Kolose 4:6 - Tuntu i mPue ri Basa Taa

⁶ Pasi tempo komi mampogomboka tau to taa mangaya etu, to tao-tao komi sangkani manganto'o gombo to manoto pasi gombo to bae batuanginya to raporapaka ewa bure. Pasi pobuuka kojo ewa wimba danuika ngkomi mangansono gombo nsira samba'a pei samba'a see komi damanganto'o sono to masipato danuto'o ngkomi.

Sura Magali Nuntu Ngkatuwu

⁶ Nunjaa anu ndipasowa da napokawongko ntau madonge pai da tenoʼo rayanya. Da ndincani kojo mawai pesono ri waʼa pompeoasi ntau ri komi.

Kolose 4:6 Referans Kwoze

Epesus 4:29

Wali ne’e rabiaka nganga ngkomi manganto’o gombo to maja’a. Pei ojo to’o gombo to mangansawang pasi to mampakaroso raya nsa’e ewa to masipato. Apa gombo to ewa wetu manoto kojo wali gombo etu mangansawang tau to mangandonge.

1 Petrus 3:15

Pei angga i Pue Allah ri raya ngkomi, pasi pongakung Ia semo Pue ngkomi. Pasi pakaroso ri rayamu damangansono samparia tau to mampotanaka resi komi mangkonong pansarumaka to re’e resi komi. Pei tempo komi mangansono, pakatao kojo raika mangansono gombo ntau pasi ne’e mangei raya ngkomi.

Markus 9:50

Bure ia bae kojo batuanginya pei ane bure etu tamo masi, wimba daraika mampakamasi wo’u? Taa maya! Bure etu tamore batuanginya. Wali ane komi masingkatao samba’a pei samba’a, palaong to etu raporapaka ewa bure to bae batuanginya etu. Wali matao kojo komi masingkatao samba’a pei samba’a.”

Kolose 3:16

Wali saka kojo samparia gombo to nato'o i ngKerisitu ri raya ngkomi. Gombo etu bae kojo batuanginya raporapaka ewa kasugi. Wali pake gombo i ngKerisitu etu damasipotunde pei masipaposiaka yako kasamparianya kapande to nawaika i mPue Allah komi. Pasi ponyanyika nyanyi ewa gombo to ratulis ri raya buku Masmur. Pasi matao seja mamponyanyika nyanyi to mangabarong i Pue Allah pasi nyanyi to yusa mangkonong Ia. Wali ponyanyika nyanyi etu resi i Pue batuanginya manganto'oka Ia tarima matao apa kabuya ndaya ngkomi.

Matius 5:13

Wali yako etu i Yesu manganto’oka sira rapa, Ia manganto’o, “Komi raporapaka ewa bure apa bure bae kojo batuanginya resi to lino. Pasi komi seja bae batuanginya resi samparia to lino. Pei ane bure etu tamo masi, wimba daraika mampakamasi wo’u? Taa maya! Wali bure etu tamore batuanginya, see naka bure etu jamo darataji yau pei danalombu yau ntau.Wali ne’e mandoo mangalulu pamporani i mPue Allah see Ia tiroowa maya mangampake komi damangansawang yunu ngkomi to lino apa bae kojo batuanginya palaong to etu.

Lukas 4:22

Wali samparia tau to nja’u ria paka mangabarong i Yesu, pasi sira ipu rayanya mangandonge gomboNya to magaya kojo etu. Pei sira taa mangaya Ia to pantuntu tuntu i mPue Allah, sira mampobuuka Ia ojo tau biasa semo. See naka sira manganto’o samba’a pei samba’a, to’onya, “Gete, tau si’i ojo Ana i Yusup!”