Kolose 3:15 - Tuntu i mPue ri Basa Taa

¹⁵ Wali i Pue Allah mangawaika kita karodo ndaya, wali biakamo karodo ndaya etu mawali ewa to pobotus to mampakanasaka ri raya ngkomi to imba lengko to matao raika resi yunu ngkomi. Apa naka pei komi napokio i mPue damawali samba'a koro see komi damasingkatao samba'a pei samba'a. Wali masipato komi manganto'oka i Pue Allah, tarima matao.

Sura Magali Nuntu Ngkatuwu

¹⁵ Mbolimo waʼa mpobotusimi da mewali ri karodo ndaya anu ndawaika komi i ngKerisitu ri rayami. Maka i Pue Ala mampeboo komi da mewali parewa ngkoro anu sambaʼa-mbaʼa da naka komi tuwu ri karodo ndaya anu ungka ri Kerisitu. Mbolimo komi da montarima kase ua pura-puranya setu.

Kolose 3:15 Referans Kwoze

Yohanes 14:27

“Wali tempo Aku yau, re’e to Aku ewa mangansombo resi komi. Etu semo karodo ndaya. Wali karodo ndaya to Kuwaika komi etu sewaju ewa karodo ndaya to re’e resi Aku. Pasi tempo Aku mangawaika komi karodo ndaya etu, taa kojo sewaju pei karodo ndaya to biasa komi mangarata ri lino. Gana kojo karodo ndaya to Kuwaika komi etu. Wali ne’e moru-moru raya ngkomi mangampobuuka Aku mampiyaika komi pasi ne’e meka.

Roma 15:13

Wali aku makai-kai resi i Pue Allah anu mangawaika kita pansarumakanta. Aku mamporapika resi Ia see Ia damangawaika komi kasanang pasi karodo ndaya to bae kojo apa saba komi mangaya Ia. Pasi aku makai-kai see kanjo’u-njo’u tidugang wo’u pansarumaka ngkomi naika ngkuasa i Nosa Mapasing. Mangkonong Palaong to Nawaika i mPue Allah i Paulus

1 Tesalonika 5:18

Pasi nempo bara kesaa to mawali, to’oka i Pue Allah tarima matao, apa etu semo pamporani i mPue Allah resi kita to samba’a pei i Kerisitu Yesu.

Roma 5:1

Wali si’i-si’i kita nato’o i mPue Allah tare dosanta apa saba pangayanta. See naka kita masingkatao pei i Pue Allah apa saba to naika i Yesu Kerisitu, Pue ngkita.

Kolose 3:17

Pasi bara kesaa to nuika ngkomi, bara magombo, bara to nupolengkoka, ika samparia ewa to masipato naika ntau to mangalulu i Pue Yesu. Pasi ri rayanya komi mangika palaong, to'oka i Pue Allah, Pa'a, tarima matao apa saba to inika i mPue Yesu resi komi.

Yohanes 16:33

Naka pei Aku manganto’oka komi mangkonong samparia to etu see komi damangarata karodo ndaya apa saba komi samba’a pei Aku. Ane ri lino si’i, komi danapakasusa ntau to mangewa i Pue Allah, pei pakasanang raya ngkomi, apa Aku roomo manganangi i Kepala nto pantipu to mangkuasang tau to mampakasusa komi etu. Wali see naka komi maya seja manganangi joa i ngKepala nto pantipu etu.”

Epesus 5:20

Pasi nempo kesaa to mawali resi komi, ne’e mandoo manganto’oka i Pue Allah, Pa’a, tarima matao apa saba i Yesu Kerisitu, Pue ngkita.

2 Korintus 9:11

Pasi i Pue Allah damangawaika komi mpangaya-ngaya sora to mawali kasugi see komi maya sangkani manoto kojo mangansora sa’e. Pasi yako sora ngkomi to danapakarata mami resi tau i mPue ri Yudea, see naka boros tau to damanganto’oka i Pue Allah, “Tarima matao.”

Epesus 4:4

Apa kita to mangaya raporapaka ewa samba’a koro, pasi i Nosa Mapasing anu to re’e ri raya ngkita, Ia seja samba’aja. Pasi ewa see seja pansarumaka to narata ngkita tempo napokio i mPue Allah. Apa kita to rapokio, samba’aja seja pansarumaka ngkita etu.

Roma 14:17

Apa tempo i Pue Allah mawali Makole ngkita, tempo etu si’a porenta mangkonong pangkoni pasi mangkonong anu to rainu to bae batuanginya. To bae batuanginya etu semo kita nato’o i mPue Allah tare dosanta, pasi kita masingkatao pei sa’e, pasi kita bae kandende ndaya to nawaika i Nosa Mapasing kita.

1 Timotius 2:1

Wali uyu-uyunya aku mamporapika kojo see tau to mangaya makai-kai resi i Pue Allah mampokaika samparia tau. Tempo makai-kai etu, matao ane mamporapi anu to raparluu, mamporapika see i Pue Allah mangansawang sa’e, pasi manganto’oka Ia tarima matao.

Kolose 2:7

Wali i Kerisitu raporapaka ewa tana to mampakainti kaju apa la'u kalenya. Pasi Ia raporapaka seja ewa pondasi to mampakaroso banua. Wali matao seja komi mawali ewa kaju to mainti pasi banua to maroso etu apa komi samba'a pei i Kerisitu. Pasi pakaroso pangaya ngkomi singkonong ewa to roomo rapotundeka komi, apa ane ewa see bae kojo kandende ndaya ngkomi manganto'oka i Pue Allah tarima matao.

Epesus 5:1

Wali pasiwajuka ewa lengko i mPue Allah apa komi roomo mawali anaNya anu to naporayang kojo.

2 Korintus 4:15

Wali samparia kasesa to narata mami tempo kami mampakarebaka komi kareba matao, paka bae batuanginya resi komi. Apa kanjo’u-njo’u kaboro-boros komi to mangarata kanoto i mPue Allah, panewa kaboro-boros tau to manganto’oka Ia tarima matao. Wali yako palaong to etu see naka tiduga-dugang tau mangabarong kayawa i mPue Allah.

Pangkita 7:12

Sira manganto’o, “Amin! Kita mangabarong Pue ngkita, i Pue Allah. Kita mampakabae Ia pasi magombo mangkonong kapandeNya. Kita manganto’oka Ia tarima matao pasi manga’angga Ia. Kita magombo mangkonong kuasaNya pasi karosoNya rataka ri singkasaenya. Amin!” Ewa wetu gombo mpomakau i mPue Allah.

Epesus 4:16

Apa kita to mangaya rato’oka saga ngkoro i ngKerisitu. Wali ane rapanya koro ngkita to lino, samparia saganya napasingkenta nu yotus pasi ua see saga etu mawali mangika palaonginya samba’a pei samba’a. Pasi yako ri wo’onya semo see naka koro etu maya tuwu pasi maroso. Wali ewa see seja kita. Apa kita roomo rapasimba’a mawali koro i ngKerisitu, pasi Ia semo wo’o ngkita to mangawaika katuwu pasi karoso. Wali ane kita to saga ngkoroNya samparia paka mangika palaong ngkita samba’a pei samba’a, pasi ane kita sangkani singkenta, ane ewa see kita maya mangarata karoso yako ri Wo’onta. See naka kanjo’u-njo’u tiduga-dugang kaboros ntau to rato’oka koro i ngKerisitu. Pasi kanjo’u-njo’u tiduga-dugang kita masiporayang.

Kolose 1:12

Pasi kami mamporapika resi i Pue Allah, Pa’a ngkita, see komi damanganto'oka Ia tarima matao apa Ia mangika see komi masipato mangarata seja anu to Ia damangawaika tau to maroo ri raya ngkareme, etu semo samparia tau to Ia Puenya.

Ibrani 13:15

Wali ane mangkonong pampue, kita re’e mangkenika i Pue Allah pampuenta yako pansawang i Yesu. Pei pampue ngkita etu, etu semo gombo ngkita mangabarong Ia pasi manganto’o, “Tarima matao, Pue Allah.”

1 Korintus 7:15

Pei wimba ane re’e tau to we’a bara to langkai to taa mangaya, pei ia rani mampoga’aka rongonya to mangaya? Ane ewa see, biakamo. Tamalenya to mangaya etu tamo rapakasaaka maroo-roo siwaka pei ia. Apa i Pue Allah room mampokio kita mawali Ia Puenya pasi Ia taa rani kita marotai katuwunta.

Roma 1:21

Taa kojo masipato sira manganto’o ewa wetu apa sira mangansani kojo mangkonong i Pue Allah, pei sira bo’onya mampakabae Ia, bo’onya manganto’o, “Komi monso pu’u i Pue Allah.” Pasi bo’onya seja manganto’oka ia, “Tarima matao.” Kasimbalinya yako etu, sira mangandolika tangonya yako resi i Pue Allah see naka pampobuuka nsira tamo re’e batuanginya pasi raya nsira to madoyo mawali mawuri, batuanginya sira tamo mangansani anu to monso.

1 Korintus 10:17

Apa songuja roti to rapesu-pesu etu, wali batuanginya kita nempo malagi mawali samba’a koro apa kita samparia mangkoni roti etu samba’a pei samba’a.

1 Timotius 6:12

Wali pakadota mampoewaka pangayamu resi i Pue, pasi kongko kojo katuwu to singkasaenya. Katuwu etu korom room napokio i mPue Allah mangantima tempo korom mangaya. Pasi korom re’e mampongakung pangayamu etu seore ri tango ntau boros.