Lukas 14:21 - Tuntu i mPue ri Basa Taa

²¹ “Wali to papolaong ntau pue banua etu yau muni pei mamporata samparia gombo ntau etu resi tau puenya. See naka tau pue banua etu maja’a kojo rayanya pei mampokau wo’u to papolaonginya etu, manganto’o, ‘Inta pakajoli njo’u jaya-jaya tikore pasi jaya-jaya to kodi ri kota si’i pei keni mai tau to masiasi, tau to malulu koronya, tau to buta pasi tau to sampungku.’

Sura Magali Nuntu Ngkatuwu

²¹ Mewalili waʼa toporioko setu napetumbuka puenya pura-puranya setu. Maʼai kojo kajaʼa ndaya ntumpu mposusa setu, painaka napokau waʼa ntoporiokonya natoʼo, ‘Ndipalaimo maliga-liga ri raya ngkota, ndirurusi pura-pura waʼa ntau kaasi-asi, tau kape, tau pungku pai tau buta wuwunya anu ndirata ri jaya ndipoyunu maʼi.’

Lukas 14:21 Referans Kwoze

Lukas 14:13

Wali ane korom mangika roa, to tao-tao ane mangadinsi tau to masiasi pasi tau to malulu koronya, tau to sampungku, pasi tau to buta.

Yakobus 2:5

Wali a’i-a’ingku to kuporayang, padongeka gombongku si’i pei pobuuka mangkonong ewa wimba nuika ngkomi mampasisala tau to sugi pasi tau to masiasi. Apa kamonsonya tau to masiasi ri pangkita nu mata nto lino, tau etu semo to i Pue Allah mangampilis damawali maroso pangayanya. Wali sira maya rato’oka sugi ane mangkonong pangaya nsira. Pasi i Pue Allah mangampilis sira damangarata seja anu to matao to rawaika resi tau to Ia Makolenya. Wali anu to matao etu semo to Ia roomo mamparajanjika tau to mamporayang Ia.

Matius 11:5

To’oka ia tau to buta rapakatao muni matanya see mangkita muni rao. Pasi tau sampungku rapakatao muni witinya see maya malinja. Pasi tau to masaki malobo rapakatao muni yako ri panyaki etu. Pasi tau to wongo rapakatao muni talinganya see mangandonge muni rao. Pasi tau mate rawangu muni yako ri kapatenya. Pasi tau to masiasi rapakarebaka kareba to matao.

Yohanes 9:39

Wali i Yesu manganto’o, “Naka pei Aku ma’i ri lino si’i, ma’i resi tau to taa mangansani i Pue Allah, to raporapaka ewa tau to buta. Wali Aku damampakanasaka tau etu anu to monso mangkonong i Pue Allah see sira maya mawali ewa tau to rapakatao matanya. Pasi Aku ma’i seja resi tau to ojo mampoanika sira mangansani i Pue Allah, damampakanasaka tau etu kamonsonya sira taa kojo mangansani Ia see naka sira ewa tau to buta. Wali tau to taa rani mangansani anu to monso mangkonong i Pue Allah, tau etu masipato rahuku.”

Lukas 14:24

Apa aku manganto’oka korom tare pasi samba’a tau to uyunya radinsi to damangkoni pangkoni to inikangku etu.’” Etu semo rapa to nato’o i Yesu mampotundeka sira mangkonong i Pue Allah mawali Makole nto lino.

Ibrani 2:3

Wali ane ewa see, taa manto’o kita to re’e kareba matao. Kita taa kojo maya mangampiyaika huku ane kita taa mangangkongko kareba matao to bae kojo batuanginya mangkonong ewa wimba kita rapalaes. Apa kareba etu to bae-bae batuanginya pei porenta to naporata mpomakau i mPue Allah tempo owi etu. Wali kareba matao mangkonong ewa wimba kita rapalaes, kareba etu uyu-uyunya napakarebaka i mPue. Panewa yako etu, tau to mangandonge gombo i mPue etu, sira mawali matamanasa to mangamporata wo’u resi kita. Sira manganto’o, “Kami mangandonge kareba si’i yako ri nganga i mPue semo.” Wali ewa wetu nato’o matamanasa etu, see naka kita mangansani monso pu’u gombo etu yako resi i Pue semo.

Pangkita 22:17

Wali yako etu, i Nosa Mapasing pasi Kasimpande nu Ana Domba sira manganto’o, “Maimo!” Pasi i sema tau to mangandonge gombo si’i, matao ia seja manganto’o, “Maimo!” Pasi i sema to mangau warokonya, biakamo ia naka ma’i. Pasi i sema to rani, biakamo ia mangoko ue to mangawai katuwu, ue etu tare olinya to danabayar.

Pangkita 19:15

Wali Ia to sangaNya i Tuntu mPue Allah, Ia re’e panai mataja to masuwu yako ri ngangaNya. Panai etu danapake damanganangi to lino. Panewa Ia damangkuasang sira Ia mangampake toko wubu. Ia seja damangalombu wua nu anggur la’u raya mbayau mbatu, batuanginya i Pue Allah anu to Makuasa maja’a kojo rayanya tempo Ia mangahuku to lino.

Ibrani 13:17

Wali polaika penatua ngkomi pasi luluka songka nsira. Apa sira semo to mangararamaka katuwu ngkomi pasi sira semo to damamposonoka pampotanaka i mPue Allah mangkonong palaong nsira etu. Wali polaika sira see sira maya mangika palaong nsira ri kandende ndayanya. Apa ane komi taa mampolaika sira, sira damawo kojo rayanya mangika palaong nsira. Pasi apa saba komi taa mampolaika sira, see naka sira tamo bae karoso ndaya nsira mangansawang komi.

Lukas 24:47

Pasi re’e seja gombo to ratulis to manganto’o saba yako kuasa i ngKerisitu, see naka tau damampakarebaka resi sa’e manganto’oka sira, ‘Pojea see dosa ngkomi tamo danakitanaka i mPue Allah.’ Wali kareba etu darapakarebaka ri kota Yerusalem ruyu panewa yako etu kareba etu darapakarebaka resi samparia bansa nto lino.

Matius 11:28

“Wali samparia komi to manganga pasi to re’e kasusa to mabeu, mai resi Aku, panewa Aku damangawaika komi kalindo ndaya.

Lukas 9:10

Wali yako etu pomakau i Yesu rata muni resi Ia. Tempo sira rata muni etu, sira mangansaritaka resi Ia mangkonong samparia palaong to naika nsira ri raya mpalinjanya. Roo see i Yesu mangkeni sira njo’u lipu to tare tau mangkaroos to mosu ri kota Betsaida. Tempo sira yau etu, ojo sira sampuyu pei togo to yau.

Matius 18:31

“Wali ojo pangkita nto papolaong to yusa palaong to mawali etu, sira masusa kojo rayanya. Wali see naka sira yau resi makole to puenya pei mangansaritaka resi ia mangkonong samparia palaong to mawali etu.

Matius 15:12

Wali ojo karoonya i Yesu manganto’o gombo etu, kami to anaguruNya yau resi Ia pei manganto’o, “To Yahudi to aliran Parisi, sira kodi rayanya apa saba gombo to nuto’o ngkomi etu.”

Lukas 14:20

“Pasi re’e wo’u samba’a ngkai to manganto’o, ‘Aku owo room marongo, wali aku taa maya yau.’

Lukas 14:22

“Wali to papolaonginya yau mangika ewa nato’oka ntau pue banua ia. Pei rata muni ia manganto’o, ‘Pa’a, aku roomo mangika ewa nuto’o ngkomi, pei re’ewa tampa to soa.’

Matius 20:7

“Wali sira mangansono, ‘Apa tare tau to mangansale kami damapalaong.’ “Wali tau pue nawu manganto’oka sira, ‘Inta komi seja njo’u nawungku, aku damangabayar komi saro to masipato komi mangarata.’