Lukas 11:4 - Tuntu i mPue ri Basa Taa

⁴ Pasi lapa dosa mami sewaju ewa naika mami mangalapa samparia sala nsa’e resi kami. Pasi kami marapi seja see Komi mangansawang kami ane mangarata soba, (pasi mangalapa kami yako resi ia to pu’u nsamparia anu to maja’a) .’”

Sura Magali Nuntu Ngkatuwu

⁴ Neʼemo Ndikitanaka waʼa ncalaa mami, maka kami woʼu bareʼemo kakitanaka waʼa ntau anu masala ri kami. Pai neʼe ndipapaliuka kami da paya peaya ndaya mami sindara kami ndapebutuka.’ ”

Lukas 11:4 Referans Kwoze

Matius 26:41

Panaa pei pakai-kai see nempo ragoda, komi taa mangaluluka. Apa kamonsonya raya ngkomi rani mangewa tempo ragoda etu, pei komi taa gana karoso ndayamu damangewa.”

Kolose 3:13

Pasi ne'e majoli masusa raya ngkomi samba'a pei samba'a, ne’e masikitanaka sala ane re'e yunu to mangika sala resi komi. Wali ewa naika i ngKerisitu mangalapa sala ngkomi, ewa see seja danuika ngkomi damangalapa sala nu yunu ngkomi samba'a pei samba'a.

Matius 18:35

“Wali ewa wetu seja Pa’angKu to ndate saruga damangika resi komi ane komi taa buya rayamu mangalapa sala nu yunumu apa bae kojo sala ngkomi to Ia roomo mangalapas.”

Yakobus 2:13

Apa i sema-sema tau to taa mamporayang sa’e, tau etu taa seja daraporayang ane ratamo temponya darapangabotus. Tau etu darahuku. Pei tau to mamporayang sa’e, nempo masipato rahuku ia taa darahuku. Wali ane ewa see, pamporayang i mPue Allah resi tau etu damanganangi huku to masipato ia mangarata. See naka matao kojo ane kita taa mampasisala tau.

2 Timotius 4:18

Wali Ia damangalapa seja aku yako samparia anu to maja’a. Pasi Ia damampalaes aku see aku damasua ri raya ngkasanang ndate saruga. Ndate ria Ia semo Makole. Wali anu kita mangabarong Ia rataka ri singkasaenya. Amin.

2 Tesalonika 3:3

Pei i Pue masipato rasarumaka, pasi Ia damampakaroso pangaya ngkomi pasi damangararamaka komi yako resi Kepala nto pantipu.

1 Korintus 10:13

Wali kamonsonya tare panggoda to narata ngkita to taa biasa mawali resi to lino. Pei i Pue Allah masipato rasarumaka. Ia taa damangabiaka kita mangarata panggoda to kita taa takurang mangewa. Apa tempo kita mangarata panggoda, Ia sangkani damangawaika kita jaya damampiyaika panggoda etu. Wali ewa wetu nikaNya mampakaroso rayanta mangainsoka tempo mangarata panggoda.

Yohanes 17:15

Wali Aku makai-kai resi Komi si’a marapi see Komi damangkeni yau sira yako ri lino si’i. Aku ojo marapi see Komi damangararamaka sira naka ne’e sira dananangi i maja’a, etu semo i Kepala nto pantipu.

Lukas 22:46

Wali i Yesu mangalike sira pei manganto’oka sira, “Maka pei komi yore? Pambangumo pei pakai-kai see nempo ragoda, komi taa mangaluluka.”

Lukas 8:13

Wali ane liano to kono ri tana to ri rapa mbatu, tana etu batuanginya tau to mangandonge tuntu i mPue Allah etu pasi ndende raya nsira mangantima. Pei pangaya nsira ri tuntu i mPue Allah etu ewa liano to taa maroso kalenya apa sira taa maroso pangayanya. Wali tempo sira rasoba, taa masae sira mamposaka yau pangaya nsira etu.

Pangkita 3:10

Wali Aku damangararamaka komi ane ratamo temponya pansoba to damangansoba samparia to lino, apa komi re’e mampolaika porentangKu to manganto’o pakabae sabaramu ri raya ngkasusa to nurata ngkomi.

Pangkita 2:10

Wali komi darasesai, pei ne’e meka mampobuuka kasesa to danurata ngkomi etu. Padongeka gombo si’i. I Kepala Measa damangantarungku singga’a komi see komi daraparesa. Pasi komi darasesai sampuyu mbengi kasaenya. Wali pakaroso raya ngkomi mangalulu Aku nempo rapopate yau apa saba komi mangalulu etu. Apa ane komi mangika ewa see, Aku damangawaika komi katuwu to raporapaka ewa so’o mbo’o to meyawa.

Lukas 11:5

Wali ojo karoonya i Yesu manganto’oka sira pokai-kai etu, Ia rani mampotundeka wo’u sira mangkonong makai-kai, see naka Ia mangansaritaka sira rapa, to’oNya, “Rapanya re’e samba’a komi to yau ri banua nu galunginya ntongo wuri. Rata nja’u ria ia manganto’oka galunginya, ‘Galungku, waika aku mangada roti togo mpa’i.

Lukas 13:4

Pasi wimba ane rapanya tau sampuyu pei wayu to mate titampok tempo toal to malangan mapuka yau ri lipu Siloam to nda’a kota Yerusalem. Wimba ane ewa pampobuuka ngkomi, tau to mate yau etu bara sira semo to bae-bae dosanya pei tau to yusa to maroo nda’a Yerusalem?