Lukas 14:13 - Tuntu i mPue ri Basa Taa

¹³ Wali ane korom mangika roa, to tao-tao ane mangadinsi tau to masiasi pasi tau to malulu koronya, tau to sampungku, pasi tau to buta.

Sura Magali Nuntu Ngkatuwu

¹³ Mewali ane mosusa siko peboomo waʼa ntau anu kaasi-asi, tau anu reʼe posarinya tau kape, tau anu pungku pai tau buta.

Lukas 14:13 Referans Kwoze

Lukas 14:21

“Wali to papolaong ntau pue banua etu yau muni pei mamporata samparia gombo ntau etu resi tau puenya. See naka tau pue banua etu maja’a kojo rayanya pei mampokau wo’u to papolaonginya etu, manganto’o, ‘Inta pakajoli njo’u jaya-jaya tikore pasi jaya-jaya to kodi ri kota si’i pei keni mai tau to masiasi, tau to malulu koronya, tau to buta pasi tau to sampungku.’

Ibrani 13:2

Pasi ne’e kalingan mampalinggona tau to rata. Apa re’e tau tempo owi to nawaika i mPue Allah rasi apa saba sira mampalinggona tau to rata. Sira mampobuuka tau to napalinggona nsira etu ojo to lino semo pei si’a. Kamonsonya to napalinggona nsira etu, etu semo pomakau i mPue Allah yako ndate saruga. Wali see naka matao ane kita ne’e mangkalingan mampalinggona tau to rata.

Matius 22:10

“Wali to papolaonginya yau njo’u jaya-jaya tikore pei mampasiromunaka samparia tau to narata nsira. Tau to napasiromunaka nsira etu re’e to matao pasi re’e seja to maja’a to yau mantako. Wali buke tau ri banua ri tampa roa mpaporongo etu.

1 Timotius 5:10

Pasi tau to napiara ntau i mPue Allah etu, ia tau to ane ri pangkita ntau boros ia madota mangika palaong to matao. Etu semo ia madota mampiara ananya tempo seore, ia madota mampalinggona tau to rata, ia madota mangansawang tau to i Pue Allah Puenya, rapanya mamposo’i yau awu ntana yako ri witi nsira, pasi ia madota seja mangansawang tau to mangarata kasusa. Pasi samparia ngaya mpalaong to matao ia madota mangika. Wali tau balu to ewa wetu lengkonya, tau etu masipato napiara ntau i mPue Allah.

1 Timotius 3:2

Wali ketua ntau to mangaya, ia taa maya re’e lengkonya to masipato naseko nsa’e. Ia samba’aja rongonya, pasi ia mangajagai koronya ngkalio. Ia tau to masilonga pampobuukanya, pasi ia mangika lengko to masipato na’angga nsa’e. Tau to etu masanang mampalinggona tau to rata pasi ia seja pande mampotunde sa’e.

Titus 1:8

Pei ketua ntau to mangaya ewa si’i lengkonya. Ia masanang mampalinggona tau. Pasi ia mamporayang kasamparianya anu to matao. Ia tau to pande mampasisala to matao pasi to maja’a, pasi lengkonya pei pampobuukanya singkonong pei i Pue Allah. Ia nakurang manganta’amaka rayanya re’e palaong to maja’a.

Pilemon 1:7

Wali a’ingku, ane aku mampobuuka pamporayang ngkorom aku ndende kojo pasi maroso wo’u rayangku, apa korom re’e mampolindo raya ntau to i Pue Allah Puenya.

Palaong mPomakau i mPue Yesu 9:39

Wali ojo pandonge i mPetrus gombo nsira dua, ia mampakaroso panewa ia mangalulu sira. Ojo karata nsira nja’u banua ri kota Yope, I Petrus nakeni ntau nto’u songi to ndate juya to kadua ntampenya nakare’e ntau mate etu. Ndate ria siromumo samparia tau to balu, wali ojo karata i mPetrus ndate ria, sira mampago ia panewa makore tiku ia. Sira tumangi pei mampaporaoka ia baju-baju pasi pake to yusa to naikaka i nDorkas sira tempo ia tuwuwa.

Lukas 11:41

Wali to tao-tao komi mangawali yau pampobuuka ngkomi see buya raya ngkomi mangoko anu to re’e resi komi pei mangantilaka yau resi tau to masiasi. Apa ane ewa see, raya ngkomi damayongo seja sewaju ewa woto ngkoro ngkomi to roomo rapakayongongika etu.

Matius 15:30

Wali boros kojo tau to ma’i mangampago Ia. Tau boros etu mangkenika Ia tau to sampungku, tau to buta, tau to malulu koronya, tau to bea, pasi boros tau to yusa to masaki. Wali rata resi i Yesu sira mangampoduli tau masaki etu ri tango mbitinya, panewa i Yesu mampakatao muni sira.

Lukas 14:12

Wali ojo karoonya i Yesu manganto’o paposia etu, Ia manganto’oka wo’u to Parisi to nangadinsi Ia, Ia manganto’o, “Ane korom mangika roa ntongo eo bara yau wengi, ne’e galungmu to nudinsi ngkorom. Pasi ne’e seja radinsi tau to masintua’i pei korom, bara ja’imu bara tau sugi to maroo ri awemu. Apa ane korom mangadinsi tau to etu, sira nakoto mangabalas wali tempo yusa sira damangadinsi wo’u korom, pei ane ewa see, korom roomo mangarata ntanapamu.

Lukas 14:14

Apa ane korom mangika ewa wetu korom damangarata rasi, apa sira taa nakoto mangabalas. Wali see naka korom danawaika i mPue Allah ntanapa ane ratamo temponya tau to singkonong pei Ia darawangu muni yako ri kapatenya.”