Kolose 3:10 - Tuntu i mPue ri Basa Taa

¹⁰ Pei pake tau ngkomi to bou ewa naika ntau mamposunsuka baju to bou. Apa tau ngkomi to bou etu napapowali i mPue Allah pasi sangkani napakabou i mPue Allah see kanjo'u-njo'u tiduga-dugang komi mangansani Ia see lengko pasi pampobuuka ngkomi kanjo’u-njo’u kamosu-mosu ewa lengko pasi pampobuuka i mPue Allah. Naka pei i Pue Allah mangika ewa wetu see komi damangansani kojo Ia.

Sura Magali Nuntu Ngkatuwu

¹⁰ Komi seʼi-seʼi ndawaikamo katuwu anu dawoʼu. Komi mewalimo tau dawoʼu pai ntongo da ndapakadawoʼu mpaliu; anu mampapewali inceʼemo i Pue Ala malulu turuki-A. Anu ndatinako ndaya da naka teranga-rangani paincanimi i Pue Ala.

Kolose 3:10 Referans Kwoze

Roma 12:2

Pasi ne’e kita mangalulu pampobuuka ntau pasi lengko ntau to taa mangaya i Pue. Pei anu kita mangabiaka i Pue Allah mangawaika kita pampobuuka to bou see rayanta darawali damawali bou seja. Apa ane ewa wetu kita maya mangansani pamporani i mPue Allah ri raya ngkatuwunta. PamporaniNya etu semo anu to matao pasi masilonga pasi to mampakasanang Ia.

Epesus 2:10

Apa kita napapowali i mPue Allah damawali tau to bou. Apa kita samba’a pei i Kerisitu Yesu, see naka i Pue Allah mampapowali kita mawali tau to bou. Naka pei Ia mangika palaong to etu see kita maya mangika palaong to matao to napasigenaka yami i mPue Allah kita.

Kolose 3:12

Wali komi naporayang seja i mPue Allah pasi Ia mangampilis seja komi damawali tau to Ia Puenya. Wali see naka matao komi mampolengkoka lengko to matao ewamo rani mangansawang sa'e, mangika to manoto resi sa'e, ne'e mangei, ne'e makasar resi sa'e, pasi pakabae sabara ngkomi resi sa'e.

2 Korintus 5:17

Apa i sema-sema tau to samba’a pei i Kerisitu, tau etu mawali tau to bou. Wali tiliumo katuwunya to masae pasi ratamo katuwunya to bou. Wali ojo raya ntau to kami mangabotus, si’amo pangkanya.

Kolose 3:14

Pasi lengko to bae kojo batuanginya komi mampolengkoka, etu semo mamporayang sa'e. Apa pamporayang semo to mangika kita mawali samba’a pampobuuka pasi samba’a raya see damawali masingkatao kojo.

1 Yohanes 2:5

Pei i sema-sema tau to mangaluluka tuntu i mPue Allah, batuanginya tau etu masilonga pamporayanginya resi i Pue Allah. Pasi i sema-sema tau to manganto'o, "Aku tuwu masingkatao pei i Pue Allah," to tao-tao tau etu mangika lengko ngkatuwunya sewaju pei lengko ngkatuwu to naika i mPue Yesu. Wali etu semo tondong to mampakanasaka kita, kita samba'a pei i Pue Allah.

Roma 13:14

Pei anu kita mangika ewa wimba lengko i mPue Yesu Kerisitu. Ne’e kita ojo mampobuuka ewa wimba dataika mangabanang pampobuuka ngkita to masae.

1 Yohanes 2:3

Wali re'e to mampakanasaka ri raya ngkita kita tuwu mangansani kojo i Pue Allah. Etu semo, kita mampolaika porenta-porentaNya. Wali ane kita mangika ewa wetu, manasa kita mangansani kojo Ia.

Roma 8:29

Apa yako ri pamulanya i Pue Allah mangansani pasi mamporayang yami tau to damangaya Ia. Pasi tau to Ia mangansani pasi mamporayang yami etu Ia mamponsongkaka yami damawali ewa AnaNya, i Yesu. Wali ewa see nikaNya see i Yesu semo damawali Tukaka ngkita samparia to bae kojo anggaNya.

Yohanes 17:3

Wali batuanginya katuwu to singkasaenya, batuanginya etu semo tau maya mangansani Komi. Apa Komi semo i Pue Allah to monso pasi to samba’aja. Pasi katuwu to singkasaenya etu, batuanginya seja sira maya mangansani i sema kamonsonya Aku. Apa Aku semo i Yesu Kerisitu, to nupokau ngKomi.

Pangkita 21:5

Wali Ia to matunda ri gaderaNya etu, Ia manganto’o, “Lo’a, samparia anu to tempo ruyu Aku mangawali yau mawali bou wo’u.” Pasi Ia manganto’o seja, “Tulis gombo si’i apa gombo si’i monso pasi masipato rasarumaka.”

Galatia 6:15

Wali ane tau to samba’a pei i Yesu Kerisitu nempo rasui mangalulu ada nto Yahudi, pasi nempo taa rasui, taa mawei. Apa rasui tare batuanginya. To bae batuanginya i Pue Allah roomo mangawali kita mawali tau to bou.

2 Korintus 4:6

Wali tempo owi, tempo lino si’i ojo mawuri, i Pue Allah manganto’o, “Powalimo reme,” panewa re’e reme to mangansindo lino to mawuri etu. Wali tempo si’i i Pue Allah semo to ewa mangansindo pampobuuka ngkita see mareme seja. Batuanginya naka pei Ia mangika ewa wetu, see kita mangansani pasi maya mampaponsanika sa’e mangkonong kayawa i mPue Allah apa saba roomo mangalo’aka lio i Yesu Kerisitu.

2 Korintus 3:18

Wali apa saba tamo re’e to mangabombong pampobuuka ngkita to mangaya, see naka kita samparia maya mampobuuka kojo kayawa i mPue. Pampobuuka ngkita etu raporapaka ewa mangalo’a kayawa i mPue ri raya nsami. Wali ri rayanya kita mampobuuka kayawa i mPue etu, kanjo’u-njo’u lengko ngkita darawali si-singkodi kasae-sae dasewaju ewa Ia. Pasi kanjo’u-njo’u tiduga-dugang kayawa ngkita yako resi Nosa i mPue.

Roma 13:12

Lino si’i raporapaka ewa ri raya mburi apa saba dosa, pei si’i-si’i ewa mosueomo. Tamo masae daeom. Wali anu kita mamposaka yau palaong to maja’a to raporapaka ewa mawuri, pei pake wo’u anu to masipato rapake ri raya ngkareme. Anu to etu raporapaka ewa parewa to naposunsuka ntentara to mangajagang koronya tempo ia yau damangewa balinya.

Galatia 3:27

Apa komi roomo rabaptis rapasimba’a pei i Kerisitu, pasi tempo etu komi raporapaka ewa mamposunsuka baju to bou. Wali i Kerisitu semo to raporapaka ewa baju to nuposunsuka ngkomi etu.

Ibrani 6:6

Wali tau to ewa wetu, ane mampiyaika yau samparia to etu, taa kojo re’e jaya mangkeni muni sira damajea. Apa yako palaong etu sira mawali ewa tau to nangampaku Ana i mPue Allah ri kaju pasape pasi mangarunes Ia ri pangkita ntau boros.

Pomulanya 5:1

Wali si’i semo sarita to ratulis mangkonong wiyaa i Adam, ia semo tau to uyunya kojo napapowali i mPue Allah. Wali tempo i Pue Allah nampapowali tau, inikaNya sewaju ta’anya ewa lengke to si Ia semo.

Roma 6:4

Wali tempo kita rabaptis mawali samba’a pei i Kerisitu ri raya ngkapateNya etu, tempo etu kita seja nato’o i mPue Allah rapongkeli sindara-ndara pei i Kerisitu. Wali ojo karoonya i Kerisitu rapongkeli yau Ia rawangu muni saba yako kuasa i mPue Allah to bae kojo. Wali see naka kita takurang mampolengkoka lengko ngkatuwu to bou.

2 Korintus 4:16

Wali see naka kami taa mosa raya mami mangika palaong to etu. Apa nempo koro mami si’i kanjo’u-njo’u kayu’u-yu’u, pei raya mami ponto-ponto eo rapakaroso.

Pilemon 1:6

Wali aku makai-kai resi i Pue Allah see Ia mangansawang korom tempo korom manganto’oka sa’e mangkonong pangayamu. Apa yako etu tau etu damangansani seja mangkonong samparia anu to matao to kita mangarata apa saba samba’a pei i Kerisitu Yesu.