Lukas 17:21 - Tuntu i mPue ri Basa Taa

²¹ Pasi tare tau to maya manganto’o, ‘Lo’a, si’imo i Pue Allah maporenta ri lino,’ bara ‘Nja’umo Ia maporenta.’ Tare tau to maya manganto’o ewa wetu apa kamonsonya i Pue Allah mawali Makole ri lino batuanginya Ia maporenta ri raya ntau to mangaya Ia, to tuwu ri oyo ngkomi.”

Sura Magali Nuntu Ngkatuwu

²¹ painaka nakoto ntau mantoʼo, ‘Maʼi ndipeole, Sira reʼe ireʼi bara Sira reʼe ri njau! Maka i Pue Ala montepuʼumo moparenta ri oyomi.’ ”

Lukas 17:21 Referans Kwoze

Matius 12:28

Pei Aku mangarubak measa mangampake kuasa i Nosa i mPue Allah, wali palaong etu mampakanasaka komi i Pue Allah, Makole, naratamo ri oyo ngkomi.”

Roma 14:17

Apa tempo i Pue Allah mawali Makole ngkita, tempo etu si’a porenta mangkonong pangkoni pasi mangkonong anu to rainu to bae batuanginya. To bae batuanginya etu semo kita nato’o i mPue Allah tare dosanta, pasi kita masingkatao pei sa’e, pasi kita bae kandende ndaya to nawaika i Nosa Mapasing kita.

Markus 13:21

“Wali tempo powalinya palaong to maja’a etu, ane re’e tau to manganto’oka komi, ‘Lo’aja, si’i semo i Kerisitu, Makole parajanji i mPue Allah!,’ pasi ane re’e tau to manganto’o, ‘Etu semo Ia!,’ ne’e mangaya gombo ntau etu.

Kolose 1:27

Pasiwa tau to si’a to Yahudi, mangansani seja songka i mPue Allah etu. Songka etu meyawa kojo ewa kasugi to bae kojo batuanginya. Pasi songka etu mangkonong komi to si'a to Yahudi. Wali songka etu semo i Kerisitu re'e ri raya ngkita, wali kita damangarata santila kayawa i mPue Allah.

Lukas 21:8

Wali i Yesu mangansono, “Pakatao kojo see komi taa natipu ntau mangkonong temponya Aku dama’i muni ri lino. Apa dama’i boros tau to damampoanika Aku, sira damanganto’o samba’a pei samba’a, to’onya, ‘Aku semo i Makole parajanji i mPue Allah.’ Pasi sira damanganto’o, ‘Daratamo tempo ngkama’i i Makole parajanji i mPue Allah.’ Ewa wetu danato’o ntau, pei ne’e mangalulu tau etu.

Lukas 17:23

Wali tau damanganto’oka komi, ‘Lo’aja, si’i i Kerisitu, Makole parajanji i mPue Allah!’ Pasi sira damanganto’o, ‘Lo’aja, nja’u Ia!’ Ewa see danato’o ntau, pei ne’e raaya pasi ne’e yau mangalulu sira.

Yohanes 1:26

Wali i Yohanes mangansono, ia manganto’o, “Monso pu’u aku mangabaptisika tau ue mangika tondong sira majeam. Pei re’e tau to dama’i wo’u yako aku si’i, Ia semo to bae-bae anggaNya pei aku. Ia bae kojo anggaNya, see naka aku mangepe aku nempo mawali watuaNya pei mangalede so’o nsapatuNya, taa masipato. Wali kamonsonya tau etu re’emo ri oyo ngkomi pei komi taa mangansani i sema kamonsonya Ia.” Ewa wetu naika i Yohanes mangansono to Yahudi to aliran Parisi etu.

Yohanes 18:36

Wali i Yesu manganto’o, “Aku si’a ewa makole to maporenta ri lino si’i. Apa ane rapanya Aku ewa makole to maporenta ri lino si’i, ane ewa see joangKu damamparambangika Aku naka ne’e Aku danasoko ngkepala-kepala nto Yahudi etu. Pei si’a ewa wetu, wali manasa paporentangKu si’a ewa paporenta makole ri lino si’i.” Ewa wetu sono i Yesu.