Lukas 11:49 - Tuntu i mPue ri Basa Taa

⁴⁹ Wali see naka monso pu’u to nato’o i mPue Allah yako ri kapandeNya tempo owi. Ia manganto’o, ‘Aku damampokau to pantuntu tuntungKu pasi pomakaungKu yau resi sira. Wali to pantuntu tuntu pasi pomakau etu sangga’a danapopate yau nsira pasi sangga’a danasesai nsira.’ Ewa wetu semo to nato’o i mPue Allah.

Sura Magali Nuntu Ngkatuwu

⁴⁹ Inceʼe puʼunya ua kaloʼe mPue Ala pai ndapantoʼo, ‘Da Kupokau ri tau seʼe waʼa nabi pai waʼa ncuro-Ku saʼe da napepate, saʼe da najeani!’

Lukas 11:49 Referans Kwoze

1 Korintus 1:30

Apa ojo yako palaong to naika i mPue Allah see naka kita mawali samba’a pei i Kerisitu Yesu. Wali apa saba kita samba’a pei i Kerisitu, see naka kita mangansani kapande i mPue Allah. Ia semo to manganto’o kita tare dosanta. Pasi Ia mangika see kita mawali Ia Puenya. Pasi Ia room mangalapa kita yako ri kuasa nu dosa.

Epesus 4:11

Wali Ia semo to mangawaika kita to rato’oka tauNya sora see kita damaroso. Ia mangawaika kita pomakauNya, pasi to pantuntu tuntuNya, pasi tau to mampakarebaka kareba matao. Pasi Ia mangawaika kita tau to mangangkampang pasi mampotundeka kita. Wali naka pei i Kerisitu mangawaika kita sora to etu see samparia kita to i Pue Allah Puenya darapasilonga see gana karosonta damangika palaong to si Ia. Apa ane ewa see, kita to mangaya, to raporapaka ewa koro i ngKerisitu, kanjo’u-njo’u tiduga-dugang karosonta.

1 Korintus 1:24

Pei re’e tau to room napokio i mPue Allah mawali Ia Puenya. Tau etu re’e to Yahudi pasi re’e seja to si’a to Yahudi. Wali tau etu mangandonge kareba matao pasi mangaya i Kerisitu. Tempo etu i Kerisitu mampaponsanika sira kuasa i mPue Allah pasi kapande i mPue Allah.

Palaong mPomakau i mPue Yesu 22:20

Ewa see seja tempo matamanasa ngKomi, i Stepanus, rapopate yau. Tempo etu aku re’e seja mangalo’aka. Aku singkonong pei palaong to etu pasi aku semo to mangajagai pake ntau to mampopate yau ia. Wali ane sira mangandonge aku mampakarebaka sira mangkonong Komi si’i-si’i, palaong to etu damampakaipu raya nsira see naka sira damangaya.’ Ewa see aku manganto’oka i Pue Yesu.

Palaong mPomakau i mPue Yesu 8:3

Pei i Saulus, ia tare pandoonya mangansesai tau to mangaya. Ia masua ri raya banua nsira samba’a pei samba’a panewa i sema to mangaya i Yesu bara to langkai, bara to we’a, tau etu ia mangansoko pei mangaditi rakeni daratarungku.

Palaong mPomakau i mPue Yesu 7:57

Wali kepala-kepala etu maroso loonya sakaboo pasi sira mangaba’a talinganya apa tamo rani mangandonge gombo i nStepanus etu. Panewa sira sindara-ndara yau mangansoko ia.

Palaong mPomakau i mPue Yesu 1:8

Pei tempo i Nosa Mapasing darata resi komi, tempo etu komi darawaika karoso. Pasi komi damawali matamanasangKu damangangkeni kareba yako resi Aku. Komi damangangkeni kareba etu resi tau to ri kota Yerusalem pasi tau to ri propinsi Yudea pasi Samaria, pasi rataka ri suogi lino.”

Yohanes 16:2

Apa sira taa damangabiaka komi masua ri raya banua to napampotunde ngkita to Yahudi. Pasi darata temponya bara re’e tau to mampopate yau komi, sira damampobuuka palaong etu mangansawang i Pue Allah.

Lukas 24:47

Pasi re’e seja gombo to ratulis to manganto’o saba yako kuasa i ngKerisitu, see naka tau damampakarebaka resi sa’e manganto’oka sira, ‘Pojea see dosa ngkomi tamo danakitanaka i mPue Allah.’ Wali kareba etu darapakarebaka ri kota Yerusalem ruyu panewa yako etu kareba etu darapakarebaka resi samparia bansa nto lino.

Matius 22:6

Panewa toronya to taa yau etu, sira mangansoko to papolaong makole pei mangansesai panewa mampopate yau sira.

Lukas 11:48

Wali nempo komi mampakagaya dayo nto pantuntu tuntu i mPue Allah to napopate yau nu bue-bue ngkomi tempo owi etu, pei yako lengko ngkatuwu ngkomi, manasa komi singkonong pei palaong to naika nu bue-bue ngkomi etu.

Palaong mPomakau i mPue Yesu 11:27

Wali ri tempo etu seja re’e bara sawei mba’a to pantuntu tuntu i mPue Allah yako nda’a Yerusalem rata ri Antiokhia.

Pangkita 16:6

Apa sira roomo mampopate yau pei mangawubu raa ntau to Komi Puenya pasi to pantuntu TuntuMu. Wali Komi mampapoinuka sira raa. Masipato kojo sira mangarata huku to etu.”

Pangkita 18:20

O Saruga, pakasanang rayamu apa kota etu room rapakaja’aka yau. O tau to i Pue Allah Puenya, pasi pomakau i mPue Yesu, pasi to pantuntu tuntu i mPue, pakasanang raya ngkomi apa i Pue Allah room mangahuku kota etu apa saba kota etu room mangansesai komi.