Lukas 18:32 - Tuntu i mPue ri Basa Taa

³² Wali Aku daraposora yau resi tau to si’a to Yahudi panewa tau etu damampokore Aku pasi damangarunes Aku.

Sura Magali Nuntu Ngkatuwu

³² Siʼa da ndapepombaika ri tau anu banya to Yahudi, da napasinggiri da napetikodi pai da ndatupesi.

Lukas 18:32 Referans Kwoze

Lukas 23:11

Panewa yako etu i Herodes pasi tentaranya mangarunes pasi mampokore i Yesu. See naka sira mamposunsuka Ia pake to magaya kojo ewa pake makole pei manganto’oka tau mangkeni muni Ia resi i Pilatus.

Yesaya 53:3

Wali to Papolaong i mPue Yawe, Ia narowis ntau pasi napobo’o nsira. Ia bae kojo kamawo ndayaNya pasi Ia malagi ngkani mangarata kasesa. Wali kita mangarowis Ia pasi taa manga’angga Ia, see naka kita ewa mangandolika yau tango ngkita yako resi Ia.

Yesaya 50:6

Wali Aku buya rayangKu mangabiaka tau mangampedas bengongKu, pasi mangabiaka tau mangarebus yau sambangingKu. Pasi Aku taa mangandolika yau tangongKu yako resi tau to mangarunes pasi to mangangerus Aku.

Palaong mPomakau i mPue Yesu 3:13

I Pue Allah semo to mangika palaong to etu. Ia semo Allah to napue nu bue-bue ngkita tempo owi, etumo i Abraham, i Ishak, pasi i Yakub, apa sira mampakabae Ia. Wali i Pue Allah mampakatao witi ngkai si’i see to lino damangabarong kuasa nto PapolaongiNya, i Yesu. Wali i Yesu to na’angga i mPue Allah etu, Ia semo to nuposora yau ngkomi resi pomarenta. Pasi Ia semo to nupobo’o ngkomi ri tango i mPilatus tempo i Pilatus etu rani mangalapa muni Ia.

Markus 14:65

Wali roo see re’e bara sawei mba’a tau mangerusimo i Yesu. Pasi sira mangabombong lio i Yesu panewa mangajanggur. Sira manganto’oka Ia, “To’oka kami i sema to mangajanggur Korom si’i-si’i!” Panewa tau to mangajagai, sira mangantopo Ia.

Matius 26:67

Wali roo see sira mangerusimo lio i Yesu pasi mangajanggur Ia. Pasi re’e wo’u tau to mangantopo Ia.

Matius 16:21

Wali yako ri tempo etu semo i Yesu mula mampakanasaka resi kami to anaguruNya, to’oNya, “Aku taa maya taa yau ndeku Yerusalem. Pasi nda’a ria boros kasesa to Aku damangarata yako resi tau tu’a nto Yahudi pasi kepala-kepala nto pampue pasi tau to mampoguru porenta i Musa. Wali Aku darapopate yau, pei yako etu, ri rayanya togo eo Aku darawangu muni yako ri kapatengKu.”

Mikha 5:1

Wali i Pue Yawe manganto’o, “O komi to Betlehem Eprata, kota ngkomi semo to kodi kojo ri tana Yehuda. Pei nempo kota to taa bae angganya etu, pei yako nja’u ria semo darata samba’a makole. Makole etu damamponsaruka Aku mamporentang komi to Israel. Wali makole etu, Ia re’e yako tempo owi, yako ri singkasaenya semo.” Etu semo to nato’o i mPue Yawe.

Palaong mPomakau i mPue Yesu 2:23

Wali i Yesu etu Ia roomo raposora yau resi komi, pasi tempo Ia raposora yau etu komi mampopate yau Ia apa komi mangawaika tau maja’a mampaku Ia ri kaju pasape. Pei i Pue Allah nansani yami palaong etu damawali, apa palaong etu mangalulu songka to si Ia.

Yohanes 18:35

Wali i Pilatus manganto’o, “Gete! Aku si’i si’a to Yahudi! YunuMu to Yahudi pasi kepala-kepala nto pampue ngkomi, sira semo to mangkeni Korom resi aku. Wali kesaa nuika ngKorom naka pei nakeni nsira rire?”

Yohanes 18:30

Sira mangansono, “Gete, ane Ia tare mangika palaong to maja’a, kami taa mangkeni Ia resi komi.”

Yohanes 18:22

Wali ojo panganto’o i Yesu gombo etu, re’e samba’a to panjaga to mangantoposaka lioNya, ia manganto’o, “Gete! Taa masipato Korom magombo ewa wetu resi kepala nto pampue to bae angganya!”

Lukas 23:35

Wali tempo etu tau boros makore mangalo’a-lo’aka palaong to mawali. Pasi re’e seja tau tu’a nto Yahudi, sira mampokore i Yesu. Sira manganto’o, “Ia nakoto mampalaes tau to yusa, wali biakamo Ia mampalaes koroNya ane monso pu’u Ia Kerisitu, Makole to napilis i mPue Allah.”

Lukas 23:1

Wali yako etu samparia tau to siromu etu sira makore pei mangkeni i Yesu resi gubernur nto Roma, i Pilatus.

Matius 27:2

Roo sira magombo etu, sira mangampungu i Yesu panewa mangkeni Ia resi gubernur nto Roma, i Pilatus.

Yohanes 18:28

Wali ojo karoonya i Yesu mampotango i Kayapas, dawuro kojowa Ia nakeni wo’u ngkepala-kepala nto Yahudi njo’u tongonata banua gubernur, i Pilatus. Gubernur etu tau to si’a to Yahudi. Wali apa saba banua etu banua ntau to si’a to Yahudi, see naka to Yahudi etu taa rani masua tempo sira rata nja’u ria. Sira taa masua naka ne’e sira damawali makarika ane ewa ada nu agama nsira. Apa ane mawali makarika, sira taa maya mangkoni pangkoni ri Roa Paskah.

Markus 15:1

Wali yako etu, ojo kaeonya rao, kepala-kepala nto pampue pasi tau tu’a nto Yahudi pasi tau to mampoguru porenta i Musa, sira siromu sindara-ndara pei songonya to pobotus nu agama nto Yahudi. Sira siromu damagombo-gombo mangkonong bara kesaa to danaika nsira resi i Yesu. Wali tempo sira re’emo songka nsira, tempo etu sira mampungu i Yesu panewa mangkeni Ia damampotango gubernur nto Roma, i Pilatus.

Matius 20:19

Pasi sira damangawaika Aku resi tau to si’a to Yahudi panewa tau etu damampokore Aku pasi damampedas seja Aku. Roo see sira damampopate yau Aku mangampaku Aku ri kaju pasape. Pei ri rayanya togo eo Aku damambangu muni yako ri kapatengKu.”

Matius 22:6

Panewa toronya to taa yau etu, sira mangansoko to papolaong makole pei mangansesai panewa mampopate yau sira.

Lukas 18:33

Pasi sira damangeru-ngerus, damangampedas pasi damampopate yau seja Aku. Pei ri rayanya togo eo Aku damambangu muni yako ri kapatengKu.” Etu semo gombo i Yesu mangkonong kapateNya.

Yohanes 18:32

Wali tempo sira manganto’o gombo etu, palaong etu mangabanang gombo to nato’o i Yesu seore. Tempo etu Ia magombo yami mangkonong ewa wimba Ia darapopate yau. Apa Ia manganto’o Ia damate rapaku ri kaju pasape, pei ojo to Roma semo to mangika palaong to etu.