Lukas 17:30 - Tuntu i mPue ri Basa Taa

³⁰ Wali ewa see seja tempo Aku, Wiyaa nto Lino, darapaponsanika resi to lino tempo Aku mawali Makole ri lino. Tempo etu katuwu nto lino ojo ewa biasa seja pasi sira taa mangansani Aku kodi majoli darata.

Sura Magali Nuntu Ngkatuwu

³⁰ Ewanceʼemo da katedikanakanya ri eo ngkarata i Ana Manusia.

Lukas 17:30 Referans Kwoze

Pangkita 1:7

Lo’aja, Ia dama’i sindara-ndara pei limu. Tempo Ia dama’i etu panewa samparia tau damangkita Ia. Pasi tau to nangantuja Ia seore, sira seja damangkita Ia. Wali samparia wiyaa nto lino damangantangis Ia. Monso kojo damawali palaong etu. Amin.

2 Tesalonika 1:7

Pasi Ia damampapandoo kasesa to nurata ngkomi pasi kasesa to irata mami seja. Wali palaong etu damawali ane ratamo temponya i Pue Yesu dama’i yako ndate saruga pei mampapokitaka kita koroNya. Tempo Ia ma’i etu, Ia dama’i sindara-ndara pei pomakauNya to bae kuasanya.

1 Korintus 1:7

Wali si’i-si’i kita mangampeas temponya i Yesu Kerisitu, Pue ngkita, ma’i muni danakita ntau samparia. Pasi ri rayanya kita mangampeas etu, tare sora to yako i Nosa Mapasing to taa natima ngkita.

1 Petrus 1:13

Wali apa saba kanoto i mPue Allah, see naka pasaka yau samparia pampobuuka to mangarotai pansarumaka ngkomi, pei ta’amaka raya ngkomi. Pasi kongko kojo pansarumakamu resi kanoto i mPue Allah to etu. Ne’e mansarumaka anu to yusa. Apa tempo i Yesu Kerisitu darapapokitaka resi to lino, tempo etu komi damanasa wo’u mangkonong kanoto i mPue Allah.

1 Petrus 1:7

Apa soba to nurata ngkomi etu, batuanginya mangansoba pangaya ngkomi see damiyala bara monso pu’u komi mangaya i Pue, bara taa. Wali pangaya ngkita maya raporapaka ewa weyawa. Apa weyawa ane ratunu ri apu panewa miyala weyawa to monso. Wali ewa see seja pangaya ngkita ane rasoba miyala monso pu’u kita mangaya. Pei pangayanta semo to bae-bae batuanginya pei weyawa, apa weyawa etu nempo bae kojo batuanginya, tiroo maya napakaja’aka yau ntau. Pei pangaya ngkita ane rasoba mampakanasaka tau kita mangaya. Wali ane manasa resi tau monso pu’u pangaya ngkita ane ewa see, see naka pangayanta etu darabarong pasi dara’angga pasi darapakabae ane ratamo tempo danakama’i i Yesu Kerisitu.

Lukas 21:27

Wali tempo mawali palaong to etu ndate yangi, tempo etu tau damangkita Aku, Wiyaa nto Lino, ma’i ri raya limu. Pasi tempo Aku dama’i etu, bae kojo kuasangKu pasi kayawangKu.

Matius 24:3

Wali yako etu i Yesu yau nto’u Tongku Saitun. Rata ndate ria Ia matunda-tunda ndate rapa ntongku etu. Tempo Ia matunda ndate ria, kami to anaguruNya yau mangampago Ia tempo tare tau to yusa. Kami manganto’o, “To’oka kami, bara mpia temponya danapowali anu to Komi room manganto’oka kami mangkonong banua i mPue Allah darapakaja’aka yau? Pasi kesaa damawali tondong resi kami mangkonong kama’i ngKomi pasi mangkonong kapuranya temponya to si’i?”

Matius 16:27

Wali lulu Aku apa Aku, Wiyaa nto Lino, Aku dama’i sindara-ndara pei pomakaungKu yako ri saruga. Tempo etu kuasa pasi kayawangKu sewaju pei kuasa pasi kayawa mPa’angKu. Pasi tempo Aku dama’i etu Aku damangawaika samparia tau ntanapa to singkonong pei palaong to naika nsira samba’a pei samba’a.

1 Petrus 4:13

Pei to tao-tao ndende raya ngkomi apa komi mangarata seja santila kasesa to narata i ngKerisitu seore. Pasi ane ewa see, bae wo’u kandende ndaya ngkomi ane ratamo temponya kayawa i ngKerisitu darapapokitaka.

Markus 13:26

Wali tempo powalinya palaong to etu ndate yangi, tempo etu tau damangkita Aku, Wiyaa nto Lino, dama’i ri raya limu. Pasi tempo Aku dama’i etu, bae kojo kuasangKu pasi kayawangKu.

Matius 26:64

Wali i Yesu manganto’oka ia, “Monso ewa nuto’o ngkomi. Pasi Aku manganto’oka komi, komi damangkita Aku, Wiyaa nto Lino, damatunda ri tampa to bae angganya ri tondo ngkana i mPue Allah anu makuasa. Pasi komi seja damangkita Aku dama’i muni ri lino si’i ma’i ri wawo limu ndate yangi.”

Matius 24:39

Pasi sira taa nansani palaong to damawali, pei kodi majoli ma’i samal ue panewa malodong yau sira. Wali ewa wetu seja tempo Aku, Wiyaa nto Lino, dama’i.

Matius 24:37

Ewa wimba palaong to nawali tempo i Nuh tempo owi, ewa see seja to damawali tempo Aku, Wiyaa nto Lino dama’i.

Lukas 21:22

Apa tempo etu tempo huku to rapakanasaka yami ri raya ntuntu i mPue Allah. Wali samparia to ratulis etu darabanang ri tempo etu.

Lukas 17:24

Apa tempo Aku, Wiyaa nto Lino, rata muni, tempo etu damanasa kojo resi to lino. Apa kama’ingKu etu maya raporapaka ewa bilak, apa nempo nja’u tondo mata nu eo bilak etu, mareme seja rata nja’u tondo kasoyo nu eo. Wali kama’ingKu danakita seja ntau samparia. Wali ewa wetu to damawali ri tempo to darata.

Lukas 17:29

Wali sira taa seja nansani yami palaong to damawali, pei ojo payoko i Lot yako ri kota Sodom, eo etu semo kodi majoli tudu apu pasi sedawa yako ndate yangi pei mampakaja’aka yau sira samparia.

1 Korintus 1:8

Pasi Ia damampakaroso raya ngkomi rataka ri kapuranya temponya to si’i. I Nosa Mapasing damampakaroso raya ngkomi see komi tare to maya rapakasala ane ratamo temponya i Yesu Kerisitu, Pue ngkita, dama’i wo’u.

Kolose 3:4

Wali katuwu ngkita to monso, etu semo i Kerisitu. Pasi tempo Ia ma'i wo'u, tempo etu kayawaNya darapapokita. Pasi tempo etu kayawa ngkatuwu ngkita to bou darapapokita seja apa kita dasiwaka pei Ia.

1 Yohanes 2:28

Wali ngana-ngana, ne'e mandoo maroo masingkatao pei i Kerisitu apa ane tare pandoonya kita maroo masingkatao pei Ia, ane ewa see ane ratamo temponya danakama'i kita taa damea pasi taa seja bata-bata rayanta mampotango Ia.

1 Yohanes 3:2

Wali ngana-ngana to kuporayang, kita roomo mawali ana i mPue Allah. Pei kita tawa rapaponsanika bara ewa wimba kamonsonya kita ri tempo to darata. Pei re’e sangkodi to kita mangansani, etu semo ane ratamo temponya i Kerisitu ma'i muni, tempo etu kita damawali ewa Ia. Naka pei kita damawali ewa Ia apa kita damangkita Ia ri kamonso-monsonya.