Lukas 10:6 - Tuntu i mPue ri Basa Taa

⁶ Wali yako etu ane tau to maroo ri banua etu masipato darapakasanang, pokai-kai ngkomi etu danabanang i mPue Allah see damasanang katuwu nsira. Pei ane sira taa masipato rapakasanang, ane ewa see ojo komi semo to danapakasanang i mPue Allah.

Sura Magali Nuntu Ngkatuwu

⁶ Ane ri banua setu lau tau anu mampokono ndadonco i mPue, petabeami setu da rodomo njairia, paikanya ane bereʼe, petabeami seʼe da mewalili ri komi.

Lukas 10:6 Referans Kwoze

2 Tesalonika 3:16

Wali i Pue semo pu’u ngkarodo ndaya, wali kami makai-kai see nempo kesaa to mawali resi komi, Ia sangkani damangawaika komi karodo ndaya etu. Pasi kami makai-kai seja see i Pue dasiwaka pei komi samparia.

Yakobus 3:18

Wali tau to rani mangansawang yununya see damawali masingkatao samba’a pei samba’a, tempo ia mangika palaong etu mangaliwu kasingkatao, ia maya raporapaka ewa to pansawu liano. Naka pei ia ewa to pansawu liano apa re’e pu’u wuanya yako ri palaong to etu. Wali wua mpalaong to inikanya etu, etu semo lengko ntau to singkonong pei i Pue Allah. Wali bae kojo batuanginya kapande to nawai i mPue Allah ndate saruga.

Epesus 5:6

Wali ne’e natipu ntau to manganto’o palaong to ewa wetu taa danahuku i mPue Allah, apa gombonya etu taa monso. Apa saba yako palaong to ewa wetu naka pei i Pue Allah mangahuku tau to taa mampalaika Ia.

Yesaya 9:6

Wali tare pandoonya kuasa nu Makole etu, kanjo’u-njo’u kabae-bae kuasaNya etu. Pasi kasanang to Ia mangawai taa seja re’e kapuranya rataka ri singkasaenya. Wali Ia damaporenta mangabolos bueNya, i Makole Daud, to tempo owi, pei damampolasaka paporenta nu bueNya etu. Wali Ia damampasilonga panewa mampakaroso muni paporentanya etu yako tempo si’i rataka ri singkasaenya. Ia maya mampakaroso muni paporentanya etu apa Ia pande kojo mangika botu pasi samparia to Ia mangika paka kono kojo. Wali i Pue Yawe anu Makuasa, Ia mamporayang kojo tauNya, wali see naka matantu kojo Ia damangawaika kita i Makole to damampakaroso porentanya etu.

1 Petrus 1:14

Wali komi seja ana i mPue Allah, see naka masipato komi mangampolaika songka to si Ia. Pasi ne’e mangalulu pamporani ndaya to maja’a to nululu ngkomi tempo komi tawa mangansani kareba matao.

Lukas 10:5

“Wali ri raya mpalinja ngkomi, ane komi damasua ri raya banua to danukaroo, ri katawanya komi masua ri banua etu tabea ruyu tau puenya ewa to biasa resi kita, etu semo, to’oka ia, ‘Aku mampokai-kaika komi mamporapika resi i Pue Allah see Ia mampakasanang katuwu ngkomi to maroo ri banua si’i.’

Lukas 10:7

Wali ane pue nu banua etu masanang mampalinggona komi, karoo-roo nja’u ria semo, ne’e malimba-limba njo’u banua to yusa. Pasi anu to nawaika nsira komi darakoni pasi darainu, pakasanang mangkoni pasi manginu anu to etu. Apa anu to nawaika nsira komi etu ewa saro mpalaong ngkomi, pasi kita mangansani ane tau to mapalaong, tau etu masipato mangarata saronya.