Lukas 13:32 - Tuntu i mPue ri Basa Taa

³² Wali i Yesu manganto’oka to Parisi etu, “Inta pei to’oka to pantipu etu, ‘Seo si’i pasi nile Aku damangarubak measa pasi mampakatao muni tau to masaki, panewa ri eo katogo Aku damampakaroo palaongingKu.’

Sura Magali Nuntu Ngkatuwu

³² Mesono i Yesu, “Palaimo petumbuka tau anu bereʼe yowenya setu, ‘Saeo seʼi pai raneo Yaku mairi kuasa anu majaʼa pai mampakaʼosa tau majuʼa, paikanya karemenya Yaku da mamparoo tetala-Ku.’

Lukas 13:32 Referans Kwoze

Ibrani 2:10

Wali songka i mPue Allah Ia rani boros tau mawali anaNya pasi Ia rani mangkeni sira damangarata seja kayawaNya. Apa i Pue Allah nampapowali samparia anu to re’e, see samparia anu to re’e etu damangabarong Ia. Pei wimba danaika i mPue Allah mangkeni to lino to madosamo see maya mangarata seja kayawaNya? Ewa si’i jaya to kono kojo to Ia mangarata. Ia mangawaika i Yesu mangarata kasesa sampe mate yau. Wali yako kasesa to narata i Yesu etu, i Pue Allah mampasilonga jaya see Ia maya mampalaes kita apa saba dosa ngkita roomo nasompo nu AnaNya. Wali i Yesu mawali Mata nJaya to mangkeni boros tau see darapalaes. See naka kita maya mawali seja ana i mPue Allah pasi mangarata seja kayawaNya singkonong pei songkaNya etu.

Ibrani 5:9

Wali apa saba i Yesu mangarata kasesa ewa wetu, see naka Ia masipato kojomo mawali to pampue to bae anggaNya. Apa Ia roomo mangepe to naepe nto lino. Wali Ia nato’oka i mPue Allah to pampue to bae angganya sewaju ewa i Melkisedek tempo owi. Pasi Ia semo to mangika jaya see samparia tau to mampolaika Ia maya rapalaes rataka ri singkasaenya.

Ibrani 7:28

Wali porenta i Musa mampakatantu tau damawali to pampue to bae angganya. Pei tau to rapakatantuka etu, tau to mayu’u. Pei karoonya i Pue Allah mangawaika i Musa porenta etu, roo see ratamo temponya Ia mangika parajanji to maroso kojo. Wali parajanjiNya etu mampakatantu Ananya mawali to pampue to bae anggaNya. Wali AnaNya etu mawali to pampue to masilonga kojo rataka ri singkasaenya.

Yohanes 10:32

Pei i Yesu manganto’oka sira, “Boros palaong to matao to inikangKu ri tango ngkomi. Palaong etu Aku nato’oka mPa’angKu mangika. Wali to imba palaong to etu to mampakaja’a raya ngkomi maka komi rani mangantasoka Aku watu?”

Markus 6:14

Wali boros kojo tau to mangansani mangkonong palaong to naika i Yesu. Pasi i Makole Herodes mangandonge seja sarita mangkonong Ia. Wali tau boros re’e to manganto’o, “Tau etu i Yohanes to Pombaptis rawangu muni yako kapatenya. See naka Ia nakoto mangika palaong to taa rapobiasa etu.”

Yohanes 19:30

Ojo karoonya i Yesu mangampipis ue nu anggur etu, Ia manganto’o, “Roomo rapakagana palaongingKu!” Roo see Ia madungku pei pura nosaNya.