Lukas 10:11 - Tuntu i mPue ri Basa Taa

¹¹ ‘Komi taa kojo rani mawali tau to i Pue Allah Makolenya, see naka pasiwa awu ntana nu lipu ngkomi to re’e ri witi mami kami mampalasi yau apa kami taa singkonong pei komi. Pei ne’e mangkalingan, daratamo temponya i Pue Allah mawali Makole nto lino.’ Etu semo to danuto’oka ngkomi tau etu.

Sura Magali Nuntu Ngkatuwu

¹¹ ‘Sako awu ungka ri lipumi anu metaka ri payaʼa mami katanongkosika komi, paikanya da ndipaincani mosumo temponya i Pue Ala da moparenta ewa sambaʼa Mokole ri komi!’

Lukas 10:11 Referans Kwoze

Palaong mPomakau i mPue Yesu 13:51

Wali see naka i Paulus sira dua i Barnabas mangantantamaka awu ntana to re’e ri witi nsira mangika tondong sira taa singkonong pei tau ri kota etu. Panewa yako etu sira dua yau wo’u ri kota Ikonium.

Lukas 10:9

Pasi pakatao muni tau to masaki nja’u kota etu, pei to’oka tau nja’u ria, ‘Daratamo temponya i Pue Allah mawali Makole nto lino.’ Ewa wetu danuika ane tau masanang mampalinggona komi.

Ibrani 1:3

Wali AnaNya etu semo to mampaporaoka kita kayawa i mPue Allah. Pasi Ia ewa lengke to mampaporaoka kita ewa wimba kamonsonya i Pue Allah, apa Ia sewaju kojo pei i Pue Allah. Pasi Ia mampasilonga pasi mangampiara samparia anu to re’e yako ri gomboNya semo to bae kuasa. Ia semo to mampakayongo kita to lino yako ri dosa ngkita, panewa tempo Ia room mangika palaong to etu, Ia yau matunda ri awenya to Makuasa ndate saruga ri sambaliNya tondo ngkana.

Palaong mPomakau i mPue Yesu 13:46

Pei i Paulus sira dua i Barnabas taa kojo meka mangansono gombo nsira, to’onya, “Kami taa maya taa mampakarebaka tuntu i mPue Allah resi komi to Yahudi ruyu. Pei komi bo’omu mangaya, pasi manasa komi semo to mampobuuka komi taa masipato damangarata katuwu to singkasaenya. Wali see naka si’i-si’i kami dayau wo’u mampakarebaka tau to si’a to Yahudi.

Palaong mPomakau i mPue Yesu 13:40

Wali pakatao kojo naka ne’e mawali resi komi ewa to natulis nto pantuntu tuntu i mPue Allah tempo owi etu. Ia mangantulis gombo i mPue Allah resi tau to bo’onya mangaya Ia, to’oNya,

Palaong mPomakau i mPue Yesu 13:26

“Wali a’i-a’i to wiyaa i Abraham, pasi komi to si’a to Yahudi pei to mampalaika seja i Pue Allah saba manga’angga Ia, kita semo to napaponsanika i mPue Allah kareba si’i mangkonong ewa wimba kita rapalaes.

Markus 6:11

Pei ane re’e tau to bo’onya mangantima komi pasi bo’onya mampodongeka komi, ane ewa see, ane polas komi yako nja’u ria, tantamaka awu ntana to re’e ri witi ngkomi. Wali palaong etu mawali tondong resi tau etu komi taa kojo singkonong pei sira. Wali Aku manganto’oka komi, monso pu’u ane ratamo temponya i Pue Allah mangabotus to lino, tempo etu huku to danarata ntau ri kota to bo’onya mangantima komi etu, huku nsira to pari-pari wo’u pei huku to danarata ntau Sodom pasi tau Gomora.”

Matius 10:14

Pasi ane re’e tau to bo’onya mangantima komi pasi bo’onya mampodongeka gombo ngkomi, ane ewa see, ane polas komi yako nja’u banua etu bara kota etu, tantamaka awu ntana to re’e ri witi ngkomi. Wali palaong etu mawali tondong resi tau etu komi taa kojo singkonong pei sira.

Roma 10:21

Pei ane resi to Yahudi Ia manganto’o, “Ponto eo Aku tare pandoongKu rani masingkatao pei komi to mangewa Aku pasi to mabukul kojo.” (Yesaya 65:2) Etu semo gombo i mPue Allah resi to Yahudi tempo owi.

Roma 10:8

Pei re’e wo’u to ratulis, manganto’o, “Kareba yako resi i Pue Allah re’emo resi komi. Wali komi maya magombo mangkonong kareba etu pasi maya seja mampobuu-buuka mangkonong kareba etu.” (Ulang 30:14) Wali kareba etu semo to kami mampakareba manganto’oka tau, “Aya i Pue Yesu.”

Matius 3:2

Ia manganto’oka sira, “Pojeamo, apa mosumo temponya i Pue Allah damawali Makole ri lino.

Matius 10:7

Wali ri raya mpalinja ngkomi, pakarebaka kareba to si’i, manganto’o, ‘Daratamo temponya i Pue Allah damawali Makole ri lino.’ Etu semo kareba to danupakarebaka ngkomi.

Lukas 9:5

Pei ane re’e lipu tau to bo’onya mangantima komi, ane ewa see, ane polas komi yako nja’u ria, tantamaka awu ntana to re’e ri witi ngkomi. Wali palaong etu mawali tondong resi tau etu komi taa kojo singkonong pei sira.” Etu semo gombo i Yesu resi anaguruNya to sampuyu pei dua.

Lukas 10:10

Pei ane komi masua ri raya ngkota ntau to bo’onya mampalinggona komi, ane ewa see, inta njo’u jaya tikore ri kota etu pei to’oka resi sira,