Lukas 11:9 - Tuntu i mPue ri Basa Taa

⁹ “Wali Aku manganto’oka komi, ane re’e to parluu ngkomi, ne’e mandoo marapi resi i Pue Allah see komi darawaika. Ane re’e to parluu ngkomi, ne’e mandoo mangaliwu resi i Pue Allah panewa Ia damangansawang see komi damangarata. Pasi ane parluu rasawang, ne’e mandoo mamporapi sawang resi i Pue Allah ewa naika ntau to mananya yau ri banua nu yununya damarapi sawang resi ia.

Sura Magali Nuntu Ngkatuwu

⁹ Mewali, Kutoʼoka komi: Ndiperapimo da ndawaika komi, ndipepalimo, sangaya-ngaya da ndirata; nditadengkosimo dampo mbombo, da ndalokaka komi.

Lukas 11:9 Referans Kwoze

Markus 11:24

Wali see naka Aku manganto’oka komi, nempo kesaa to nuporapika resi i Pue Allah tempo komi makai-kai resi Ia, ane komi monso pu’u mangaya, komi damangarata anu to nuporapika ngkomi etu.

Matius 21:22

Pasi nempo kesaa to nuporapika resi i Pue Allah tempo komi makai-kai resi Ia, ane komi monso pu’u mangaya, komi damangarata anu to nuporapika ngkomi etu.”

Yohanes 15:16

Wali Aku semo to mangampilis komi damawali galungKu. Si’a komi to mangampilis Aku. Pasi Aku roomo mansarumakaka resi komi palaong to danuika. Palaong etu raporapaka ewa mampowuaka wua to taa dapura yau. Wali nempo bara kesaa to komi mamporapika resi Pa’angKu, Ia damangawaika komi apa saba komi Aku puenya.

Yohanes 15:7

Pei ane komi maroo masingkatao pei Aku pasi sangkani mampalaika gombongKu, ane ewa see nempo bara kesaa to nuporani ngkomi, porapi resi i Pue Allah, Pa’a, panewa Ia damangawaika komi.

Yohanes 14:13

wali nempo bara kesaa to komi mamporapi resi Pa’angKu mangika, Aku damangikaka komi apa saba komi Aku puenya. Naka pei Aku damangika ewa wetu see Pa’angKu darabarong saba yako palaong to Aku, AnaNya, mangika etu.

1 Yohanes 3:22

Pasi bara kesaa to kita mamporapika resi Ia, Ia damangawaika kita apa kita mampalaika porentaNya pasi kita mangika seja lengko to mampakasanang Ia.

Yakobus 1:5

Pei ane re’e tau ri oyo ngkomi to taa gana kapandenya mangkonong palaong to etu, to tao-tao tau etu makai-kai mamporapika resi i Pue Allah, wali i Pue Allah damangawaika ia kapande etu. Kita mangansani i Pue Allah damangawaika kapande etu apa Ia manoto kojo resi samparia tau pasi Ia taa manganseko tau to marapi sawang resi Ia.

Ibrani 11:6

Wali manasa ia mangaya apa tare tau to maya mampakasanang i Pue Allah ane tare pangayanya. Apa i sema-sema tau to rani mangampago i Pue Allah, tau etu taa maya taa mangaya i Pue Allah Ia re’e, pasi mangaya i Pue Allah semo to mangawaika ntanapa resi tau to rani kojo mangansani Ia.

Yakobus 5:15

Apa ane ia damangika ewa wetu, ia daroo muni masaki apa saba pokai-kai to nato’o mpenatua yako ri pangaya nsira. Wali i Pue semo damampakatao muni ia. Pasi ane bara saba yako dosa to inikanya see naka ia mawali masaki, dosanya etu daralapa seja.

Ibrani 4:16

Wali ne’emo kita meka-meka rayanta mangampago i Pue Allah. Ia maporenta yako ri kanoto ndayaNya, wali ane kita mangampago Ia, Ia damampaponsanika kita pamporayangiNya. Pasi tempo kita parluu rasawang, Ia damangansawang kita yako ri kanotoNya. Wali etu semo batuanginya kasanang ndaya to raporapaka ewa masua ri tampa rapandoo sindara-ndara pei i Pue Allah.

Yohanes 4:10

Wali i Yesu manganto’oka ia, to’oNya, “Ane nunsani ngkorom mangkonong sora to nawai i mPue Allah, pasi ane nunsani ngkorom i sema kamonsonya Aku to mamporapi ue resi korom si’i, ane ewa see, korom damamporapi resi Aku panewa Aku damangawaika korom ue to mangawai katuwu.

Matius 6:29

.Pei Aku manganto’oka komi sakowa bue ngkita i Makole Salomo, to meyawa kojo tempo owi, ia taa seja re’e pakenya to gaya-gaya pei sese ngkaya etu.

2 Korintus 6:2

Apa re’e gombo i mPue Allah to ratulis ri raya ntuntuNya to manganto’o,“Ri tempo to singkonong pei Aku, ri tempo etu Aku manoto resi korom; pasi tempo etu Aku mangansono pokai-kaimu. Pasi ri tempo to masipato Aku mampalaes korom, tempo etu Aku mangansawang korom.” (Yesaya 49:8) Ewa wetu gombo i mPue Allah tempo owi. Wali padongeka! Apa si’i semo temponya. Si’i semo temponya i Pue Allah damampaponsanika kita to lino kanotoNya. Pasi si’i semo temponya Ia mampalaes kita. Wali ne’e kita mangabiaka kanotoNya etu damawali yau tare batuanginya resi kita!

Markus 13:37

Wali Aku manto’oka wo’u komi ne’e ewa tau bayore, pei si’a ojo komi Kuto’oka, samparia tau.”

Roma 2:7

Wali re’e tau to sangkani mangika lengko to matao apa sira rani nabarong pasi na’angga i mPue Allah pasi rani mangarata katuwu to tare kapuranya. Ane tau etu, i Pue Allah damangawaika sira katuwu to singkasaenya.

Matius 21:31

Wali to imba tau dua etu to mangika pamporani mpa’anya?” Wali kepala-kepala nto pampue pasi yununya mangansono, sira manganto’o, “To tu’anginya semo.” Wali i Yesu mampakanasaka tau etu sira semo to raporapaka ewa ana to kadua to taa mangalulu pamporani mpa’anya etu. Ia manganto’o, “Aku manganto’oka komi, monso pu’u tau madosa to pantagi asele pasi tau to lonte, sira semo to mampatiruyu pei komi mawali tau to Makolenya i Pue Allah.

Pangkita 2:24

Pei re’e seja komi nja’u Tiatira to taa mangaluluka anu to napotunde i Isebel etu, pasi taa seja maguru anu to rato’oka anu to taa rakita, to napotunde i ngKepala Measa. Wali ane komi, Aku taa damanganto’oka komi paposia to mampakabeu wo’u.

Lukas 11:10

Apa samparia tau to marapi, tau etu damangantima. Pasi tau to mangaliwu, tau etu damangarata. Pasi tau to marapi rasawang, tau etu darasawang.