Lukas 1:51 - Tuntu i mPue ri Basa Taa

⁵¹ Yako ri palaong to inikaNya Ia roomo mampapokitaka to lino kuasaNya, pasi Ia roomo mangaga’a tau to pampobuuka ndayanya mangei.

Sura Magali Nuntu Ngkatuwu

⁵¹ Pai pale-A anu makuasa, Sira mawuraga tau mekiunde pai maguretosi tangara ndaya ntau seʼe.

Lukas 1:51 Referans Kwoze

Roma 1:21

Taa kojo masipato sira manganto’o ewa wetu apa sira mangansani kojo mangkonong i Pue Allah, pei sira bo’onya mampakabae Ia, bo’onya manganto’o, “Komi monso pu’u i Pue Allah.” Pasi bo’onya seja manganto’oka ia, “Tarima matao.” Kasimbalinya yako etu, sira mangandolika tangonya yako resi i Pue Allah see naka pampobuuka nsira tamo re’e batuanginya pasi raya nsira to madoyo mawali mawuri, batuanginya sira tamo mangansani anu to monso.

Pomulanya 6:5

Wali i Pue Yawe mangkita bae kojo kaja’a nto lino apa samparia songka to yako ri pampobuuka nsira ojo maja’a semo, tare to matao.

Pangkita 18:8

Wali saba etu, see naka ri rayanya seo ia damangarata soba, etu semo panyaki, kamawo ndaya, pasi oro. Panewa ia daratunu yau, apa i Pue Allah anu to mangahuku ia makuasa kojo.”

1 Petrus 5:5

Wali re’e seja to aku damanganto’oka resi komi to damangurawa. Etu semo, luluka songka ntau to tu’amo. Pasi ne’e mabae-bae raya ngkomi, pei mawali ewa to papolaong nu yunu ngkomi samba’a pei samba’a. Apa ewa si’i ratulis ri raya ntuntu i mPue Allah, to’onya, “I Pue Allah mangewa tau to mangei, pei Ia mangawaika kanotoNya resi tau to taa mabae-bae rayanya.” (Amsal 3:34) Ewa wetu ratulis ri raya ntuntu i mPue Allah.

2 Korintus 10:5

Wali apa saba mangampake parewa i mPue Allah etu, see naka kami manganangi gombo ntau to mangabanta anu to monso. Pasi see naka kami manganangi pampobuuka to mangei to raporapaka ewa bente to malangan apa pampobuuka to mangei etu mangaba’a tau see sira taa damangansani i Pue Allah. Pasi samparia pampobuuka nto lino to mangewa i Pue Allah, pampobuuka to etu raporapaka ewa bali to nata’amaka mami pasi to nawali yau mami see damampolaika wo’u songka i ngKerisitu. Wali samparia palaong to etu naika mami mangampake parewa i mPue Allah.

Pomulanya 8:21

Wali pampue etu matao waunya resi i Pue Yawe pei mampakasanang kojo rayaNya, see naka Ia mampobuuka, “Yako si’i Aku tamo damangantanaa wo’u lino apa saba lengko nto lino to maja’a. Kamonsonya pampobuuka nsira sangkani maja’a yako dakodiwa, pei nempo ewa see Aku tamo damampakaja’aka yau songonya anu to tuwu ewa to owo roomo inikangKu.

Pomulanya 11:8

Wali yako etu i Pue Yawe mangagalo yau basa nto lino pasi mangaga’a yau sira njo’u lipu-lipu to yusa ri sambawo lino. Wali kota pasi banua to nawangu nsira etu taa rapakaroo.