Kolose 2:11 - Tuntu i mPue ri Basa Taa

¹¹ Wali apa saba komi samba'a pei i Kerisitu, see naka komi ralapa yako kuasa mpampobuuka to masae to sangkani rani mangika dosa. Komi maya raporapaka ewa tau rasui. Rasui etu si'a rasui to naika nto lino, pei komi ewa rasui ri raya ngkomi saba to naika i ngKerisitu tempo Ia mate ri kaju pasape.

Sura Magali Nuntu Ngkatuwu

¹¹ Ua kasambaʼa-mbaʼa pai i Kerisitu, komi roomo ndasuna. Banya popasuna anu napowia ntolino, paikanya popasuna anu ndawianaka i ngKerisitu anu malapasaka komi ungka ri kuasa mpowia anu masalaa.

Kolose 2:11 Referans Kwoze

Roma 2:29

Pei tau to monso pu’u i Pue Allah puenya, etu semo tau to rayanya mangalulu kojo Ia pasi to rasui ri rayanya. Batuanginya rasui ri rayanya etu semo i Nosa Mapasing mangantondong rayanya. Wali yako ri palaong i Nosa Mapasing etu, si’a yako ri porenta to ratulis naka pei tau mawali i Pue Allah puenya. Wali tau to ewa wetu, ia si’a nabarong nto lino, pei ia nabarong i mPue Allah.

Pilipi 3:3

Wali jagai kojo tau to ewa wetu apa si’a sira to nato’o i mPue Allah tauNya to rasui. Kamonsonya kita to mangaya, kita semo to nato’o i mPue Allah tauNya to rasui, apa kita semo to mampue mampakabae i Pue Allah yako ri pansawang NosaNya. Pasi kita ndende rayanta apa saba palaong to naika i ngKerisitu Yesu resi kita, pasi kita taa mansarumaka palaong to naika nto lino.

Epesus 4:22

Wali posaka yaumo tau ngkomi to masae. Tau ngkomi to masae etu semo to komi mangaluluka yau tempo ruyu. Apa tau ngkomi to masae etu kanjo’u-njo’u tiduga-dugang kaja’anya apa anu to naporani etu mangantipu yau. Wali see naka posaka yau tau ngkomi to masae etu ewa naika ntau mangawonsu yau baju to masae.

Roma 6:6

Wali kita tansani tau to masae ngkita mate yau seja rapaku ri kaju pasape sindara-ndara pei i Kerisitu. Naka pei mate yau tau to masae ngkita etu see dosa to mangkuasang koronta si’i rapakaja’a yau kuasanya. Wali dosa etu tamo re’e kuasanya mamporentang wo’u kita.

Galatia 5:24

Wali tau to i Kerisitu Puenya, tau etu mampobuuka pampobuukanya to masae ewa roomo mate rapaku ri kaju pasape sindara-ndara pei i Kerisitu. Wali anu to naporayang pasi to naporani mpampobuuka to masae etu, anu to etu tamo masipato mangkuasang ia.

Galatia 2:20

Wali aku raporapaka ewa matemo, see naka si’amo aku to tuwu si’i, i Kerisitu semo to tuwu ri rayangku. Pasi ri raya ngkatuwungku ri lino si’i aku mangika lengko ngkatuwu to singkonong pei pangayangku resi Ana i mPue Allah. Apa Ia mamporayang aku pasi nangkapateka aku.

2 Korintus 5:17

Apa i sema-sema tau to samba’a pei i Kerisitu, tau etu mawali tau to bou. Wali tiliumo katuwunya to masae pasi ratamo katuwunya to bou. Wali ojo raya ntau to kami mangabotus, si’amo pangkanya.

Ibrani 9:24

Apa i Kerisitu Ia taa masua ri raya ntenda i mPue Allah to naika nto lino pasi to ojo ewa tondong ntenda to monso. Ia masua ri raya nsaruga semo, pasi tempo si’i Ia mamponsaruka kita ri tango i mPue Allah.

Ibrani 9:11

Pei i Kerisitu masuwumo si’i-si’i. Ia mawali to pampue to bae anggaNya to mampasilonga anu to matao to kita mangarata. Pasi Ia mangika palaong to etu ri raya ntenda i mPue Allah ndate saruga. Tenda etu semo to tao-tao pasi to masilonga wo’u pei tenda to naika i Musa tempo owi. Apa tenda to ndate saruga etu si’a naika nto lino, batuanginya, tenda etu si’a yako ri lino to rapapowali si’i kare’enya.

2 Korintus 5:1

Wali kami taa mosa mangika palaong i mPue Allah apa kami mangansani koro ngkita raporapaka ewa tenda to napake ngkita ri lino si’i. Wali kami taa mawali mayu’u raya mami apa kami mangansani ane mate yau koro ngkita, ane ewa see, koro ngkita si’i danabolosika i mPue Allah koro to tamo damate. Koro to etu raporapaka ewa banua to singkasaenya to si’a naika nto lino, pei to naika i mPue Allah ndate saruga.

Palaong mPomakau i mPue Yesu 17:24

“Wali i Pue Allah anu nampapowali lino pasi samparia bananginya, Ia semo Pue nu yangi pasi Pue nu lino. Ia taa maroo-roo ri banua-banua to naika ntau.

Palaong mPomakau i mPue Yesu 7:48

“Pei nempo Ia mangawaika i Salomo mangawanguka Ia banua etu, kamonsonya, i Pue Allah anu to bae kojo anggaNya etu, Ia taa maroo-roo ri raya banua to naika nto lino. Apa ane ewa to natulis nto pantuntu tuntu i mPue tempo owi,

Lukas 2:21

Wali ojo kagananya wayu mbengi yako ri kare’e nu Ana kodi etu, ratamo temponya Ia rasui mangalulu ada nto Yahudi. Wali tempo etu semo Ia rasangaka i Yesu, singkonong ewa to roomo nato’oka mpomakau i mPue Allah i Maria tempo i Maria tawa mangkayu’uka.

Markus 14:58

“Kami re’e mangandonge ngkai si’i manganto’o, ‘Aku damampakaja’aka yau banua i mPue Allah to naika ntau si’i, pei ri rayanya togo mbengi Aku damangawangu muni wo’u samba’a banua to si’a naika ntau.’” Ewa wetu nato’o ntau mampakasala i Yesu.

Roma 7:24

Wali ane ewa pampobuuka to si aku etu semo aku rani mangaluluka porenta i mPue Allah. Pei saba pampobuukangku to masae see naka aku mangaluluka yau dosa, pasi aku masipato rahuku mate. Wali gete, masiasi kojo aku! Apa pamporani ndaya ngkorongku si’i ojo mangkeni yau aku ri kapate. Wali i sema to damampalaes aku yako ri pamporani ndayangku si’i? I Pue Allah semo to mampalaes aku apa saba to naika i Yesu Kerisitu, Pue ngkita. Wali aku manganto’oka Ia tarima matao!

Kolose 3:5

Wali posaka yau pamporani ngkoro ngkomi to maja’a naka ne'e damangika lengko to taa singkonong pei i Pue Allah. Lengko etu semo ewamo mangika lengko to maja'a resi tau to si'a rongomu, mampobuuka anu to balamas bara mampolengkoka lengko to makarika, pamporani ndaya to taa rata'amaka, pamporani ndaya to maja'a, pasi lengko to bamporomung. Bamporomung etu sewaju pei mampue tau-tau.