Lukas 1:36 - Tuntu i mPue ri Basa Taa

³⁶ Wali ne’e bata-bata rayamu. Pobuuka i Elisabet, ja’imu etu to nato’oka ntau apa. Ia tu’am, pei nempo ewa wetu ia mangkayu’uka ana langkai naika ngkuasa i mPue Allah, pasi si’i-si’i ia ono mbuyamo kayu’unya etu.

Sura Magali Nuntu Ngkatuwu

³⁶ Peole, potumu i Elisabe, aono mbuyamo kanee koronya seʼi tuʼamo, i wungkaeo siʼa natoʼo ntau tanama.

Lukas 1:36 Referans Kwoze

Lukas 1:5

Wali ri tempo i Herodes mawali makole ri propinsi Yudea, tempo etu re’e samba’a to pampue to sanganya i Sakharia. I Sakharia etu ia samba’a wiyaa i Harun pasi ia samba’a joa i Abia, to pampue to tempo owi to roomo namate yau. Pasi rongo i nSakharia ia sanganya i Elisabet. Wali i Elisabet etu, ia seja samba’a wiyaa i Harun sewaju ewa rongonya.

Lukas 1:35

Wali pomakau etu mangansono, ia manganto’o, “I Nosa Mapasing yako resi i Pue Allah darata resi korom, pasi kuasa i mPue Allah damangika see damawali. Ia darata resi korom, pei kuasa i mPue Allah to bae kojo anggaNya damangantorung korom. Wali see naka Ana to danupoanaka ngkorom etu darato’oka mapasing pasi see naka Ia darato’oka seja Ana i mPue Allah.

Lukas 1:37

Apa resi i Pue Allah tare to taa mawali.”

Pomulanya 16:1

Wali yako etu, ojo kagananya sampuyu nto’u i Abram maroo ri tana Kana’an, tempo etu indo nu ananya, i Sarai, tiroo tawa re’e ananya. Pei i Sarai etu ia re’e samba’a to papolaong sanganya i Hagar. I Hagar etu tau we’a yako ri tana Mesir. Wali re’e seore i Sarai manganto’oka i Abram, to’onya, “Manasamo i Pue Yawe taa mangawaika aku moana, see naka kita dua taa riana. Pei gete, aku rani kojo mangarata ana, wali ewa si’i raika. Oko i Hagar, to papolaongingku etu, pei paturu siwaka pei ia see tuwu-tuwuja ia damayu’u panewa damampoanaka ana kodi to danato’o ntau ana ngkita dua.” Wali i Abram singkonong pei songka nu indo nu ananya etu, see naka i Sarai mangoko to papolaonginya, i Hagar, pei mangawaika resi i Abram damawali indo nu ananya.

Pomulanya 18:11

Ojo pangandonge i nSara gombo i mPue Yawe etu ia malenta rayanya pei magele mampobuuka, “Wimba damawali palaong to etu? Kami dua puengku, i Abraham, paka tu’a kojomo! Pasi aku tamo mansabe wuya. Wali wimba aku to tu’amo si’i pei tiroowa damangarata ana to mampakasanang kojo rayangku?” Ewa wetu pampobuuka i nSara.

Pomulanya 21:2

See naka i Sara mawali mayu’u pei mampoanaka ana langkai, etu semo ana i Abraham. Tempo ana etu rapoanaka, tempo etu i Abraham ia tu’amo. Wali ana kodi etu rapoanaka kono kojo ri temponya to napakatantuka yami i mPue Allah seore.

Ibrani 11:11

Wali indo nu ana i Abraham, i Sara, mangaya seja i Pue Allah. Pasi apa saba pangayanya etu see naka ia nawaika i mPue Allah karoso see damangkayu’uka pei mampoanaka ana nempo ia tu’a kojomo pasi liumo temponya. Palaong etu mawali apa i Sara mampobuuka ane i Pue Allah to mangika parajanji, Ia damawai kojo, apa Ia masipato rasarumaka.