Lukas 12:32 - Tuntu i mPue ri Basa Taa

³² “Wali komi to anagurungKu to taa boros, ne’e meka, apa masanang kojo Pa’amu mangika see komi mawali tau to Ia Makolenya.

Sura Magali Nuntu Ngkatuwu

³² “Komi mau podo pongoli imbanya neʼe maeka rayami maka mawongko raya mPapami mawai popadonco pai mamparenta komi.

Lukas 12:32 Referans Kwoze

Ibrani 12:28

Wali kita rawaika mawali tau to i Pue Allah Makolenya, pasi paporenta i mPue Allah etu taa kalengko. See naka anu kita manganto’oka Ia tarima matao. Apa ewa wetu to masipato naika ngkita mampue mampakabae i Pue Allah. Pasi anu kita mampakabae pasi mampalaika Ia saba manga’angga Ia.

Pangkita 1:6

Pasi Ia seja mampapowali kita mawali makole pasi mawali to pampue to mangika palaong i mPue Allah, Pa’aNya. Wali i Yesu Kerisitu, Ia rapakabae pasi makuasa rataka ri singkasaenya. Amin.

Pilipi 2:13

Wali pakadota mangika palaong to etu, apa i Pue Allah semo to mapalaong ri raya ngkita naka kita rani mangika palaong to mampakasanang Ia, pasi naka kita takoto mangika palaong to etu.

Lukas 10:21

Wali tempo etu i Yesu bae kojo kandende ndaya to nawaika i Nosa Mapasing Ia. See naka Ia makai-kai manganto’o, “O Pa’a, Pue nu yangi pasi lino, Aku mangabarong Komi apa Komi mangawunika yau anu to monso see taa nansani ntau to manga’angga kapande ngkoronya. Pei anu to monso etu Komi roomo mampaponsanika resi tau to tawa pande kojo ane ri pangkita nto lino. Ewa see songka ngKomi, Pa’a, apa ewa wetu semo songka to mampakasanang rayaMu. Wali see naka Aku mangabarong Komi.” Etu semo pokai-kai i Yesu resi Pa’aNya.

Matius 25:34

“Yako etu Aku, i Makole, damanganto’oka tau to re’e ri sambalingKu tondo ngkana, Aku damanganto’o, ‘Maimo. Komi semo tau to Makolemu i Pue Allah. Wali mai apa danawaika mPa’angKu rasi. Apa rasi to rawaika resi komi etu, rasi etu rapasigenaka yami komi yako ri temponya lino si’i rapapowali, pasi maya raporapaka ewa panta to nawaika mpa’a resi ananya.

2 Tesalonika 1:11

Wali see naka kami sangkani mampokai-kaika komi. Kami mamporapika resi i Pue Allah ngkita see Ia damangansawang komi see komi maya mangika lengko ngkatuwu to masipato naika ntau to mangarata angga to Ia mangawaika komi tempo Ia mampokio komi. Pasi kami makai-kai resi Ia see yako ri kuasaNya Ia damangansawang see damawali samparia songka ngkomi to matao, pasi samparia palaong to nuika ngkomi apa saba pangayamu.

2 Petrus 1:11

Pasi ane komi mangika lengko to ewa wetu, bae kojo ntanapa to danawaika i mPue Allah komi tempo i Yesu Kerisitu, Pue ngkita pasi to Pansompo ngkita damawali Makole rataka ri singkasaenya.

Matius 14:27

Pei i Yesu mansaka manganto’oka kami, “Ee, pakasanang raya ngkomi! Ne’e meka, Aku se'i.”

Pangkita 22:5

Wali tempo etu tamo re’e kawuri, wali sira tamo parluu reme nu eo pasi pansona apa i Pue Allah semo reme. Wali sira damaporenta sindara-ndara pei i Pue Allah rataka ri singkasaenya.

2 Tesalonika 1:5

Wali naka pei tau mangansesai komi apa saba komi manganto’o i Pue Allah semo Makole. Pei kamonsonya i Pue Allah roomo mangantima komi mawali tauNya to masipato mampue mampakabae Ia. Pasi i Pue Allah roomo manganto’o komi masipato mawali tau to Ia Makolenya. Wali tempo komi mangansabaraka kasesa to nurata ngkomi etu, palaong to etu mampakanasaka resi tau to yusa kono kojo gombo i mPue Allah etu to manganto’o komi masipato mawali tau to Ia Makolenya.

Roma 6:23

Apa ntanapa ntau mangika dosa, etu semo kapate. Pei sora to yako resi i Pue Allah, etu semo katuwu to singkasaenya. Wali kita maya mangarata sora etu apa saba kita samba’a pei i Kerisitu Yesu, Pue ngkita.

Yakobus 2:5

Wali a’i-a’ingku to kuporayang, padongeka gombongku si’i pei pobuuka mangkonong ewa wimba nuika ngkomi mampasisala tau to sugi pasi tau to masiasi. Apa kamonsonya tau to masiasi ri pangkita nu mata nto lino, tau etu semo to i Pue Allah mangampilis damawali maroso pangayanya. Wali sira maya rato’oka sugi ane mangkonong pangaya nsira. Pasi i Pue Allah mangampilis sira damangarata seja anu to matao to rawaika resi tau to Ia Makolenya. Wali anu to matao etu semo to Ia roomo mamparajanjika tau to mamporayang Ia.

Yohanes 18:36

Wali i Yesu manganto’o, “Aku si’a ewa makole to maporenta ri lino si’i. Apa ane rapanya Aku ewa makole to maporenta ri lino si’i, ane ewa see joangKu damamparambangika Aku naka ne’e Aku danasoko ngkepala-kepala nto Yahudi etu. Pei si’a ewa wetu, wali manasa paporentangKu si’a ewa paporenta makole ri lino si’i.” Ewa wetu sono i Yesu.

Matius 20:16

“Wali ewa see seja ane I Pue Allah pasi tau to Ia makolenya. Apa tempo tau etu danawaika i mPue Allah ntanapanya, tempo etu re’e seja tau etu to daipu raya nsira apa sira mampondayaka sira uyunya darawaika ntanapanya etu. Pei si’a sira to uyunya rawaika apa tempo sira mangika palaonginya resi i Pue Allah, sira mangika ojo rani darabarong. Pei re’e tau to yusa to buya rayanya mangika palaonginya resi i Pue Allah, wali tau to etu semo to uyunya darawaika ntanapa nsira apa i Pue Allah rani manga’angga sira. (Wali ewa wetu damawali, apa nempo boros tau to rasale mawali tau to Makolenya i Pue Allah pei taa boros to rapilis damawali bae kojo angganya ri oyo ntau to Ia Makolenya etu.)”

Matius 7:15

.“Wali jagai kojo, apa re’e to pantuntu tuntu to taa monso. Sira mampoanika tau to matao to raporapaka ewa domba. Pei kamonsonya sira ewa asu maila to maja’a kiranya.

Yesaya 53:6

Wali kita samparia paka raporapaka ewa domba to roomo masepi yau yako ri jaya to monso. Kita ojo mangaluluka yau jaya to naporani ngkita samba’a pei samba’a. Pei i Pue Yawe roomo mangawaika yau resi to PapolaongiNya etu mamponsaruka yau huku nu dosa ngkita.

Palaong mPomakau i mPue Yesu 20:28

Wali jagai kojo koro ngkomi pasi jagai seja samparia tau to mangaya i Pue Yesu apa i Nosa Mapasing room mansarumakaka resi komi mampasilonga tau etu. Wali kampang sira ewa naika nto pangkampang domba mangkampang dombanya. Apa tau to mangaya roomo inolika yau i mPue Allah raa nu anaNya.

Palaong mPomakau i mPue Yesu 20:29

Wali jagai kojo sira apa aku kunsani payungku aku dameyoko yau si’i, dama’i tau to maja’a damampakaja’a komi ewa naika asu maila to maja’a kiranya mampakaja’a yau domba.

1 Korintus 1:21

Apa i Pue Allah pande kojo pasi ane ewa songka to si Ia to lino taa damangansani Ia ane mangampake kapande to si sira. Ane songka i mPue Allah, to lino darapalaes ane sira mangaya anu to bea ane ewa pandonge ntau, etu semo kareba matao to kami mampakarebaka.