Kolose 2:9 - Tuntu i mPue ri Basa Taa

⁹ Wali tare batuanginya mampodongeka tau etu apa kita re'e i Kerisitu. Ia mawali to lino, pei nempo ewa see, samparia to re’e resi i Pue Allah paka re'e seja resi Ia.

Sura Magali Nuntu Ngkatuwu

⁹ Maka pura-pura katedikanaka i mPue Ala reʼe ri Kerisitu ri raya ngkatolino-A.

Kolose 2:9 Referans Kwoze

Yohanes 1:14

Wali Ia to rato’oka i Tuntu, Ia nawali seja to lino pasi Ia re’e maroo ri oyo ngkita. Tempo Ia maroo ri oyo ngkita etu Ia bae kojo kanotoNya resi tau pasi samparia to to’oNya paka monso pu’u. Pasi tempo Ia maroo ri oyo ngkita etu, kita re’e mangkita Ia bae kojo kuasaNya. Wali bae kojo kuasaNya etu apa Ia Ana i mPue Allah to samba’aja, to ma’i napokau mPa’aNya etu.

Yohanes 10:30

Wali Aku pasi Pa’angKu, Kami samba’aja.” Etu semo pasono i Yesu.

1 Timotius 3:16

Wali monso pu’u bae kojo batuanginya anu to napaponsanika i mPue Allah mangkonong pangaya ngkita. Etu semo, I Pue Allah nama’i mawali tau, Pasi i Nosa Mapasing mampakanasa Ia tare dosa. Ia nakita mpomakauNya yako ndate saruga, Pasi kareba mangkonong Ia rapakarebaka resi tau samparia bansa. Pasi tau sambawo lino re’e to mangaya Ia. Pasi Ia tiokotaka nto’u saruga ri raya ngkayawaNya.

Yohanes 10:38

Pei monso pu’u Aku mangika palaong to nawaika mPa’angKu Aku mangika. Wali komi taa mangaya gombongKu tempo Aku manganto’o Aku semo Ana i mPue Allah. Pei nempo komi taa mangaya gombongKu etu, masipato komi mangaya apa saba komi mangkita palaong to taa rapobiasa to inikangKu etu. Apa ane ewa see, komi damawali manasa ri raya ngkomi pei komi damangansani Pa’angKu Ia samba’a pei Aku pasi Aku samba’a pei Ia.”

1 Yohanes 5:20

Pasi kita tansani seja Ana i mPue Allah nama'imo. Pasi Ia roomo mampakanasaka kita see naka kita maya mangansani i Pue Allah to monso. Wali kita roomo mawali samba'a resi i Pue Allah to monso etu apa kita samba'a pei AnaNya, i Yesu Kerisitu. Ia semo i Allah to monso pasi Ia semo pu'u ngkatuwu to singkasaenya. Wali see naka masipato kita tuwu masingkatao pei Ia.

Yohanes 14:20

Wali tempo palaong etu mawali, tempo etu komi damanasa Aku samba’a pei Pa’angKu, pasi komi samba’a pei Aku, pasi Aku samba’a pei komi.

Yohanes 17:21

Aku makai-kai resi Komi, Pa’a, see tau to damangaya etu, sira samparia damawali samba’a pampobuuka nsira sewaju ewa Kita. Apa Komi samba’a pei Aku, pasi Aku samba’a pei Komi. Wali Aku makai-kai see sira mawali samba’a pampobuuka pei Kita. Etu semo pokai-kaingKu, apa ane sira samba’a pampobuuka pei Kita, to lino to taa mangaya, sira damangansani monso pu’u Komi semo to nampokau Aku.

Titus 2:13

Wali anu kita mangika palaong to etu ri tempo si’i, tempo kita masanang mangampeas eonya to kita mampobuu-buuka etu. Etu semo kama’i i Yesu Kerisitu. Ia Allah anu makuasa pasi to Pansompo ngkita. Tempo Ia dama’i etu miyala kojo kayawaNya.

Lukas 3:22

pasi i Nosa Mapasing yako ndate yangi ewa tagou ta’aNya tudu ri wawoNya. Pasi re’e seja loo yako ndate saruga, loo etu manganto’oka i Yesu, to’oNya, “Komi semo AnangKu anu Kuporayang kojo. Aku masanang kojo resi Komi.”

Matius 1:23

Gombo i mPue etu manganto’o, “Padongeka kojo gombongKu si’i. Dare’e samba’a tau we’a to tawa re’e nepenya to langkai. Tau we’a etu damayu’u pasi damampoanaka ana langkai. Panewa ana etu darato’oka ‘Imanuel’.” (Yesaya 7:14) (Wali batuanginya Imanuel etu semo i Pue Allah re’e siwaka pei kita.)

Yesaya 7:14

Wali i Pue semo damangawaika kita tondong to mampakanasaka resi kita Ia dasiwaka pei kita. Wali padongeka kojo gombongku si’i. Dare’e samba’a tau we’a to tawa re’e nepenya to langkai, tau we’a etu damangkayu’uka pei damampoanaka ana langkai. Panewa ana etu darato’oka Imanuel, batuanginya i Pue Allah re’e siwaka pei kita. Wali palaong to etu, etu semo tondong to mampakanasaka resi kita i Pue Allah dasiwaka pei kita.

2 Korintus 5:19

See naka kami manganto’oka samparia tau, “I Pue Allah mangawali raya nto lino see maya masingkatao pei Ia apa saba to naika i ngKerisitu. Pasi Ia tamo mangkitanaka sala ntau to masingkatao pei Ia etu. Pasi Ia roomo mansarumakaka kami mampakarebaka resi tau mangkonong ewa wimba sira maya mawali masingkatao pei Ia.” Etu semo kareba to nasarumakaka i mPue Allah kami.

Yohanes 2:21

Pei kamonsonya tempo i Yesu manganto’oka sira Ia damangawangu muni banua i mPue Allah ri rayanya togo mbengi, batuanginya si’a banua i mPue Allah to nakanja’u nsira etu, batuanginya koro to si Ia semo.

Yohanes 1:16

Wali Ia to rato’oka i Tuntu, Ia bae kojo kanotoNya, see naka Ia tare pandoonya mangawaika kita anu to matao. Pasi kanjo’u-njo’u tiduga-dugang anu to matao to Ia mangawaika kita etu.

Palaong mPomakau i mPue Yesu 17:29

“Wali ane kita wiyaaNya, taa matao ane kita mampobuuka i Pue Allah anu samba’aja etu Ia sewaju ewa tau-tau to raika yako weyawa, bara yako pera, bara watu, to naika nto lino yako ri kapandenya pasi yako ri pampobuukanya.

Lukas 14:22

“Wali to papolaonginya yau mangika ewa nato’oka ntau pue banua ia. Pei rata muni ia manganto’o, ‘Pa’a, aku roomo mangika ewa nuto’o ngkomi, pei re’ewa tampa to soa.’