Lukas 11:19 - Tuntu i mPue ri Basa Taa

¹⁹ Wali yako etu i Yesu manganto’oka wo’u tau etu, Ia manganto’o, “Pobuuka joa to si komi. Apa sira mangarubak seja measa resi tau, pei komi taa mampobuuka sira mangampake kuasa i Beelsebul mangika palaong to etu. Wali ane ewa see, sira semo to mampakanasa sala ngkomi tempo komi manganto’o Aku mangarubak measa mangampake kuasa i Beelsebul.

Sura Magali Nuntu Ngkatuwu

¹⁹ Ane ewanceʼe, ua kuasa incema waʼa anagurumi marumba waʼa inosa majaʼa setu? Waʼa anagurumi setu ngkalionya anu mampatongawa kakominya sala!

Lukas 11:19 Referans Kwoze

Lukas 9:49

Wali i Yohanes manganto’oka i Yesu, “Pa’a Guru, kami re’e mangkita samba’a tau to mangarubak measa yako kuasa ngKomi. Pei tempo kami mangkita etu kami manganto’oka ia ne’e mangika palaong to etu, apa ia si’a yunu to si kita.”

Roma 3:19

Wali etu semo to ratulis ri raya ntuntu i mPue Allah to rato’oka porentaNya. Pasi kita tansani anu to ratulis etu ratulisika kita to Yahudi to ri ara mporenta etu. Naka pei re’e porenta etu see kita manasanta samparia tau paka madosa. Wali kamonsonya tare pasi samba’a tau to maya manganto’o, “Aku tare dosangku.” Samparia to lino paka damampongakung sira masipato danahuku i mPue Allah.

Lukas 19:22

“Wali tau puenya manganto’o, ‘Gete korom to papolaong to maja’a! Yako ri gombo ngkorom etu semo aku damangahuku korom. Apa korom manganto’o aku tau to maroso kojo porentangku pasi korom manganto’o aku mangoko anu to si’a aku puenya pasi mamota nja’u tampa to si’a aku mampomuya.

Matius 4:24

Wali kareba to mangkonong palaong to naika i Yesu nja’u Galilea etu napakarebaka ntau ri propinsi to ri awe mpropinsi Galilea, etu semo propinsi Siria. Wali kareba mangkonong i Yesu natikareba-rebamo seja juku ri propinsi Siria etu. See naka tau mangkenika Ia samparia yunu nsira to kono panyaki mpangaya-ngaya, pasi tau to narata ntida to mapari kojo. Pasi sira mangkenika seja Ia tau to naposuak measa, tau to kanjonjo-njonjo, pei tau to malulu koronya. Wali i Yesu mampakatao muni samparia tau to rata etu.

Matius 10:25

Wali masipato anaguru masanang ane lengkonya sewaju ewa lengko nu gurunya. Pasi masipato to papolaong masanang ane lengkonya sewaju ewa lengko ntau puenya. Wali Aku, to raporapaka ewa pue banua, Aku roomo nato’oka ntau i Beelsebul, Kepala Measa semo. Wali ane ewa see, taa manto’o komi to raporapaka ewa tau to maroo ri raya banuangKu. Maja’a wo’u sanga to danato’oka ntau komi.”

Palaong mPomakau i mPue Yesu 19:13

Wali ri tempo etu seja re’e pitu mba’a to Yahudi to biasa mangalinjak tana etu pei mangarubak measa resi tau to raposuak. Tau pitu etu paka ana i Skewa, kepala nto pampue to bae angganya. Wali re’e seore tau pitu etu mampeyaa mangarubak measa yako resi tau, sira mangampake sanga i mPue Yesu. Sira manganto’o, “Yako ri kuasa i Yesu anu napakarebaka i mPaulus, kami manganto’oka korom piyai yako ri tau si’i.”