali taa manto’o Pa’a ngkomi to ndate saruga. Ia semo to noto-noto wo’u mangawaika anu to matao resi tau to marapi resi Ia.

Pangkita 18:20

O Saruga, pakasanang rayamu apa kota etu room rapakaja’aka yau. O tau to i Pue Allah Puenya, pasi pomakau i mPue Yesu, pasi to pantuntu tuntu i mPue, pakasanang raya ngkomi apa i Pue Allah room mangahuku kota etu apa saba kota etu room mangansesai komi.

1 Tesalonika 3:10

Wali wuri eo kami makai-kai mamporapika kojo resi i Pue Allah see kami maya simparata wo’u pei komi. Apa kami rani mampotundeka wo’u komi damampasilonga pangaya ngkomi.

Kolose 3:12

Wali komi naporayang seja i mPue Allah pasi Ia mangampilis seja komi damawali tau to Ia Puenya. Wali see naka matao komi mampolengkoka lengko to matao ewamo rani mangansawang sa'e, mangika to manoto resi sa'e, ne'e mangei, ne'e makasar resi sa'e, pasi pakabae sabara ngkomi resi sa'e.

Roma 8:33

Wali i sema to maya manganto’o kita to napilis i mPue Allah sala? Kamonsonya tare to maya apa i Pue Allah semo to manganto’o kita tare dosanta.

Pangkita 7:15

“Wali apa sira roomo mangantatap bajunya etu ri raa nu Ana Domba, see naka sira maya mampotango gadera i mPue Allah pasi wuri eo sira mangika palaong i mPue Allah ri raya BanuaNya. Wali Ia to matunda ri gaderaNya etu, Ia dasiwaka pei sira pasi damangantorung sira.

Titus 1:1

Sura si’i yako resi aku, i Paulus. Aku semo to papolaong i mPue Allah pasi pomakau i Yesu Kerisitu. Wali palaong to nawaika i mPue Allah aku etu semo mampakaroso pangaya ntau to napilis i mPue Allah, pasi mampotundeka tau see sira manasanya mangkonong anu to monso. Apa yako anu to monso etu see naka sira damangansani ewa wimba raika mampolengkoka lengko to singkonong pei i Pue Allah.

2 Timotius 1:3

Wali aku manganto’oka i Pue Allah tarima matao. Aku mampue mampakabae Ia ewa naika nu bue-buengku tempo owi. Pasi tempo aku mampue mampakabae Ia etu, rayangku tare seja mangepe sala ri tangoNya. Wali wuri eo, ponto ngkani aku makai-kai resi Ia aku taa mangkalingan korom pasi naka pei aku manganto’oka Ia tarima matao apa saba pangaya ngkorom semo.

Matius 24:22

Pei nempo mapari kojo kasesa etu, pei i Pue Allah damamporayang tau, see naka Ia damanganto’o, ‘Aku taa damangabiaka tau etu masae kojo mangarata kasesa. Wali Aku damampakapodo tempo ngkasesa etu.’ Wali etu semo to danaika i mPue Allah. Apa ane Ia taa mangika ewa wetu, tare to lino to darapalaes yako ri kasesa etu. Wali i Pue Allah mampakapodo tempo ngkasesa etu apa Ia mamporayang tau to Ia roomo mangampilis.

Matius 24:24

Apa ri tempo etu boros tau to damangawutis tau, sira manganto’o, ‘Aku semo i Kerisitu, Makole parajanji i mPue Allah.’ Pasi re’e seja to manganto’o, ‘Aku semo to pantuntu tuntu i mPue Allah.’ Tau etu sira damangika palaong to taa rapobiasa to mawali tondong resi tau, pasi palaong to mampakaipu raya ntau. Sira mangika palaong to etu apa sira mampobuuka bara maya mangantipu yau tau, nempo tau to natipu etu tau to roomo napilis i mPue Allah.

Lukas 21:28

Wali tempo palaong etu mula mawali pakaroso raya ngkomi pei pakasanang apa daratamo temponya komi darapalaes.”

2 Timotius 2:10

Wali see naka aku buya rayangku mansabaraka samparia kasesa to aku mangarata see maya mangansawang samparia tau to mangaya, tau to napilis i mPue Allah darapalaes yako ri kuasa nu dosa apa saba sira mawali samba’a pei i Kerisitu Yesu. Pasi sira maya mangarata katuwu to bae kayawanya rataka ri singkasaenya.

1 Petrus 1:1

Sura si’i yako resi aku, i Petrus. Aku samba’a pomakau i Yesu Kerisitu. Wali aku mangantulis sura si’i resi komi to napilis seja i mPue Allah. Komi mawali tau to rata nja’u lipu ntau to yusa, apa komi tiga’as pei maroo ri juku propinsi Pontus, Galatia, Kapadokia, Asia pasi Bitinia.