Lukas 10:2 - Tuntu i mPue ri Basa Taa

² Tempo sira tawa yau Ia mamporapaka sira, Ia manganto’o, “Tau boros to tawa rapotundeka maya raporapaka ewa pae to matasam to tawa rapota. Boros kojo pae to matasam pei taa boros tau to mampota. Wali porapika resi i Pue Allah see Ia damampokauka tau yau mampotundeka tau to tawa rapotundeka etu, ewa naika mpue nawu mangampokauka tau yau damangampota pae to matasam.”

Sura Magali Nuntu Ngkatuwu

² Ndatoʼo i Yesu ri tau seʼe, “Mariapa anu da ndapota paikanya pongoli gaga tau anu momota. Inceʼe puʼunya painaka ndipekakai ri tumpu mpomota da naka ndapokau tau njoʼu ri pomota-Nya.

Lukas 10:2 Referans Kwoze

1 Tesalonika 5:12

Wali a’i-a’i, kami mamporapika resi komi see komi manga’angga penatua-penatua to maroso palaonginya mangansawang komi. Apa sira semo to napilis i mPue mampasilonga komi pasi sira semo to mampaposiaka komi.

Markus 16:15

Roo see i Yesu manganto’oka wo’u sira, “Inta resi samparia tau ri sambawo lino pei pakarebaka resi sira kareba matao.

2 Timotius 4:5

Pei ane korom, Timotius, jagai kojo koromu ngkalio pasi insoka mangarata kasesa. Ika seja palaong to naika ntau to mampakarebaka kareba matao. Pasi pasilonga samparia palaong to nawaika i mPue korom.

2 Tesalonika 3:1

Wali a’i-a’i, re’e wo’u to kami rani manganto’oka komi. Kami mamporapika resi komi mangampokai-kaika kami see tuntu i mPue majoli datikareba, pasi see tau damanga’angga tuntu i mPue etu ewa nuika ngkomi seore.

Markus 13:34

Tempo Aku yau pei ma’i muni maya raporapaka ewa tau to yau njo’u longko. Wali re’e katawanya tau etu yau ia mangawaika to papolaonginya kuasa mampasilonga samparia palaong to re’e ri banua. Pasi ia mampakanasaka yami to papolaonginya palaong to danaika nsira samba’a pei samba’a. Pasi ia manganto’oka tau to mangajagai banua etu, ‘Jagai kojo.’ Ojo karoonya ia manganto’o etu ia mayoko yau njo’u longko.

1 Timotius 4:10

Kita re’e mansarumaka i Pue Allah anu to tuwu. Ia semo to Pansompo ntau samparia, taa manto’o tau to mangaya. Wali etu semo sabanya naka pei kita madota kojo mangika palaong i mPue.

Palaong mPomakau i mPue Yesu 22:21

“Pei Ia manganto’oka wo’u aku, ‘Inta, apa Aku damampokau korom njo’u longko resi tau to si’a to Yahudi.’ Etu semo gombo i mPue Yesu resi aku.”

Palaong mPomakau i mPue Yesu 20:28

Wali jagai kojo koro ngkomi pasi jagai seja samparia tau to mangaya i Pue Yesu apa i Nosa Mapasing room mansarumakaka resi komi mampasilonga tau etu. Wali kampang sira ewa naika nto pangkampang domba mangkampang dombanya. Apa tau to mangaya roomo inolika yau i mPue Allah raa nu anaNya.

Palaong mPomakau i mPue Yesu 13:4

Wali yako etu i Nosa Mapasing mampokau i Barnabas sira dua i Saulus yau lo’u kota Seleukia la’u wii ntasi. Wali see naka sira dua yau lo’u ria. Ojo karatanya la’u ria sira mapone ri bangka malayag njo’u pulo Siprus.

Palaong mPomakau i mPue Yesu 13:2

Wali re’e seore sira mampue mampakabae i Pue pasi sira mangorop. Tongo-tongonya sira mangika palaong etu i Nosa Mapasing mampogomboka sira, Ia manganto’o, “Waika Aku i Barnabas sira dua i Saulus damangika palaong to roomo Kupakatantuka sira dua.”

Palaong mPomakau i mPue Yesu 11:19

Wali ri tempo i Stepanus napopate yau ntau seore, tempo etu tau to mangaya i Yesu ri kota Yerusalem sira mangarata seja kasesa, see naka boros sira to tiga’as. Tau mangaya etu miyai njo’u tana Penisia sangga’a, njo’u pulo Siprus sangga’a, pasi sangga’a njo’u kota Antiokhia. Wali imba nakanjo’u nsira etu, sira mampakarebaka tau kareba matao, pei ojo to Yahudi semo to sira mampakarebaka etu.

Palaong mPomakau i mPue Yesu 8:4

Pei tau to mangaya to natiga’as yau etu, imba nakanjo’u nsira sira mampakarebaka tau tuntu i mPue Allah.

Lukas 9:1

Wali yako etu i Yesu mampokio pasi mampasiromunaka anaguruNya to sampuyu pei dua. Tempo sira siromu etu, Ia mangawaika sira kuasa damangarubak samparia measa yako resi tau. Pasi Ia mangawaika seja resi sira kuasa damampakatao muni panyaki ntau.”

Markus 16:20

Wali yako etu, anaguruNya yau njo’u ponto-ponto lipu ntau pei mampakarebaka tau nja’u ria tuntu i mPue Allah. Wali tempo sira mampakarebaka tuntu i mPue etu, i Pue re’e mangansawang sira. Pasi Ia mangawaika sira kuasa mangika palaong to taa rapobiasa see miyala resi tau to mangandonge gombo nsira, monso pu’u gombonya etu. Wali etu semo palaong to mawali ri tempo etu.

Matius 20:1

Wali yako etu i Yesu manganto’o wo’u rapa, Ia manganto’o, “Palaong to mawali resi to lino to Makolenya i Pue Allah, palaong etu maya raporapaka ewa si’i. Rapanya re’e tau pue nawu anggur to wuro-wuro mako maliwu tau to danabayar damapalaong nja’u nawu anggur to si ia.

Pilipi 2:25

Wali mangkonong i Epaproditus, a’i ngkita to samba’a pangaya to nupokau ngkomi ma’i mangansawang aku, ia re’e mapalaong sindara-ndara pei aku mangangika palaong i ngKerisitu, pasi ia re’e seja mampoewaka kareba matao sewaju ewa aku. Pei si’i-si’i aku tawa maya yau resi komi, see naka aku mangepe to tao-tao aku mangampokau i Epaproditus mawolili muni resi komi.

Pilipi 2:21

Apa tau to yusa, sira samparia ojo mangampobuuka anu to bae batuanginya ri koro nsira samba’a pei samba’a. Sira tare mampobuuka anu to bae batuanginya resi i Yesu Kerisitu.

1 Korintus 12:28

Wali ewa wimba naika i mPue Allah mampasilonga saga ngkoro ngkita to lino, ewa see seja nikaNya mampasilonga kita to saga ngkoro i ngKerisitu. Apa ane kita to mangaya, re’e to uyunya napilis i mPue Allah mawali pomakau i mPue Yesu. Pasi to kadua, etu semo to pantuntu tuntu i mPue. To katogo, etu semo tau to mampotundeka sa’e tuntu i mPue. Roo see re’e wo’u tau to nawaika i mPue Allah kuasa mangika palaong to taa rapobiasa. Pasi re’e seja to rawaika kuasa mampakatao muni panyaki mpangaya-ngaya. Panewa re’e wo’u tau to palaonginya mangansawang sa’e, pasi tau to mawali penatua. Pasi re’e seja to rawaika kapande magombo ri raya basa to mpangaya-ngaya to taware igurunya. Wali ewa wetu naika i mPue Allah mampasilonga saga ngkoro i ngKerisitu.

Kolose 1:29

Wali see naka aku maroso mapalaong, pasi aku madota mangika palaongingku etu singkonong pei karoso to nawaika i ngKerisitu aku yako ri kuasaNya to bae kojo.

1 Tesalonika 2:9

Wali a’i-a’i, komi mangansani kami tare mamporapi bara kesaa yako resi komi seore. Komi bara tawa mangkalingan ewa wimba kabeunya palaong mami tempo kami maroo ri oyo ngkomi seore. Tempo etu kami mangika palaong i mPue, pei kami wuri eo mapalaong seja see damangarata anu to danapake mami. Kami mangika ewa wetu see taa damampakabeu palaong ngkomi ri rayanya kami mampakarebaka resi komi kareba matao yako resi i Pue Allah.

Kolose 4:12

Wali i Epapras, to yako ri lipu ngkomi, ia taa seja mangkalingan komi. Ia seja to papolaong i ngKerisitu, pasi ia sangkani maroso rayanya mampokai-kaika komi. Ia mamporapika resi i Pue Allah see Ia mampakaroso pangaya ngkomi pasi mampasilonganaka pansarumaka ngkomi mangkonong samparia pamporani to si Ia.

2 Korintus 6:1

Wali kami mapalaong sindara-ndara pei i Pue Allah, see naka kami mampaposiaka komi manganto’o, pake kanoto to nawaika i mPue Allah komi naka ne’e kanoto etu damawali yau tare batuanginya resi komi.

1 Korintus 15:10

Pei apa saba kanoto i mPue Allah, see naka aku mawali pomakau i mPue Yesu ri tempo si’i. Pasi kanoto i mPue Allah resi aku etu bae kojo batuanginya. Apa yako etu aku semo to roso-roso palaongingku pei samparia pomakau i mPue. Pei palaongingku etu si’a yako karoso ndaya to si aku naka pei mawali. Yako kanoto i mPue to re’e resi aku.

Pilemon 1:1

Sura si’i yako resi aku, i Paulus. Aku ratarungku apa saba mampakarebaka tau mangkonong i Kerisitu Yesu. Pasi sura si’i yako resi i Timotius, a’i ngkita anu samba’a pangaya. Wali kami mangantulis sura si’i resi korom, i Pilemon. Korom mangika seja palaong to kami mangika pasi kami mamporayang kojo korom.

Pangkita 2:1

Wali i Pue Yesu manganto’oka aku, “Tulisika pomakau ntau to mangaya Aku to siromu nja’u kota Epesus sura si’i. To’oka ia: Si’i gombo to yako resi Ia to mangkongko batu’e to pitu mpa’i ri paleNya tondo ngkana, pasi to malinja ri oyo ntinja weyawa to pitu to darapamposaka pansona.