Lukas 18:16 - Tuntu i mPue ri Basa Taa

¹⁶ Pei i Yesu mampokio ngana mayunu etu pei manganto’oka anaguruNya, “Biakamo naka ma’i ngana mayunu resi Aku. Ne’e mangamparas sira apa tau to ewa ngana mayunu etu, sira semo to mawali tau to Makolenya i Pue Allah.

Sura Magali Nuntu Ngkatuwu

¹⁶ Paikanya ndapeboo i Yesu waʼa ananggodi setu, nepa ndatoʼoka waʼa anaguru-A, “Ndipapaliuka waʼa ananggodi setu maʼi ri Yaku! Neʼe ndipetangani tau seʼe, maka waʼa ntau ewanceʼemo anu da mewali tau i mPue Ala.

Lukas 18:16 Referans Kwoze

1 Korintus 14:20

Wali a’i-a’i, ne’emo mampobuuka ewa naika ngana mayunu. Pobuuka ewa naika ntau bose tu’a. Pei ane mangkonong palaong to maja’a, to tao-tao mampolengkoka lengko nu ana kodi to taa nansani mangika palaong to maja’a etu.

1 Korintus 7:14

Apa ane taa maga’a, to langkai to taa mangaya etu bara damangaya seja i Pue apa saba rongonya etu mangaya. Pasi ewa see seja to we’a to taa mangaya bara damangaya seja apa saba rongonya etu mangaya. Pasi ane tau samboko etu taa maga’a, ana nsira napobuuka i mPue Allah ewa ana ntau to Ia Puenya. Pei ane sira maga’a, ana nsira etu napobuuka i mPue Allah ewa ana ntau to taa mangaya.

1 Petrus 2:2

Apa komi roomo mangepe pasi mangansani i Pue Ia manoto kojo resi kita. Wali aku mamporapaka komi ewa ana kodi to owo rapoanaka. Pasi aku mamporapaka tuntu i mPue Allah ewa ue nsusu to monso. Wali ewa wimba naika nu ana kodi to owo rapoanaka etu sangkani rani mansusu, to tao-tao ewa wetu seja danuika ngkomi sangkani rani mampodongeka tuntu i mPue Allah. Apa ane ewa see, kanjo’u-njo’u karoso-roso pangaya ngkomi, wali ewa see lengko ntau to roomo rapalaes.

Palaong mPomakau i mPue Yesu 2:39

Apa i Pue Allah, Pue ngkita, roomo mamparajanjika damangawaika i Nosa Mapasing etu resi samparia tau to Ia damampokio. ParajanjiNya etu Ia mangika resi komi pasi resi wiyaamu, pasi samparia tau to maroo nja’u longko.”

Pomulanya 21:4

Panewa yako etu, ojo kagananya wayu eo ana kodi etu, i Abraham mangansui ia mangalulu porenta i mPue Allah resi ia seore.

Matius 19:14

Pei tempo i Yesu mangkita palaong etu, Ia manganto’o, “Biakamo naka ma’i ngana mayunu resi Aku. Ne’e mangamparas sira apa tau to ewa ngana mayunu etu, sira semo to mawali tau to Makolenya i Pue Allah.”

Lukas 18:15

Wali yako etu re’e seore ma’i tau mangkeni ngana mayunu resi i Yesu apa sira rani Ia mampotaka sira pei mampokaika sira mamporapika resi i Pue Allah see Ia mampakasanang katuwu nsira. Apa ewa wetu ada nto Yahudi. Pei tempo anaguru i Yesu mangkita tau etu mangkeni ngana mayunu, sira manganseko tau etu.

Lukas 18:17

Apa Aku manganto’oka komi, ane ngana mayunu, nempo bara kesaa nato’o ntau tu’anya sira, sira mansarumaka kojo. Wali ane tau to si’a ewa wetu pansarumakanya resi i Pue Allah, tau etu taa maya mawali tau to Ia Makolenya.”