Kolose 3:1 - Tuntu i mPue ri Basa Taa

¹ Wali kita to mangaya nato'o i mPue Allah rawangu muni yako ri kapate sindara-ndara pei i Kerisitu. Wali ane ewa see, porayang kojo samparia anu to ndate saruga, tampa to nakaroo i ngKerisitu. Ia ndate matunda ri awe i mPue Allah ri sambali tondo ngkana.

Sura Magali Nuntu Ngkatuwu

¹ Komi roomo ndawali mpatuwu sangkani-ngkani pai i Kerisitu. Inceʼe painaka da mompari-mpari kojo da ndiparata nunjaa anu ri suruga ri kandate mpotunda i ngKerisitu moparenta sangkani-ngkani pai Pue Ala.

Kolose 3:1 Referans Kwoze

Matius 6:33

.Wali ne’e anu ri lino si’i to mawali bae kojo batuanginya resi komi. Pei to masipato mawali bae kojo batuanginya resi komi, etu semo mangabiaka i Pue Allah mawali Makole ngkomi, pei mangika anu to singkonong pei Ia. Apa ane ewa wetu nuika ngkomi, komi darawaika seja samparia anu to parluu ngkomi etu.

2 Korintus 4:18

Wali kami taa mosa mangika palaong mami, apa re’e to mampakaroso raya mami. Wali ewa si’i, si’a anu to rakita to kami mampobuu-buuka, kami mampobuu-buuka anu to taa rakita. Apa anu to rakita, anu to etu taa singkasaenya, pei anu to taa rakita, etu semo to singkasaenya.

Kolose 3:2

Wali ne'e sangkani mampobuuka anu to re'e ri lino si'i. Apa komi room namate sindara-ndara pei i Kerisitu, see naka anu to lino si'i tamore batuanginya resi komi. To tao-tao pobuuka kojo anu to ndate saruga etu. Apa komi rawangu muni seja pei mangarata katuwu to bou sindara-ndara pei i Kerisitu pasi komi seja samba'a pei i Pue Allah sewaju ewa Ia. Wali ewa i Kerisitu tawa rakita ri tempo si'i, ewa see seja katuwu ngkomi to bou tawa seja rakita.

Matius 6:20

.Pei to tao-tao komi mamporomung kasugi ngkomi ndate saruga. Apa ndate ria tare ane bara katiisi pasi taa seja re’e to palima to masua damangoko yau kasugimu etu.

Ibrani 12:2

Pasi anu kita mangalo’aka yau resi i Yesu apa Ia semo mata njaya to nalulu ngkita pasi Ia semo to mampasilonga pangayanta. Ia mate rapaku ri kaju pasape, pasi kapate to etu napobuuka ntau to tempo etu kapate to masipato kojo rapokea. Pei nempo ewa wetu, taa mawei resi i Yesu, Ia ojo mangainsoka apa Ia mampobuuka kandende ndaya to Ia damangarata karoonya Ia mangika palaong to etu. Wali si’i-si’i Ia matunda ri awe nggadera i mPue Allah ri sambali tondo ngkana.

Lukas 12:33

Wali pobalu ngaya-ngaya ngkomi pei waika doinya resi tau to masiasi. Panewa poromung kasugi to ndate saruga, apa kasugi to etu maya raporapaka ewa dompet to taa dapura yau bananginya. Pasi ndate ria tare to palima to masua damangoko yau kasugimu pasi taa seja re’e ane to mampakaja’aka yau kasugi etu.

Ibrani 1:3

Wali AnaNya etu semo to mampaporaoka kita kayawa i mPue Allah. Pasi Ia ewa lengke to mampaporaoka kita ewa wimba kamonsonya i Pue Allah, apa Ia sewaju kojo pei i Pue Allah. Pasi Ia mampasilonga pasi mangampiara samparia anu to re’e yako ri gomboNya semo to bae kuasa. Ia semo to mampakayongo kita to lino yako ri dosa ngkita, panewa tempo Ia room mangika palaong to etu, Ia yau matunda ri awenya to Makuasa ndate saruga ri sambaliNya tondo ngkana.

Lukas 22:69

Pei Aku manganto’oka komi, yako ri tempo to si’i Aku, Wiyaa nto Lino, damatunda ri tampa to bae angganya ri tondo ngkana i mPue Allah anu makuasa.”

Kolose 2:20

Wali tempo i Kerisitu mate ri kaju pasape, tempo etu komi seja mate sindara-ndara pei Ia, wali ewa tau mate tamo mangalulu ada, ewa see seja komi tamo mansarumaka ada nto lino. Wali see naka komi tamo rapakasaaka mangalulu pampobuuka ntau mangkonong lino si'i. Wali maka pei komi mangika lengko ngkatuwu ewa tau to tiroowa nakuasang nu lino si'i? Maka pei komi tiroowa mangaluluka ada to ojo yako ri pampobuuka nto lino?

Ibrani 8:1

Wali ewa si’i batuanginya gombo to kita manganto’o etu, kita re’e kojo to pampue to bae anggaNya to ewa wetu, to room matunda ri awe nggadera i Makuasa ndate saruga ri sambali tondo ngkana.

Roma 8:34

Wali i sema to damanganto’o kita masipato rahuku? Bara i Kerisitu? Si’a, apa Ia room mangkapateka kita. Pasi Ia si’a ojo mate yau, Ia seja rawangu muni yako ri kapateNya. Pasi si’i-si’i Ia re’e ri awe i mPue Allah tondo ngkana, ri tampa to bae angganya, pasi Ia mamponsaruka kita.

Ibrani 10:12

Pei i Kerisitu ojo sangkanija mampampueka koroNya damangansompo dosa ntau, pasi palaong to nikaNya etu tamo parluu danaika wo’u kadua ngkaninya. Wali ojo karoonya Ia mangika palaong to etu Ia yau nto’u saruga pei matunda ri awe i mPue Allah ri tondo ngkana.

Matius 26:64

Wali i Yesu manganto’oka ia, “Monso ewa nuto’o ngkomi. Pasi Aku manganto’oka komi, komi damangkita Aku, Wiyaa nto Lino, damatunda ri tampa to bae angganya ri tondo ngkana i mPue Allah anu makuasa. Pasi komi seja damangkita Aku dama’i muni ri lino si’i ma’i ri wawo limu ndate yangi.”

Epesus 4:10

Wali i Kerisitu to yau loure etu, Ia semo to nayau nto’u saruga anu to langa-langan pei samparia yangi. Naka pei Ia mangika ewa wetu see Ia maya mampakagana samparia anu to re’e.

Markus 14:62

Wali i Yesu manganto’o, “Aku semo. Pasi komi damangkita Aku, Wiyaa nto Lino, damatunda ri tampa to bae angganya ri tondo ngkana i mPue Allah anu makuasa. Pasi komi seja damangkita Aku dama’i muni ri lino si’i ri wawo limu ndate yangi.”

Ibrani 1:13

Pei i Pue Allah tare manganto’oka pasi samba’a pomakauNya ewa si’i, Ia tare manganto’o, “Patundamo ri awengKu ri sambali tondo ngkana sampe rata temponya Aku damanganangi balimu pei mangawaika komi mangangkuasang sira.” (Masmur 110:1) Wali i Pue Allah tare mampogomboka pomakauNya ewa wetu. Ojo AnaNya semo to Ia mampogomboka ewa wetu.

Palaong mPomakau i mPue Yesu 2:34

Apa si’a i Makole Daud to tiokotaka nto’u saruga, i Yesu semo. Pei Daud re’e manganto’o yami mangkonong gombo i mPue Allah resi i Yesu, to’onya, ‘I Pue Allah manganto’oka Puengku, “Patunda ri awengKu ri sambali tondo ngkana,

Lukas 20:42

Monso pu’u Ia wiyaa I Daud, pei i Daud semo to manganto’o tempo owi ri buku Masmur. Tempo etu i Daud magombo mangkonong i Kerisitu, ia manganto’o, ‘I Pue Allah magombo resi Puengku, Ia manganto’oka Puengku, to’oNya, “Patundamo ri awengKu ri sambali tondo ngkana

Markus 16:19

Wali ojo karoonya i Yesu mampogomboka anaguruNya, Ia tiokotaka nto’u saruga. Panewa Ia matunda ri awe i mPue Allah ri sambaliNya tondo ngkana, tampa to bae angganya.

Markus 12:36

Monso pu’u Ia wiyaa i Daud, pei re’e gombo to nawaika i Nosa Mapasing i Daud to natulis i Daud ri raya ntuntu i mPue Allah tempo owi. Tempo etu i Daud magombo mangkonong i Kerisitu, ia manganto’o, ‘I Pue Allah magombo resi Puengku, Ia manganto’oka Puengku, to’oNya,“Patundamo ri awengKu ri sambali tondo ngkana sampe rata temponya Aku manganangi baliMu pei mangawaika Komi mangkuasang sira.”’ (Masmur 110:1) Etu semo gombo to natulis i Daud. Wali pobuuka ruyu batuanginya tempo ia manganto’o, ‘I Pue Allah manganto’oka Puengku’. Pobuuka gombonya etu apa si’i wo’u pampotanakangKu resi komi.

1 Petrus 3:22

Wali tempo i Yesu Kerisitu mambangu muni yako ri kapateNya, yako etu Ia yau muni nto’u saruga. Wali tempo si’i Ia re’e ri tondo ngkana i mPue Allah, ri tampa to bae kojo angganya. Pasi tempo si’i Ia mangkuasang pomakau i mPue Allah ndate saruga, pasi mangkuasang seja samparia to maporenta pasi to re’e kuasanya. Wali manasa resi kita saba yako kasesa to narata i ngKerisitu, see naka bae kojo kayawa to Ia mangarata. Wali masipato kita buya seja rayanta nempo mangarata kasesa sewaju ewa to narata i ngKerisitu etu.

Palaong mPomakau i mPue Yesu 7:55

Pei i Stepanus bae kojo karoso ndaya to nawaika i Nosa Mapasing ia, wali ia mangalo’aka nto’u yangi pei mangkita kayawa i mPue Allah. Pasi ia mangkita seja i Yesu makore ri tondo ngkana i mPue Allah.

Epesus 5:22

Wali komi to we’a to marongom, padongeka songka ndongomu ewa nuika mampodongeka i Pue.