Kolose 3:14 - Tuntu i mPue ri Basa Taa

¹⁴ Pasi lengko to bae kojo batuanginya komi mampolengkoka, etu semo mamporayang sa'e. Apa pamporayang semo to mangika kita mawali samba’a pampobuuka pasi samba’a raya see damawali masingkatao kojo.

Sura Magali Nuntu Ngkatuwu

¹⁴ Pai anu bangke yowenya inceʼemo, komi da mombepotowe maka towe setu inceʼe anu mampasambaʼa-mbaʼa komi pura-pura ri gori ngkamonconya.

Kolose 3:14 Referans Kwoze

1 Petrus 4:8

Pasi ri temponya komi tiroowa tuwu ri lino si’i, to bae kojo batuanginya komi masiporayang kojo. Apa ane komi mamporayang yunu ngkomi, see naka boros sala nu yunu ngkomi to taa danukitanaka ngkomi.

Epesus 5:2

Pasi porayang sa’e ewa naika i ngKerisitu mamporayang kita. I Kerisitu mangkapateka kita pasi mampampueka koroNya resi i Pue Allah. Wali pampue i ngKerisitu etu mampakasanang kojo raya i mPue Allah, ewa pampue to magaya waunya to rapampueka resi Ia. Wali anu kita mamporayang sa’e ewa wetu.

Kolose 2:2

Naka pei aku rani komi mangansani mangkonong palaongingku etu see komi samparia damawali maroso raya ngkomi pasi kanjo'u-njo'u tiduga-dugang komi masiporayang. Apa ane ewa see, komi damangarata kasugi to bae kojo. Kasugi etu, etu semo kapande pasi kanasa. Wali yako resi i Kerisitu semo kita mangarata kasugi etu. Etu semo songka i mPue Allah to rawuni tempo ruyu. Wali i Kerisitu maya raporapaka ewa tampa napamposayaka ntau kasuginya. Pasi yako resi i Kerisitu semo kita mangarata samparia kapande pasi kanasa to raporapaka ewa kasugi etu.

Yohanes 13:34

Wali si’i-si’i Aku mangawaika komi porenta to bou. Etu semo, masiporayang. Ewa inikangKu mamporayang komi, ewa see seja danuika ngkomi masiporayang.

Roma 13:8

Ne’e kita kainda resi sa’e kasimbalinya inda to re’e resi kita samparia. Etu semo kita taa maya taa masiporayang. Apa tau to mamporayang yununya, tau etu mangabanang porenta i Musa.

Epesus 4:3

Komi roomo napasimba’a i Nosa Mapasing. Wali tuwu masingkatao imba pata mpangkurang ngkomi apa ewa wetu raika mangajagai kasimba’a ngkomi etu.

1 Yohanes 4:21

Wali ngana-nganangku, anu kita mangalulu porenta to nato'oka i ngKerisitu kita. Ia manganto'o, "Komi to mamporayang i Pue Allah, porayang seja a'imu." Wali anu kita samparia masiporayang.

2 Petrus 1:7

Pasi ri rayanya komi mangika lengko to mampakasanang i Pue Allah etu, dugangika wo’u pamporayang ngkomi resi pua’i to samba’a pangaya. Pasi ri rayanya mangamporayang pua’i to samba’a pangaya, dugangika wo’u pamporayang ngkomi resi samparia tau.

1 Timotius 1:5

Wali naka pei aku manganto’oka korom porenta etu see kita to mangaya masiporayang. Apa ane raya ngkita napakayongo i mPue Allah, pasi ane raya ngkita taa mangepe sala ri tango i mPue Allah mangkonong lengko ngkita, pasi ane kita mangaya kojo i Kerisitu, ane ewa see kita maya masiporayang.

1 Tesalonika 4:9

Wali ane mangkonong pamporayang ngkomi resi pua’i to samba’a pangaya, nempo kami tamo mangantulisika komi mangkonong to etu. Apa komi roomo napotundeka i mPue Allah ewa wimba raika masiporayang.

Yohanes 17:23

Batuanginya mawali samba’a pampobuuka, etu semo, Aku maroo ri raya nsira, pasi Komi maroo ri rayangKu, wali ane ewa see, sira maya samba’a kojo pampobuuka nsira. Pasi ane sira samba’a pampobuuka, ane ewa see, to lino to taa mangaya damangkita kasingkatao nsira etu panewa tau to taa mangaya etu damangansani Komi semo to nampokau Aku. Pasi sira damangansani Komi mamporayang tau to mangaya Aku, pasi pamporayang ngKomi resi tau to mangaya etu sewaju ewa pamporayang ngKomi resi Aku.

Yohanes 15:12

“Wali si’i semo porentangKu. Aku rani komi masiporayang sewaju ewa Aku mamporayang komi.

1 Yohanes 3:23

Wali si’i semo porenta i mPue Allah resi kita: To uyunya, aya AnaNya, i Yesu Kerisitu, pasi yako etu, masiporayang ewa to roomo nato'oka i ngKerisitu kita.

Ibrani 6:1

Wali anu kita kanjo’u-njo’u kadota-dota maguru Tuntu i mPue Allah to masuli wo’u rapangansani see kita damawali ewa tau bose tu’a, si’amo ewa ana kodi. Ne’e kita ojo maguru-guru anu to uyunya rapotundeka resi kita mangkonong i Kerisitu, apa anu to etu raporapaka ewa pondasi banua. Pasi ane pondasi roomo raika, tare batuanginya raika wo’u kadua ngkaninya. Wali tamore batuanginya kita sangkani maguru ojo anu to rapotundeka ruyu to raporapaka ewa pondasi etu. Ewamo kita roomo maguru mangkonong ewa wimba naika ntau mangandolika tangonya yako palaong to tare batuanginya pei mangaya i Pue Allah.

Epesus 1:4

Wali samparia rasi to roomo nawaika i mPue Allah kita etu, singkonong kojo pei pamporani to si Ia yako ri tempo Ia tawa nangampapowali lino si’i. Wali pobuuka to roomo naika i mPue Allah. Re’e katawanya Ia mampapowali lino, tempo etu Ia room mangampilis kita see damawali samba’a pei i Kerisitu. Wali see naka kita rapilis seja mawali tau to i Pue Allah Puenya, pasi Ia manganto’o kita tare salanta. Ia mangamporayang kita, see naka Ia re’e yami songkaNya damangampilis kita damawali anaNya. Wali Ia mangabanangimo songkaNya etu. Wali kita nawalimo anaNya apa saba yako palaong to naika i Yesu Kerisitu. Etu semo pamporani i mPue Allah to mampakasanang kojo Ia.

1 Yohanes 3:10

Wali kita to mampopa’a i Pue Allah, yako ri pamulanya kita mangaya kita re’e mangandonge porenta to manganto’o to tao-tao kita masiporayang. Wali etu semo palaong to mampakanasaka kojo resi kita bara i sema kamonsonya pu’u nu lengko ngkita, bara i Pue Allah, Pa’a ngkita, bara i Kepala nto pantipu. Pei tau to ana i mPue Allah pei taa mamporayang a’inya to samba’a pangaya pasi mangika lengko to taa singkonong pei i Pue Allah, manasa tau to etu taa maroo masingkatao pei i Pue Allah. Wali lengko ntau etu manasa kojo i Kepala nto pantipu semo pu’unya.