Kolose 2:15 - Tuntu i mPue ri Basa Taa

¹⁵ Pasi tempo i Kerisitu mate ri kaju pasape etu, tempo etu i Pue Allah manganangi samparia kuasa measa to rato'oka makolenya pasi samparia measa anu paka re'e kuasanya. I Pue Allah manganangi measa etu panewa mampasiromunaka sira ri tangonya samparia anu to re'e see mampakanasa kojo sira nangimo.

Sura Magali Nuntu Ngkatuwu

¹⁵ Ri kaju ndapanggo setu pura-pura waʼa inosa pai anu moparenta ndayali i ngKerisitu kuasanya. Tau seʼe da naole-oleka ntau ri tempo ndapantaeri i ngKerisitu, ndakeni ewa tawani ri pelinja ntau menangi.

Kolose 2:15 Referans Kwoze

Ibrani 2:14

Wali tau to nato’oka i Yesu “ngana” etu, tau etu ojo to lino semo, koro nsira ojo raa pasi wombo. Wali see naka i Yesu mawali seja to lino, see yako kapateNya Ia mampakaja’aka yau kuasa i Maja’a anu to mangkuasang kapate.

Epesus 4:8

Wali palaong etu singkonong pei gombo to ratulis ri raya nTuntu i mPue Allah, to manganto’o, “Tempo Ia nayau nto’u saruga, tempo etu Ia mangkeni seja malagi tau to rata’amaka. Pasi Ia mangansora to lino.” Etu semo gombo to ratulis tempo owi.

Matius 12:29

Wali roo see i Yesu rani mampakanasaka sira Ia semo to roso-roso pei i Kepala Measa, see naka Ia manganto’o wo’u rapa, to’oNya, “Rapanya re’e tau to maroso kojo, tau taa maya masua ri raya banuanya pei mangoko yau ngaya-ngayanya apa ia maroso mangamparambang. Pei ane rata tau to roso-roso wo’u pei ia, tau etu maya mangampungu yau ia panewa mangoko yau ngaya-ngayanya. Wali Aku roomo manganangi i Kepala Measa see naka Aku maya mangarubak joanya pei mangoko yau tau to ia puenya.

Yesaya 53:12

Wali Ia tare dosaNya, pei Ia buya rayaNya mate yau mangkapateka tau boros, tau to monso pu’u madosa. Wali ane ewa pampobuuka ntau Ia tau to mangewa porenta i mPue Allah, pei kamonsonya Ia mamponsaruka tau to monso pu’u mangewa porenta i mPue Allah etu wali see naka Ia mangarata huku to masipato narata nsira. Naka pei Ia mangarata huku nsira etu see dosa nsira tamo darakitanaka. Wali see naka i Pue Yawe manganto’o, “Apa saba Ia buya rayanya mangika palaong to etu, see naka Aku, i Pue Yawe, damangokotaka Ia mawali bae kojo angganya. Pasi Ia damangarata dale to raporapaka ewa kasugi to narata ntentara to manganangi balinya.” Etu semo to nato’o i mPue Yawe mangkonong to PapolaongiNya etu.

Epesus 6:12

Wali pake samparia anu to etu apa kita seja mamusu. Pei kita si’a mangamusung to lino, kita mangamusung anu to taa rakita. Etu semo measa to boros kojo to maroo ndate rao. Measa etu rato’oka makole-makole, pasi rato’oka anu to re’e kuasanya, pasi anu to mangkuasang to lino ri tempo to mawuri si’i

Yohanes 16:11

Pasi to Pansawang etu, Ia damampakanasaka seja to lino mangkonong huku, apa i Kepala nto pantipu to mangkuasang to lino roomo rahuku wali matantu tau to mangalulu ia darahuku seja.

Lukas 10:18

Wali i Yesu manganto’oka sira, “Monso pu’u. Naka pei sira mampalaika komi apa nangi kepalanya, apa Aku re’e mangalo’a tempo Kepala Measa rasounaka yako ndate saruga. Kasounya etu ewa bilak kagasinya. Wali ia nangimo kuasanya.

Pangkita 20:10

Panewa i maja’a to mangantipu sira etu, ia rapanasoka yau lo’u raya ndano nu apu pasi sedawa to nakala’u nu binatang to maja’a pasi to pantuntu tuntu to taa monso. Wali la’u ria sira darasesai wuri eo rataka singkasaenya.

Masmur 68:18

Wali Komi nayau nto’u Saruga pei tempo etu Komi mangkeni seja malagi tau to rata’amaka. Wali rata ndate ria, Komi rawaika sora-sora to danuwaika wo’u resi to lino. Nempo to lino to tempo ruyu sira baraewa, pei sira tiroo mangarata seja sora etu, apa etu semo jaya to naika i mPue Yawe, Allah ngkita, see Ia maya maroo sindara-ndara pei to lino.

Pomulanya 3:15

Pasi yako tempo si’i Aku damangika see korom tamo masingkatao pei tau we’a. Kasimbalinya yako etu komi dua damawali yau masibali. Pasi ewa see seja wiyaamu pei wiyaa to si ia. Wali korom damangantungku tompo ntodu mbiyaa ntau we’a si’i, pei wiyaanya etu damangabusak wo’omu.” Wali etu semo gombo i mPue Yawe mangahuku ule etu.

Kolose 1:16

Apa Ia semo nampapowali samparia anu to re'e. Etu semo anu to ndate saruga, pasi to ri wawo lino, to rakita pasi to taa rakita. Ia nampapowali samparia anu to nato'o ntau pue, pasi samparia makole, pomarenta pasi anu to yusa to re'e kuasanya. Wali samparia anu to re'e etu paka napapowali nu Ana i mPue Allah pasi yako pamporani to si Ia naka pei re'e.

Lukas 11:22

Pei ane rata tau to roso-roso wo’u pei ia, tau etu damangewa pasi damanganangi ia. Wali ane ewa see tau to roso-roso etu damangoko yau wada pasi pampomobak to nasarumaka ntau pue banua etu. Pasi ia damangoko seja ngaya-ngayanya pei mangantilaka yau resi sa’e. Wali Aku roomo manganangi i Kepala Measa see naka Aku maya mangarubak joanya pei mangoko yau tau to ia puenya.

2 Korintus 4:4

Tau etu tau to taa mangaya. Wali i Kepala nto pantipu, pue to mangkuasang ri tempo to maja’a si’i, ia semo to mangabombong pampobuuka ntau to taa mangaya etu. Sabanya naka pei ia mangabombong pampobuuka nsira see sira taa maya mangansani kareba matao mangkonong kayawa i ngKerisitu. Kita mangansani i Kerisitu sewaju kojo pei i Pue Allah. Pasi kareba mangkonong Ia etu raporapaka ewa reme to mangansindo tau etu. Pei pampobuuka nsira roomo mawali ewa tau buta to taa mangkita reme etu.

Pangkita 12:9

Ule naga to bae etu ia rapanasoka yau yako ndate saruga. Ule naga etu semo ule to yako tempo owi, ule to rato’oka i maja’a pasi Kepala Measa. Ia semo to pantipu to mangantipu to lino samparia. Wali ia rapanasoka yau yako ndate saruga tudu ri wawo lino. Pasi pomakaunya seja rapanasoka yau sindara-ndara pei ia.

Yohanes 19:30

Ojo karoonya i Yesu mangampipis ue nu anggur etu, Ia manganto’o, “Roomo rapakagana palaongingKu!” Roo see Ia madungku pei pura nosaNya.

1 Korintus 15:24

Panewa roo see darata kapuranya temponya to si’i. Wali tempo etu i Kerisitu damampakapura kuasa samparia to maporenta pasi samparia to yusa to re’e kuasanya pasi karosonya. Pasi tempo etu Ia damangawaika yau resi i Pue Allah, Pa’a, paporentaNya.

2 Korintus 2:14

Pei nempo taa lindo rayangku seore, aku tiroo manganto’oka i Pue Allah tarima matao. Apa Ia sangkani mangansawang kami naka pei bali mami nangi. Naka pei Ia mangansawang kami apa saba kami samba’a pei i Kerisitu. Pasi Ia mangampake kami damampakarebaka resi tau ri ponto ponto lipu kareba mangkonong i Kerisitu. Wali kareba etu raporapaka ewa anu to magaya kojo waunya.

Epesus 3:10

Pei tempo si’i Ia mampaponsanika to lino songkaNya etu. Naka pei Ia mampaponsani songka etu, see damampapokitaka makole-makole pasi anu to yusa to mangkuasang ndate yangi mangkonong kapandeNya. Apa tempo sira mangangkita samparia tau to mangaya roomo rapasimba’a mawali tauNya, sira damangansani i Pue Allah pande kojo apa samparia to inikaNya kono kojo.

Kolose 2:10

Wali i Kerisitu semo kepala to mangkuasang samparia kepala pasi samparia to re'e kuasanya. Pasi samparia to re’e resi i Kerisitu etu paka re'e seja resi komi apa komi samba'a pei i Kerisitu.