Lukas 1:7 - Tuntu i mPue ri Basa Taa

⁷ Pei sira dua taa riana apa i Elisabet ia tau apa, pasi sira dua paka tu’a kojomo.

Sura Magali Nuntu Ngkatuwu

⁷ Paikanya tau seʼe bereʼe ananya i Elisabe tamana matuʼamo raduamo seʼe.

Lukas 1:7 Referans Kwoze

Ibrani 11:11

Wali indo nu ana i Abraham, i Sara, mangaya seja i Pue Allah. Pasi apa saba pangayanya etu see naka ia nawaika i mPue Allah karoso see damangkayu’uka pei mampoanaka ana nempo ia tu’a kojomo pasi liumo temponya. Palaong etu mawali apa i Sara mampobuuka ane i Pue Allah to mangika parajanji, Ia damawai kojo, apa Ia masipato rasarumaka.

Pomulanya 18:11

Ojo pangandonge i nSara gombo i mPue Yawe etu ia malenta rayanya pei magele mampobuuka, “Wimba damawali palaong to etu? Kami dua puengku, i Abraham, paka tu’a kojomo! Pasi aku tamo mansabe wuya. Wali wimba aku to tu’amo si’i pei tiroowa damangarata ana to mampakasanang kojo rayangku?” Ewa wetu pampobuuka i nSara.

Pomulanya 25:21

Wali yako ri kasiwaka i Ishak sira dua i Ribka etu, masae sangkodi panewa manasa i Ribka ia apa. Wali see naka i Ishak mampokai-kaika ia marapi sawang resi i Pue Yawe see sira dua damangarata ana. Wali i Pue Yawe mangandonge pokai-kai Ishak etu see naka i Ribka mawali mayu’u.

Pomulanya 17:17

Wali ojo pangandonge i Abraham gombo i mPue Allah etu, ia mamo’o yau ri wawo ntana mampue mampakabae i Pue Allah. Pei tempo ia mamo’o yau etu ia malenta rayanya mangampobuuka, “Gete, aku si’i mosumo satu to’ungku, pei i Pue Allah manganto’o aku damangarata ana. Pasi i Sara ia sio mpuyumo to’unya, pei i Pue manganto’o ia damoana. Gete, bara taa mawali!” Wali tempo i Abraham mampobuuka ewa wetu ia mula magele.

Roma 4:19

Wali tempo i Pue Allah mangika parajanji etu, i Abraham mosumo satu to’unya. Wali koronya tamo gana karosonya see naka ane ri pampobuuka nto lino tamo mawali ia mangarata ana. Pasi rongonya, i Sara, ia tau apa. Pei nempo ewa see, i Abraham taa mambali pangayanya.

Pomulanya 30:1

Wali i Lea opo ananya pei i Rahel ia apa, taa riana. Wali tempo ia mangkita tukakanya mandudu moana etu ia mawali kaloo, see naka ia manganto’oka pa’a nu ananya, i Yakub, to’onya, “Maka pei kita dua taa riana? Ane komi dua i Lea, komi dua riana. Wali waika seja aku ana, apa ane aku taa riana to tao-tao aku ojo mate yau!” Etu semo to nato’oka i Rahel i Yakub.

Lukas 1:5

Wali ri tempo i Herodes mawali makole ri propinsi Yudea, tempo etu re’e samba’a to pampue to sanganya i Sakharia. I Sakharia etu ia samba’a wiyaa i Harun pasi ia samba’a joa i Abia, to pampue to tempo owi to roomo namate yau. Pasi rongo i nSakharia ia sanganya i Elisabet. Wali i Elisabet etu, ia seja samba’a wiyaa i Harun sewaju ewa rongonya.

Lukas 1:6

Wali i Sakharia pei i Elisabet etu, sira dua mangika lengko ngkatuwu to singkonong pei i Pue Allah. Pasi sira mangalulu kojo samparia porenta pasi tuntu i mPue. Wali tare lengko ngkatuwu nsira to maya rapakasala.

Lukas 1:8

Wali re’e seore i Sakharia mangika palaong nto pampue ri banua i mPue Allah apa ratamo temponya joa i Abia semo to mangika palaong to etu.