Lukas 1:76 - Tuntu i mPue ri Basa Taa

⁷⁶ Roo see ia mampogomboka wo’u ana kodi, ia manganto’o, “O anangku, korom darato’oka to pantuntu tuntu i mPue Allah anu Makuasa. Apa korom damampatiruyu pei i Pue damampasilonga raya ntau see sira damangansani i Pue ane Ia ratamo.

Sura Magali Nuntu Ngkatuwu

⁷⁶ Pai siko ee anaku da ndatoʼo nabi i mPue Ala Anu Ndate ri Peawanya. Siko ndapokau mampesindiuka i Pue, da mampatokaka Sira jaya-A,

Lukas 1:76 Referans Kwoze

Yohanes 1:23

Wali i Yohanes mangansono, ia manganto’o, “Aku si’a i Kerisitu, si’a seja i Elia pasi si’a seja to pantuntu tuntu imPue Allah to naparajanjika i Musa etu. Pei aku ojo mangabanang gombo to natulis yami nto pantuntu tuntu i mPue Allah, i Yesaya, tempo owi. Gombonya etu manganto’o dare’e tau maroso loonya mampogomboka tau boros nja’u pada bone, ia manganto’oka tau etu, ‘Tamo masae i Pue darata. Wali ewa naika ntau mampasilongaka yami i makole jaya see taa masuli palinjanya, ewa wetu seja nuika ngkomi mampasilonga raya ngkomi damangaya i Pue.’ Wali tau to nato’o i Yesaya etu aku semo.” Etu semo pasono i Yohanes.

Matius 3:3

Wali i Yohanes etu semo to nato’o nto pantuntu tuntu i mPue Allah, i Yesaya, tempo owi. Ia manganto’o, “Re’e tau maroso loonya mampogomboka tau boros nja’u pada bone, ia manganto’oka tau etu, ‘Tamo masae i Pue darata. Wali ewa naika ntau mampasilongaka yami i makole jaya see taa masuli palinjanya, ewa wetu seja nuika ngkomi mampasilonga raya ngkomi damangaya i Pue.’” (Yesaya 40:3) Wali etu semo to natulis i Yesaya tempo owi.

Palaong mPomakau i mPue Yesu 16:17

Wali tempo kami yau njo’u tampa rapokai-kai etu, tau we’a etu mangalulu-lulu payu i mPaulus pasi kami. Panewa tau we’a etu maroso loonya kaboo-boo manganto’oka tau, “Tau si’i to papolaong i mPue Allah anu Makuasa! Sira mampakarebaka resi komi ewa wimba jaya see komi darapalaes!”

Lukas 1:35

Wali pomakau etu mangansono, ia manganto’o, “I Nosa Mapasing yako resi i Pue Allah darata resi korom, pasi kuasa i mPue Allah damangika see damawali. Ia darata resi korom, pei kuasa i mPue Allah to bae kojo anggaNya damangantorung korom. Wali see naka Ana to danupoanaka ngkorom etu darato’oka mapasing pasi see naka Ia darato’oka seja Ana i mPue Allah.

Lukas 1:32

Ia damawali bae kojo anggaNya. Pasi Anamu etu darato’oka Ana i mPue Allah anu Makuasa. Pasi i Pue Allah damangawaika Ia mawali Makole sewaju ewa wiyaaNya, i Makole Daud tempo owi.

Markus 11:32

Pei gete, kesaa damawali ane kita manganto’o to lino semo to nangawaika ia kuasanya?” Wali naka pei sira taa rani manganto’o kuasa i Yohanes yako resi to lino apa sira mampobuuka masipato sira mampokeka kaja’a ndaya ntau boros, apa ane ewa pampobuuka ntau boros i Yohanes monso pu’u nawaika i mPue Allah kuasa mawali to pantuntu tuntuNya.

Yohanes 3:28

Pasi komi semo matamanasangku seore tempo aku manganto’o, ‘Aku si’a i Kerisitu, Makole parajanji i mPue Allah, pei aku rapokau damampatiruyu pei Ia.’ Etu semo gombongku seore. Wali masipato tau boros mangalulu Ia apa Ia semo to bae-bae kuasaNya pei aku.

Lukas 6:35

Pei Aku manganto’oka komi porayang balimu pasi ika matao resi sira. Pasi ane sira rani mangada bara kesaa, papongadaka sira, nempo komi taa mansarumaka sira damampawolili muni anu to naada nsira etu. Ika ewa wetu apa ane ewa see komi damangarata ntanapa to bae kojo pasi damiyala monso pu’u komi ngana i mPue Allah to makuasa kojo. Apa i Pue Allah, Ia seja manoto resi tau sakowa tau to taa mangansani manganto’o tarima matao, pasi sakowa tau to maja’a.

Matius 21:26

Pei ane kita manganto’o to lino semo to nangawaika ia kuasanya, gete, masipato kita mampokeka tau boros, apa sira damasusa kojo resi kita. Apa ane ewa pampobuuka nsira i Yohanes monso pu’u nawaika i mPue Allah kuasa mawali to pantuntu tuntuNya.”

Matius 3:11

Panewa ia manganto’oka wo’u tau boros, to’onya, “Aku mangabaptis komi mangika tondong komi majeam. Wali tempo aku mangabaptis komi etu, aku mangampake ue. Pei re’e tau to dama’i wo’u yako aku si’i, Ia semo to bae-bae kuasaNya pei aku. Ia bae kojo anggaNya, see naka aku mangepe aku nempo ojo mangangkeni sapatuNya taa masipato. Wali tau to dama’i etu taa damangabaptisika komi ue. Re’e komi to Ia damangabaptisika i Nosa Mapasing batuanginya Ia damampaporoo i Nosa Mapasing ri raya ntau etu. Pei re’e wo’u komi to danabaptisika apu batuanginya Ia damamposaka tau to etu ri raya nu apu.