Lukas 16:2 - Tuntu i mPue ri Basa Taa

² Wali see naka tau sugi etu mampokio tau to mampasilonga kasuginya etu pei manganto’o, ‘Gete, maka pei aku mangandonge kareba si’i manganto’o korom ojo mangampake yau kasugingku? Pasilongaka aku buku to nupake ngkorom mangarekeng doi to rapake, pei kenika aku, apa korom tamo maya mangika palaong to etu.’

Sura Magali Nuntu Ngkatuwu

² Madonge pompetumbu waʼa ntau, napekitima bendahara setu natoʼoka, ‘Reʼe kudonge powiamu anu bareʼe mayoa nupampopagampika doiku? Mewali seʼi-seʼi da nupatoka sura anu kateʼuki pesua pai pesuwu doiku sangkani pai sura katedikanaka waʼa mpaporewumu aga-agaku. Ane roomo da kupapeʼontomo siko ungka ri tetalamu!’

Lukas 16:2 Referans Kwoze

Pangkita 20:12

Panewa aku mangkita seja tau mate to tawa rawangu muni, sira rawangu muni seja. Tasi re’e mampaposuwu muni lemba ntau mate to re’e ri rayanya. Pasi Kapate pasi Lipu nTau Mate mampaposuwu muni seja tau to mate to re’e resi sira. Panewa Kapate pasi Lipu nTau Mate etu, sira rapanasoka yau seja lo’u rano nu apu. Rano nu apu etu semo kapate to kadua. Wali yako etu tau to mate to owo rawangu muni, to tu’am pasi to mangurawa, sira samparia mampotango gadera Makole. Panewa re’e buku-buku to raloka. Buku-buku to raloka etu nja’u ratulis mangkonong palaong to naika ntau etu. Wali sira rabotus singkonong pei palaong to naika nsira to nja’u ratulis nja’u raya buku etu. Panewa re’e wo’u samba’a buku to raloka, buku etu semo buku ngkatuwu.

1 Petrus 4:10

Wali yako ri kanotonya, see naka i Pue Allah roomo mangawaika kita malagi kojo sora mpangaya-ngaya darapake masisawang. Wali pakadota samba’a pei samba’a mangampake sora to nasarumakaka i mPue Allah komi etu.

1 Petrus 4:5

Pei i Pue Allah damangabotus sira. Tempo etu sira damampongakung resi i Pue Allah mangkonong samparia palaong to naika nsira samba’a pei samba’a. Apa tamo masae darata temponya i Pue Allah damangabotus samparia to lino, to tuwuwa pasi to matem. Wali masipato kita mangalulu pamporani to si Ia, si’a pamporani to si kita.

1 Timotius 5:24

Wali ane mangkonong dosa ntau, re’e dosa to miyala kojo, wali tawa rata temponya rabotus nansani ntau boros dosa ntau etu. Pei re’e wo’u dosa ntau to taa miyala kojo. Tempo to darata panewa danansani ntau boros.

1 Timotius 4:14

Ne’e mangkalingan sora to nawaika i mPue Allah korom. Sora etu rawaika resi korom tempo ketua-ketua ntau to mangaya mamposaka palenya ri wawo ngkorom seore. Tempo etu re’e tau to magombo manganto’o yami pamporani i mPue Allah resi korom. Wali pakadota mampake sora to nawaika i mPue Allah korom etu.

2 Korintus 5:10

Wali naka pei kami rani mangika palaong to mampakasanang Ia apa darata temponya i Kerisitu damangabotus kita to mangaya. Wali tempo etu kita taa maya taa mampotango gadera to napotunda i ngKerisitu damangabotus kita etu. Pasi tempo etu kita samparia damangarata anu to masipato kita damangarata samba’a pei samba’a. Wali anu to danarata ngkita etu dasingkonong pei palaong to naika ngkita samba’a pei samba’a ri raya ngkatuwunta ri lino si’i, bara matao, bara maja’a. Wali see naka kita rani mangika palaong to mampakasanang Ia ri raya ngkatuwunta ri lino si’i.

1 Korintus 4:5

Wali ne’emo mangabotus lengko nsa’e bara matao bara taa apa tawa rata temponya to napilis i mPue Allah rapangabotus. Peas kama’i i mPue apa Ia semo to damampaporaoka anu to taa miyala. Ia semo to damampaponsanika samparia songka to re’e ri raya ntau. Wali ri tempo etu i Pue Allah damangabarong kita samba’a pei samba’a ane re’e palaong ngkita to masipato rabarong.

1 Korintus 4:2

Wali tau to nasarumakaka nsa’e mangika palaonginya, tau etu taa maya taa mangika palaonginya etu see miyala resi sa’e ia maya kojo rasarumaka.

1 Korintus 1:11

Apa a’i-a’ingku, re’e tau to maroo ri banua i ngKloe, sira rata resi aku pei mampakarebaka aku mangkonong tingka to mawali ri oyo ngkomi.

Roma 14:12

Wali kita samparia damangansono pampotanaka i mPue Allah resi kita samba’a pei samba’a mangkonong ewa wimba lengko ngkita ri raya ngkatuwunta ri lino, bara kita nangika pamporani i mPue Allah tempo etu, bara taa.

Lukas 12:42

Wali i Pue mangansono, Ia manganto’o, “To papolaong to matao etu, etu semo tau to ewa si’i lengkonya. Rapanya to papolaong to masipato rasarumaka pasi to pande, ane tau pue banua dayau njo’u longko, to papolaong to etu semo to nasarumakaka ntau puenya damampasilonga to papolaong to yusa. Wali to papolaong to rasarumaka etu ia semo to mangawaika yununya pangkoninya samba’a pei samba’a ane ratamo tempo mangkoni.

Lukas 12:20

“Pei i Pue Allah manganto’oka ia, ‘Korom tau bea apa nene si’i semo korom dapura nosamu. Wali gete! Kasugi to nuporomung ngkorom etu tamore batuanginya resi korom. Tau to yusa semo to damangantima!’”

Matius 12:36

Pei Aku manganto’oka komi, ane ratamo temponya i Pue Allah damangabotus samparia gombo nto lino, tempo etu tau samba’a pei samba’a damangansono pampotanaka i mPue Allah mangkonong samparia gombo to tare batuanginya to roomo nato’o nsira.

Matius 20:8

“Wali yako etu, ojo kawenginya rao, tau pue nawu etu manganto’oka tau to mampasilonga tau to mapalaong, to’onya, ‘Pokio tau to mapalaong pei waika sira saronya samba’a pei samba’a. Mula resi tau to purinya masua rataka tau to uyunya masua.’

Lukas 16:1

Wali i Yesu rani mampotundeka anaguruNya matao ane sira mangampake kasugi ri lino si’i mangika palaong to bae batuanginya ri tempo to darata, see naka Ia manganto’oka sira rapa, to’oNya, “Re’e tau sugi to mangawaika samba’a to papolaonginya kuasa mampasilonga ngaya-ngayanya. Pei yako etu re’e wo’u tau to ma’i resi tau sugi etu pei mampakasala to papolaonginya etu, ia manganto’o, ‘Tau to mampasilonga kasugimu ojo mangampake yau kasugimu etu.’

Lukas 16:3

“Wali ngkai etu yau damampasilonga buku darakenika tau puenya etu. Pei ri rayanya ia mangika palaong to etu, ia mampobuuka, ‘Gete, tau puengku damampapandoo aku yako ri palaongingku si’i, wali kesaa to dakuika? Apa aku taa gana karosongku yau manawu, pei aku mea kojo rayangku marapi sawang resi sa’e.’