Kolose 3:17 - Tuntu i mPue ri Basa Taa

¹⁷ Pasi bara kesaa to nuika ngkomi, bara magombo, bara to nupolengkoka, ika samparia ewa to masipato naika ntau to mangalulu i Pue Yesu. Pasi ri rayanya komi mangika palaong, to'oka i Pue Allah, Pa'a, tarima matao apa saba to inika i mPue Yesu resi komi.

Sura Magali Nuntu Ngkatuwu

¹⁷ Kaʼedenya nunjaa anu ndiwianaka pai anu ndipau, da ndiwianakamo pai da ndipaumo ri raya ntoʼo i Yesu. Pai mbolimo komi da maunde i Pue Ala Papa kono nunjaa anu ndawianaka i Yesu tilami.

Kolose 3:17 Referans Kwoze

1 Korintus 10:31

Pei aku manganto’oka komi, nempo kesaa to naika ngkita, bara mangkoni bara manginu, anu kita mangika samparianya etu paka i Pue Allah darabarong.

Kolose 3:23

Pasi bara kesaa to nuika ngkomi, pakadota kojo mangika. Pasi pobuuka palaong ngkomi etu ewa palaong to nuika resi i Pue Allah, si'a ewa palaong to nuika resi to lino.

Epesus 5:20

Pasi nempo kesaa to mawali resi komi, ne’e mandoo manganto’oka i Pue Allah, Pa’a, tarima matao apa saba i Yesu Kerisitu, Pue ngkita.

1 Petrus 4:11

Rapanya ane tau to rawaika kapande mampakarebaka sa’e, to tao-tao gombo i mPue Allah semo to ia mampakarebaka etu. Pasi ane tau to rawaika mangansawang sa’e, to tao-tao ia mangika palaong etu yako karoso to nawaika i mPue Allah ia. Wali ika ewa wetu see tau damangkita samparia to nuika ngkomi paka i Yesu Kerisitu pu’unya, see naka sira damangabarong i Pue Allah. Wali masipato ewa wetu apa Ia semo to masipato rabarong pasi to masipato maporenta rataka ri singkasaenya. Amin.

1 Tesalonika 5:18

Pasi nempo bara kesaa to mawali, to’oka i Pue Allah tarima matao, apa etu semo pamporani i mPue Allah resi kita to samba’a pei i Kerisitu Yesu.

1 Petrus 2:5

Pei ane kita to mangaya, kita seja raporapaka ewa watu to iwaikaNya katuwu, apa kita semo saga to napake i mPue Allah mangika banuaNya. Pasi kita mawali to pampue to i Pue Allah puenya. Wali kita mampampueka pampue to nato’oka i Nosa Mapasing kita mampampueka. Pampue etu mampakasanang i Pue Allah apa i Yesu Kerisitu to mamponsaruka kita.

Ibrani 13:15

Wali ane mangkonong pampue, kita re’e mangkenika i Pue Allah pampuenta yako pansawang i Yesu. Pei pampue ngkita etu, etu semo gombo ngkita mangabarong Ia pasi manganto’o, “Tarima matao, Pue Allah.”

1 Yohanes 3:18

Wali ngana-nganangku, ne'e kita mamporayang sa'e ojo ri gombo ngkita, pei anu kita mamporayang sa'e ri lengkonta seja. Pasi ne'e kita mamporayang sa'e ojo ri nganga ngkita, pei anu kita mamporayang ri kamonso-monsonya.

1 Petrus 2:9

Pei kita tau to roomo napilis i mPue Allah damawali tauNya. Pasi kita semo to pampue to mangika palaong Makole ngkita. Pasi kita semo bansa to i Pue Allah Puenya pasi to tare yusa puenya. Naka pei kita napilis i mPue Allah, see kita damampakarebaka resi sa’e palaong to inikaNya to masipato rabarong. Apa Ia semo to nampokio kita damasuwu yako ri kawuri pei masua wo’u ri raya ngkaremeNya to bae kojo kayawanya.

Pilipi 2:11

Pasi tare to taa damampatimonso i Yesu Kerisitu Ia semo i Pue. Wali yako palaong to etu i Pue Allah, Pa’a, darabarong.

Palaong mPomakau i mPue Yesu 4:30

Pasi kuporapika seja resi Komi see Komi damampaponsanika tau kuasaMu tempo sira mangkita tau to rapakatao muni yako ri panyaki, pasi tempo sira mangkita palaong to yusa to taa rapobiasa to mawali tondong resi sira pasi palaong to mampakaipu raya nsira. Palaong to etu damawali saba yako kuasa i Yesu, to papolaong ngKomi to mapasing.” Etu semo pakai-kai nu yunu i mPetrus sira dua i Yohanes.

2 Tesalonika 2:17

Wali kami mamporapika resi Ia see Ia mampakaroso raya ngkomi pasi mampakaroso pangaya ngkomi see gana karoso ngkomi damanganto’o pasi damangika samparia anu to matao.

Palaong mPomakau i mPue Yesu 19:17

Wali palaong etu natikareba resi samparia tau to maroo ri kota Epesus, to Yahudi pasi to si’a to Yahudi. Tempo sira mangandonge kareba etu sira paka meka kojo rayanya, pasi sira manga’angga kojo kuasa i mPue Yesu.

Kolose 1:12

Pasi kami mamporapika resi i Pue Allah, Pa’a ngkita, see komi damanganto'oka Ia tarima matao apa Ia mangika see komi masipato mangarata seja anu to Ia damangawaika tau to maroo ri raya ngkareme, etu semo samparia tau to Ia Puenya.

Epesus 1:17

Aku makai-kai resi Pa’a ngkita anu masipato rabarong apa saba kuasaNya pasi kayawaNya, etu semo Allah i Yesu Kerisitu, Pue ngkita. Wali aku mamporapika resi Ia see yako kuasa i Nosa Mapasing Ia mangawaika komi kapande pasi mampakanasaka komi mangkonong Ia see komi mangansani kojo Ia.

Kolose 2:7

Wali i Kerisitu raporapaka ewa tana to mampakainti kaju apa la'u kalenya. Pasi Ia raporapaka seja ewa pondasi to mampakaroso banua. Wali matao seja komi mawali ewa kaju to mainti pasi banua to maroso etu apa komi samba'a pei i Kerisitu. Pasi pakaroso pangaya ngkomi singkonong ewa to roomo rapotundeka komi, apa ane ewa see bae kojo kandende ndaya ngkomi manganto'oka i Pue Allah tarima matao.

Matius 28:19

Wali apa saba kuasangKu etu, see naka Aku manganto’oka komi inta resi samparia tau ri sambawo lino pei pakarebaka resi sira kareba matao see sira damawali seja anagurungKu. Panewa baptis sira mangika tondong see nansani nsa’e sira i Pue Allah Pa’a puenya, pasi Ana i mPue Allah puenya, pasi i Nosa Mapasing seja puenya.

1 Yohanes 2:23

Apa tau to mampobo'o AnaNya etu, tau etu taa seja re'e i Pue Allah, Pa'aNya, resi ia. Pei tau to mampatimonso AnaNya etu, tau etu re'e seja i Pue Allah, Pa'aNya, resi ia. Wali komi damanasa tau mawuti etu apa i Nosa Mapasing to re’e resi komi, Ia mampakanasaka komi see naka komi mangansani anu to monso.

Roma 1:8

Wali uyu-uyunya aku makai-kai manganto’oka i Pue Allah, Puengku, tarima matao kojo, pasi tempo aku makai-kai etu i Yesu Kerisitu semo to mangamporata gombongku etu resi i Pue Allah. Naka pei aku manganto’oka i Pue Allah tarima matao apa ri sambawo lino tau mampakarebaka resi sa’e mangkonong pangaya ngkomi resi i Pue.

Ibrani 1:5

Kita mangansani monso pu’u ewa wetu apa i Pue Allah tare manganto’oka pasi samba’a pomakauNya, Ia tare manganto’o, “Komi AnangKu, Seo si’i Aku mawalimo Pa’aMu.” (Masmur 2:7) Pasi Ia tare seja manganto’o mangkonong pasi samba’a pomakauNya ewa si’i, Ia tare manganto’o, “Aku damawali Pa’aNya, pasi Ia damawali AnangKu.” (2 Samuel 7:14)

1 Tesalonika 1:1

Sura si’i yako resi aku, i Paulus, pasi yako i Silas pasi i Timotius. Sura si’i kami mangantulisika komi to mangaya i Pue Yesu to siromu nja’u kota Tesalonika. Komi seja samba’a pei i Pue Allah, Pa’a pasi i Pue Yesu Kerisitu. Wali kami makai-kai see i Pue Allah, Pa’a ngkita pasi i Pue Yesu Kerisitu, damampaponsanika komi kanotoNya pasi damangawaika komi karodo ndaya.

Kolose 3:15

Wali i Pue Allah mangawaika kita karodo ndaya, wali biakamo karodo ndaya etu mawali ewa to pobotus to mampakanasaka ri raya ngkomi to imba lengko to matao raika resi yunu ngkomi. Apa naka pei komi napokio i mPue damawali samba'a koro see komi damasingkatao samba'a pei samba'a. Wali masipato komi manganto'oka i Pue Allah, tarima matao.