Lukas 15:19 - Tuntu i mPue ri Basa Taa

¹⁹ Wali tamo masipato aku rato’oka anamu. See naka biakamo aku mawali yau ewa to papolaong ngkomi.”’ Ewa wetu pampobuuka ngkai etu.

Sura Magali Nuntu Ngkatuwu

¹⁹ Bareʼemo singkana yaku da ndipeboo anami. Ndipapewalimo yaku ewa tau anu mangkoni gaji ri komi.’

Lukas 15:19 Referans Kwoze

Lukas 5:8

Wali tempo i Simon Petrus mangkita palaong to etu, ia mambokotu yau ri tango i Yesu pei manganto’o, “Piyaika aku, Pue, apa aku tau madosa! Taa masipato aku siwaka pei Komi!”

1 Petrus 5:6

Wali ne’e mabae-bae raya ngkomi to tuwu ri ara ngkuasa i mPue Allah to maroso kojo. Ne’e mabae-bae raya see Ia damampakabae angga ngkomi ri tempo to masipato napangawaika.

Pomulanya 32:10

Wali monso pu’u Komi sangkani mamporayang aku pasi sangkani mangika to Komi roomo manganto’o. Kamonsonya, aku taa masipato, ojo to papolaong ngKomi, pei nempo ewa wetu, Komi tiroo mangika palaong to matao resi aku ewa to room Nuparajanjika ngKomi aku. Apa lo’aja, tempo aku mampiyaika lipungku pei mangawote koro Yordan si’i, tempo etu ojo tokongku to re’e resi aku. Pei tempo si’i, gete, bae kojo kasugi to aku mangkeni muni ri lipungku, see naka gana ratila yau mawali dua kelompok!” Etu semo to nato’oka i Yakub mampokaika i Pue Allah.

1 Korintus 15:9

Wali ane pomakau i mPue Yesu, aku semo to kodi kojo angganya. Pasi kamonsonya aku taa masipato rato’oka pomakau i mPue Yesu apa tempo ruyu aku mangansesai tau to mangaya i Pue.

Lukas 15:18

Wali aku damayoko damawolili muni resi pa’angku pei damanganto’oka ia, “Pa’a, aku re’e mangika dosa resi i Pue Allah pasi resi komi.

Lukas 15:20

Wali ia mambangu pei mayoko damawolili muni resi pa’anya. “Pei tempo ia longkowa sangkodi yako ri banuanya, pa’anya re’e mangkita ia. Ia mamporayang kojo ananya etu, see naka ia maripo mangampago ia. Rata resi ananya etu ia mangansokowaka pei manganengu ia.