Kolose 2:10 - Tuntu i mPue ri Basa Taa

¹⁰ Wali i Kerisitu semo kepala to mangkuasang samparia kepala pasi samparia to re'e kuasanya. Pasi samparia to re’e resi i Kerisitu etu paka re'e seja resi komi apa komi samba'a pei i Kerisitu.

Sura Magali Nuntu Ngkatuwu

¹⁰ Pai ua komi reʼe kasambaʼa-mbaʼa pai i Kerisitu, komi woʼu da ndawaika katuwu anu gana-gana. Ua i Kerisitu tadulako pura-pura waʼa inosa anu makuasa pai anu moparenta.

Kolose 2:10 Referans Kwoze

Epesus 3:19

Pamporayang i ngKerisitu etu kamonsonya taa nakoto nto lino mampobuuka ewa wimba kabaenya. Pei nempo ewa see aku tiroo mamporapika resi i Pue Allah see Ia damangansawang see komi mangansani pamporayangiNya etu. I Pue Allah masilonga kojo, pasi ane komi mangansani pamporayang i ngKerisitu, ane ewa see samparia kasilonga i mPue Allah etu paka re’e seja ri raya ngkomi. Wali etu semo pokai-kaingku mampokai-kaika komi.

1 Petrus 3:22

Wali tempo i Yesu Kerisitu mambangu muni yako ri kapateNya, yako etu Ia yau muni nto’u saruga. Wali tempo si’i Ia re’e ri tondo ngkana i mPue Allah, ri tampa to bae kojo angganya. Pasi tempo si’i Ia mangkuasang pomakau i mPue Allah ndate saruga, pasi mangkuasang seja samparia to maporenta pasi to re’e kuasanya. Wali manasa resi kita saba yako kasesa to narata i ngKerisitu, see naka bae kojo kayawa to Ia mangarata. Wali masipato kita buya seja rayanta nempo mangarata kasesa sewaju ewa to narata i ngKerisitu etu.

Ibrani 5:9

Wali apa saba i Yesu mangarata kasesa ewa wetu, see naka Ia masipato kojomo mawali to pampue to bae anggaNya. Apa Ia roomo mangepe to naepe nto lino. Wali Ia nato’oka i mPue Allah to pampue to bae angganya sewaju ewa i Melkisedek tempo owi. Pasi Ia semo to mangika jaya see samparia tau to mampolaika Ia maya rapalaes rataka ri singkasaenya.

Yohanes 1:16

Wali Ia to rato’oka i Tuntu, Ia bae kojo kanotoNya, see naka Ia tare pandoonya mangawaika kita anu to matao. Pasi kanjo’u-njo’u tiduga-dugang anu to matao to Ia mangawaika kita etu.

Kolose 3:11

Wali apa saba Ia roomo mangawaika kita katuwu to bou, see naka tare pasisalanya tau. Nempo to Yahudi pasi nempo tau to si'a to Yahudi, nempo tau to rasui pasi nempo tau to taa rasui, nempo tau to yako lipu to yusa pasi nempo tau to maila, pasi nempo tau to napowatua ntau pasi nempo tau to taa napowatua ntau, nempo ewa wimba tau, tare pasisalanya. Apa i Kerisitu semo to bae batuangiNya pasi Ia re'e maroo ri rayanya samparia tau to mangaya.

Matius 28:18

Wali i Yesu ma’i ri awe mami pei manganto’o, “Samparia kuasa to re’e ri saruga pasi to re’e ri lino si’i roomo nakuasangika i mPue Allah Aku.

1 Korintus 15:24

Panewa roo see darata kapuranya temponya to si’i. Wali tempo etu i Kerisitu damampakapura kuasa samparia to maporenta pasi samparia to yusa to re’e kuasanya pasi karosonya. Pasi tempo etu Ia damangawaika yau resi i Pue Allah, Pa’a, paporentaNya.

Epesus 3:10

Pei tempo si’i Ia mampaponsanika to lino songkaNya etu. Naka pei Ia mampaponsani songka etu, see damampapokitaka makole-makole pasi anu to yusa to mangkuasang ndate yangi mangkonong kapandeNya. Apa tempo sira mangangkita samparia tau to mangaya roomo rapasimba’a mawali tauNya, sira damangansani i Pue Allah pande kojo apa samparia to inikaNya kono kojo.

Kolose 2:15

Pasi tempo i Kerisitu mate ri kaju pasape etu, tempo etu i Pue Allah manganangi samparia kuasa measa to rato'oka makolenya pasi samparia measa anu paka re'e kuasanya. I Pue Allah manganangi measa etu panewa mampasiromunaka sira ri tangonya samparia anu to re'e see mampakanasa kojo sira nangimo.