Lukas 16:25 - Tuntu i mPue ri Basa Taa

²⁵ “Pei i Abraham manganto’o, ‘Anangku, pobuuka wo’u tempo korom re’ewa ri lino. Tempo etu korom sangkani mangarata anu to matao pei i Lasarus ia ojo mangarata anu to maja’a. Pei si’i-si’i ia re’e kasanang pei korom masesa.

Sura Magali Nuntu Ngkatuwu

²⁵ Mesono i Burahima, ‘Endomo anaku, waʼa anu madago puramo nuepe sangkasae ngkatuwumo ri wawo lino, paikanya i Lasaru podo pepa ngkatuwu anu narata. Seʼi-seʼi madagomo naepe ireʼi, jasiko maparimo.

Lukas 16:25 Referans Kwoze

Lukas 6:24

Pei ane komi to sugi, to ojo kasugimu etu to bae batuanginya resi komi, kasesa danurata ngkomi apa ojo ri tempo si’i semo komi darapakalindo.

1 Yohanes 2:15

Wali ne'e mamporayang lengko ngkatuwu nto lino pasi anu to re'e ri raya lino si'i. Apa ane tau mamporayang anu to etu, batuanginya ia taa mamporayang Pa'a ngkita.

Markus 9:45

Pasi ane witi ngkomi mangkeni komi mangika palaong to maja’a, ane ewa see pakadota kojo mampandooka yau mangika palaong to maja’a etu. Kadota etu raporapaka ewa tau mangampu’ak yau witinya sambali see napandooka yau mangika palaong to maja’a etu. Apa to tao-tao nempo jamo sambali witinya pei ia mangarata katuwu to singkasaenya sakowa ia dua mbaliawa witinya pei ane rataji yau lo’u apu naraka, apu to singkasaenya mawea. Apa ane masua ri apu naraka, nempo dua mbaliawa witinya masiasi kojo ia.

Roma 8:7

Wali pampobuuka to masae, pampobuuka to etu bali i mPue Allah apa pampobuuka to etu taa mampolaika porenta i mPue Allah apa taa nakurang.

Pilipi 3:19

Wali tau to etu darapakaja’aka yau. Apa tau etu, ojo pamporani ndaya nsira semo to mawali pue nsira. Pasi sira tabaro mangkonong palaong to naika nsira to kamonsonya masipato napokea nsira. Pasi ojo anu to ri lino si’i semo to napobuuka nsira.

Palaong mPomakau i mPue Yesu 14:22

Wali samparia lipu to kaliu nsira dua etu, sira mampakaroso raya ntau to anaguru i mPue Yesu. Pasi sira manganto’oka tau etu, “Ne’e kojo pandooka mangalulu i Pue pei pakaroso pangaya ngkomi. Kita damangarata boros kasesa ri tempo si’i. Taa maya kita taa datarata kasesa etu, apa ojo karoonya kita mangarata kasesa panewa kita maya mangarata anu to matao to rawaika resi tau to Makolenya i Pue Allah.” Ewa see gombo nsira dua.

Ibrani 11:25

Ia mangampilis damangarata kasesa sindara-ndara pei tau i mPue Allah sakowa mampakasanang koronya ri kasanang to taa masae to yako dosa.

1 Tesalonika 3:3

Naka pei ia damangika palaong to etu see tare pasi samba’a komi to mangandolika muni tangonya yako ri pangayanya apa saba kasesa to nurata ngkomi. Apa komi seja mangansani, i Pue Allah roomo mampakanasaka resi kita ane kita mangalulu songka to si Ia, kita damangarata kasesa.

Pangkita 7:14

Wali aku mangansono, manganto’oka ia, “Taa kunsani, Pa’a. Komi semo to mangansani.” Panewa ketua etu manganto’oka aku, “Tau si’i semo to masuwu yako ri kasesa to mapari kojo. Sira roomo mangantatap bajunya ri raa nu Ana Domba wali bajunya etu mawali buya.

Yohanes 16:33

Naka pei Aku manganto’oka komi mangkonong samparia to etu see komi damangarata karodo ndaya apa saba komi samba’a pei Aku. Ane ri lino si’i, komi danapakasusa ntau to mangewa i Pue Allah, pei pakasanang raya ngkomi, apa Aku roomo manganangi i Kepala nto pantipu to mangkuasang tau to mampakasusa komi etu. Wali see naka komi maya seja manganangi joa i ngKepala nto pantipu etu.”

Lukas 16:23

Wali tau sugi etu masesa kojo la’u lipu ntau mate. Pei ia matingoa pei mangangkita i Abraham nja’u longko pasi mangkita seja i Lasarus ri awe i Abraham.

Lukas 16:20

Pei re’e seja samba’a ngkai to masiasi sanganya i Lasarus. I Lasarus etu ia biasa maturu-turu ri wombo mpampa ri tongonata ngkai sugi apa ia moro komponya see naka ia rani mangkoni nempo wuta mpangkoni to nataji yau nto papolaong ngkai sugi etu. Pasi i Lasarus juku koronya mabaka, wali najila-jila nu asu bakanya etu.

Matius 27:63

Tempo sira rata resi ia, sira manganto’o, “Pa’a, kami tiroowa kuendo gombo nto pantipu etu tempo Ia tuwuwa. Tempo etu Ia manganto’o, ‘Aku damate pei ri rayanya togo eo Aku damambangu muni yako ri kapatengKu.’

Lukas 16:26

Pei kasimbalinya yako etu, ri oyo ngkita re’e kaloko to mayombu. Wali tau to rire to rani yau resi komi taa rakurang, pasi komi to rani ma’i resi kami taa seja nukurang.’