Lukas 1:2 - Tuntu i mPue ri Basa Taa

² Pasi sarita to natulis nsira etu sewaju kojo pei sarita to kita roomo mangandonge yako resi tau to yusa. Tau to yusa etu, sira semo tau to matamanasa mpalaong to naika i mPue Yesu yako ri pamulanya, pasi sira semo to mampakarebaka resi kita kareba matao.

Sura Magali Nuntu Ngkatuwu

² Tau seʼe maʼuki malulu totoraka waʼa ntau ri kita tau seʼe anu mangkita mata pewalinya pura-pura setu ungka ri pontepuʼunya, pai tau seʼe woʼu anu mampobambarika bambari setu.

Lukas 1:2 Referans Kwoze

Yohanes 15:27

Pasi komi seja damampakanasaka tau mangkonong Aku, apa komi matamanasa to re’e siwaka pei Aku yako ri pamulanya Aku mangika palaongingKu ri lino si’i.”

Palaong mPomakau i mPue Yesu 26:16

Pei pambangu si’i-si’i pei pakore apa Aku re’e songkangKu resi korom see naka Aku mampapokitaka korom korongKu. Wali Aku mangampilis korom damangika palaongingKu. Pasi Aku mangampilis korom damawali matamanasangKu. Wali anu to Kupapokitaka korom seo si’i pasi to daKupapokitaka korom ri tempo to darata, anu to etu semo to korom damampakarebaka resi tau.

2 Petrus 1:16

Wali a’i-a’i, aku rani kojo komi mampobuuka anu to paponsanika mami komi seore, apa anu to to’o mami etu monso pu’u. Wali anu to kami mampaponsanika komi seore etu, mangkonong kuasa i Yesu Kerisitu, Pue ngkita, pasi mangkonong temponya Ia dama’i wo’u. Pei tempo kami mampaponsanika komi etu, kami taa mangampake sarita-sarita to taa monso to naika ntau to pande. Kami mangansaritaka komi mangkonong palaong to nakita nu mata mami seore. Apa kami semo matamanasa mangkonong kuasa i Yesu Kerisitu. Kuasa etu bae kojo kayawanya.

Ibrani 2:3

Wali ane ewa see, taa manto’o kita to re’e kareba matao. Kita taa kojo maya mangampiyaika huku ane kita taa mangangkongko kareba matao to bae kojo batuanginya mangkonong ewa wimba kita rapalaes. Apa kareba etu to bae-bae batuanginya pei porenta to naporata mpomakau i mPue Allah tempo owi etu. Wali kareba matao mangkonong ewa wimba kita rapalaes, kareba etu uyu-uyunya napakarebaka i mPue. Panewa yako etu, tau to mangandonge gombo i mPue etu, sira mawali matamanasa to mangamporata wo’u resi kita. Sira manganto’o, “Kami mangandonge kareba si’i yako ri nganga i mPue semo.” Wali ewa wetu nato’o matamanasa etu, see naka kita mangansani monso pu’u gombo etu yako resi i Pue semo.

Markus 1:1

Si’i semo pamulanya kareba matao mangkonong i Yesu Kerisitu, Ana i mPue Allah.

Palaong mPomakau i mPue Yesu 1:3

Wali ojo pampopate yau Ia, opo mpuyu mbengi kasaenya Ia malagi ngkani mampapokitaka anaguruNya koroNya pasi mampaponsanika sira mangkonong ewa wimba i Pue Allah mawali Makole nto lino. Wali manasa kojo Ia tuwu muni.

1 Petrus 5:1

Wali re’e paposia to aku rani manganto’oka penatua ngkomi to mangaya. Apa aku seja samba’a penatua ntau to mangaya. Pasi aku samba’a matamanasa to nangkita kasesa i ngKerisitu seore. Pasi ane ratamo temponya kayawa i ngKerisitu darapapokitaka resi to lino, tempo etu aku damangarata seja santila yako kayawaNya etu.

Palaong mPomakau i mPue Yesu 4:20

Ane ewa pampobuuka mami dua, kami taa maya mampalaika porenta ngkomi etu. Apa kami taa maya mampandooka manganto’oka tau mangkonong palaong to naika i Yesu seore to kami re’e mangkita, pasi mangkonong gombo to ito’oNya seore to kami re’e mangandonge.”

Lukas 24:48

Wali komi semo to mawali matamanasa apa komi re’e mangkita samparia palaong to mawali resi Aku si’i.

1 Korintus 4:1

Wali to tao-tao kami napobuuka ntau to papolaong i ngKerisitu. Pasi kami nasarumakaka i mPue Allah mampakarebaka karebaNya to tawa nansani ntau boros.

Palaong mPomakau i mPue Yesu 1:8

Pei tempo i Nosa Mapasing darata resi komi, tempo etu komi darawaika karoso. Pasi komi damawali matamanasangKu damangangkeni kareba yako resi Aku. Komi damangangkeni kareba etu resi tau to ri kota Yerusalem pasi tau to ri propinsi Yudea pasi Samaria, pasi rataka ri suogi lino.”

Markus 4:14

Wali si’i semo batuanginya rapa mangkonong to pansawu liano. To panawu etu, ia semo tau to mampakarebaka sa’e tuntu i mPue Allah, pasi liano etu batuanginya tuntu i mPue Allah semo.

Roma 15:16

Ia nangampilis aku mawali to papolaong i ngKerisitu Yesu. Wali aku napokau i ngKerisitu yau resi tau to si’a to Yahudi. Pasi palaongingku etu maya raporapaka ewa palaong nto pampue, apa aku mampakarebaka kareba matao to yako resi i Pue Allah. Aku mampakarebaka tau to si’a to Yahudi kareba matao see sira damangaya seja i Pue Yesu. Pasi sira to mangaya mawali ewa pampue to napampueka nto pampue etu resi i Pue Allah. Wali i Pue Allah maya mangantima sira apa sira mawali Ia Puenya naika mpalaong i Nosa Mapasing.

Markus 16:20

Wali yako etu, anaguruNya yau njo’u ponto-ponto lipu ntau pei mampakarebaka tau nja’u ria tuntu i mPue Allah. Wali tempo sira mampakarebaka tuntu i mPue etu, i Pue re’e mangansawang sira. Pasi Ia mangawaika sira kuasa mangika palaong to taa rapobiasa see miyala resi tau to mangandonge gombo nsira, monso pu’u gombonya etu. Wali etu semo palaong to mawali ri tempo etu.

Yohanes 16:4

Wali monso pu’u palaong to etu damawali resi komi. Pei Aku manganto’oka yami komi see ane ratamo temponya palaong etu mawali, pangaya ngkomi darapakaroso apa komi damangendo gombo to room yami Aku manganto’oka komi etu.” Wali i Yesu manganto’oka wo’u kami to anaguruNya, to’oNya, “Tempo Aku owo mamula palaongingKu ri lino si’i, Aku tawa mampaponsanika komi mangkonong palaong to damawali etu, apa tempo etu Aku tiroowa re’e siwaka pei komi wali Aku semo to nasesai ntau.

Palaong mPomakau i mPue Yesu 8:4

Pei tau to mangaya to natiga’as yau etu, imba nakanjo’u nsira sira mampakarebaka tau tuntu i mPue Allah.

Palaong mPomakau i mPue Yesu 14:25

Rata nja’u ria sira yau mampago kota Perga panewa mampakarebaka tau ri kota etu tuntu i mPue. Roo see sira polas wo’u yau lo’u kota Atalia ri wii ntasi.

Palaong mPomakau i mPue Yesu 16:6

Wali yako etu i Paulus sira togo rani yau mampakarebaka tuntu i mPue nja’u propinsi Asia, pei sira taa nawaika i Nosa Mapasing yau njo’u ria. Wali sira togo yau mangalinjak tana Prigia pasi Galatia.

Palaong mPomakau i mPue Yesu 17:11

Wali to Yahudi to nja’u nja’u kota etu sira semo to sana-sanang mampodongeka tuntu i mPue pei tau ri Tesalonika. Tempo i Paulus mampotundeka sira tuntu i mPue Allah, sira masanang kojo mampodongeka, pasi ponto eo sira mamparesa tuntu i mPue etu mampakanasa bara monso pu’u anu to nato’oka i mPaulus sira etu, bara taa.