Kolose 1:5 - Tuntu i mPue ri Basa Taa

⁵ Wali naka pei komi mangaya pasi mamporayang ewa wetu, apa saba anu to nusarumaka ngkomi to rapasigenaka komi ndate saruga. Anu to rapasigenaka komi etu rapakanasaka seja resi komi seore tempo tau mampakarebaka komi anu to monso, etu semo kareba matao.

Sura Magali Nuntu Ngkatuwu

⁵ Ua pampomata-matami nunjaa anu ndapatoka i mPue Ala ri suruga da tilami, painaka meaya pai matowe komi. Kono inceʼe ndidongemo, ri tempo pampetumbuka komi Nuntu ngKatuwu.

Kolose 1:5 Referans Kwoze

Epesus 1:13

Pasi komi seja damangabarong kayawaNya apa komi re’e seja mangandonge kareba to monso, etu semo kareba matao to mangampalaes komi. Panewa yako etu komi mansarumaka seja i Kerisitu. Wali tempo komi mangaya, tempo etu i Pue Allah mangawaika komi i Nosa Mapasing anu to naparajanjika tempo owi. Wali i Nosa Mapasing mawali tondong ri raya ngkomi mampakanasa komi seja i Pue Allah Puenya.

2 Timotius 4:8

Wali si’i-si’i re’e dalengku to mangampeas aku ndate saruga. Dale etu raporapaka ewa so’o mbo’o to meyawa to darawaika tau to singkonong pei i Pue Allah. Wali dale to etu danawaika i mPue aku ri temponya darapangabotus. I Pue Ia to pobotus to sangkani mangika ewa to Ia room manganto’o, pasi Ia semo to damangawaika aku dale etu. Pei si’a ojo aku to damangarata dale etu, samparia tau to mawongko rayanya mangampeas kama’i i mPue paka damangarata seja dale etu.

Titus 1:2

Pasi ane sira mangansani anu to monso etu, sira damasanang kojo damampobuuka katuwu to singkasaenya. Katuwu to singkasaenya etu naparajanjika i mPue Allah tempo owi, tempo Ia tawa mampapowali lino si’i. Wali damawali kojo parajanji etu apa kita tansani i Pue Allah Ia taa mawuti.

Kolose 1:27

Pasiwa tau to si’a to Yahudi, mangansani seja songka i mPue Allah etu. Songka etu meyawa kojo ewa kasugi to bae kojo batuanginya. Pasi songka etu mangkonong komi to si'a to Yahudi. Wali songka etu semo i Kerisitu re'e ri raya ngkita, wali kita damangarata santila kayawa i mPue Allah.

1 Petrus 2:2

Apa komi roomo mangepe pasi mangansani i Pue Ia manoto kojo resi kita. Wali aku mamporapaka komi ewa ana kodi to owo rapoanaka. Pasi aku mamporapaka tuntu i mPue Allah ewa ue nsusu to monso. Wali ewa wimba naika nu ana kodi to owo rapoanaka etu sangkani rani mansusu, to tao-tao ewa wetu seja danuika ngkomi sangkani rani mampodongeka tuntu i mPue Allah. Apa ane ewa see, kanjo’u-njo’u karoso-roso pangaya ngkomi, wali ewa see lengko ntau to roomo rapalaes.

Kolose 1:23

Ewa wetu damawali resi komi ane komi tare pandoonya mangaya i Pue see raya ngkomi mawali maroso pasi rodo. Pasi ne'e bata-bata raya ngkomi mansarumaka anu to nato'o ngkareba matao to nudonge ngkomi seore. Masipato komi mansarumaka kareba matao, apa kareba matao etu, etu semo kareba matao to roomo rapakarebaka resi samparia tau ri sambawo lino. Pasi naka pei aku mawali to papolaong see damampakarebaka kareba matao etu. Wali masipato kojo komi mansarumaka kareba etu.

1 Korintus 15:19

Wali ane kita mansarumaka i Kerisitu ojo ri raya ngkatuwunta ri lino si’i, roo see taa rawangu muni yako ri kapatenta, ane ewa see kita semo to bae-bae kasiasi ngkita pei kasamparianya to lino to yusa.

Ibrani 7:19

Apa ane porenta i Musa, taa nakurang mampasilonga bara kesaa. Wali porenta etu rabolosika anu to matao wo’u to kita maya mansarumaka, see kita maya mosu resi i Pue Allah.

1 Tesalonika 2:13

Wali kami tare seja pandoonya manganto’oka i Pue Allah tarima matao apa tempo kami mampaponsanika resi komi tuntu i mPue Allah seore, komi manasa kareba etu yako resi i Pue Allah semo. Komi taa mampobuuka kareba etu ojo yako resi to lino. Wali see naka tempo komi mangandonge, komi masanang mangantima apa kareba etu monso pu’u tuntu i mPue Allah to mapalaong ri raya ngkita to mangaya.

1 Yohanes 3:3

Wali i sema-sema tau to masanang mangampeas temponya ia damawali ewa i Kerisitu etu, tau etu mangajagai lengko ngkatuwunya see pasiwa tempo ia maroo ri lino si’i ia mapasing seja ewa i Kerisitu mapasing.

Galatia 5:5

Pei ane kami to mansarumaka kanoto i mPue Allah, kami nato’o i mPue Allah tare dosa mami. Pasi yako pangaya mami, see naka kami nasawang i Nosa Mapasing mangampeas anu to nasarumaka mami. Etu semo temponya i Pue Allah damampogomboka kami ri tango ntau samparia pei manganto’o, “Komi tare dosamu.”

2 Korintus 5:19

See naka kami manganto’oka samparia tau, “I Pue Allah mangawali raya nto lino see maya masingkatao pei Ia apa saba to naika i ngKerisitu. Pasi Ia tamo mangkitanaka sala ntau to masingkatao pei Ia etu. Pasi Ia roomo mansarumakaka kami mampakarebaka resi tau mangkonong ewa wimba sira maya mawali masingkatao pei Ia.” Etu semo kareba to nasarumakaka i mPue Allah kami.

Palaong mPomakau i mPue Yesu 23:6

Wali tempo etu i Paulus mangkita to pobotus to nja’u ria sangga’a to aliran Saduki pasi sangga’a to aliran Parisi. Tempo ia mangkita etu ia maroso loonya magombo manganto’oka to pobotus etu, to’onya, “A’i-a’i, aku seja aliran Parisi pasi aku seja wiyaa ntau to aliran Parisi. Wali naka pei aku rakeni rire darabotus apa saba aku mansarumaka to lino darawangu muni yako ri kapatenya.

1 Petrus 3:15

Pei angga i Pue Allah ri raya ngkomi, pasi pongakung Ia semo Pue ngkomi. Pasi pakaroso ri rayamu damangansono samparia tau to mampotanaka resi komi mangkonong pansarumaka to re’e resi komi. Pei tempo komi mangansono, pakatao kojo raika mangansono gombo ntau pasi ne’e mangei raya ngkomi.

1 Korintus 13:13

Wali si’i-si’i togo ngaya lengko to taa dapura yau. Etu semo pangaya pasi pansarumaka pasi pamporayang. Pei lengko to togo etu, to bae kojo batuanginya, etu semo pamporayang.

Palaong mPomakau i mPue Yesu 24:15

Pasi pansarumakangku resi i Pue Allah sewaju pei pansarumaka ntau to mampakasala aku si’i. Apa aku seja mangampeas temponya i Pue Allah damangawangu muni samparia tau to matem, etu semo tau to lengkonya singkonong pei i Pue Allah pasi tau to maja’a seja.

1 Timotius 1:15

Wali gombo to dakuto’o si’i monso pu’u pasi masipato kojo ra’aya. Etu semo, i Kerisitu Yesu ma’i ri lino si’i damampalaes tau madosa. Wali aku semo tau to bae kojo dosangku,

2 Tesalonika 2:16

Wali kami makai-kai resi i Yesu Kerisitu, Pue ngkita, pasi resi i Pue Allah, Pa’a ngkita. Ia mamporayang kita pasi yako kanotoNya Ia roomo mangawaika kita karoso ndaya to singkasaenya pasi Ia mangawaika seja kita pansarumaka to matao.

Kolose 3:16

Wali saka kojo samparia gombo to nato'o i ngKerisitu ri raya ngkomi. Gombo etu bae kojo batuanginya raporapaka ewa kasugi. Wali pake gombo i ngKerisitu etu damasipotunde pei masipaposiaka yako kasamparianya kapande to nawaika i mPue Allah komi. Pasi ponyanyika nyanyi ewa gombo to ratulis ri raya buku Masmur. Pasi matao seja mamponyanyika nyanyi to mangabarong i Pue Allah pasi nyanyi to yusa mangkonong Ia. Wali ponyanyika nyanyi etu resi i Pue batuanginya manganto'oka Ia tarima matao apa kabuya ndaya ngkomi.

Roma 10:8

Pei re’e wo’u to ratulis, manganto’o, “Kareba yako resi i Pue Allah re’emo resi komi. Wali komi maya magombo mangkonong kareba etu pasi maya seja mampobuu-buuka mangkonong kareba etu.” (Ulang 30:14) Wali kareba etu semo to kami mampakareba manganto’oka tau, “Aya i Pue Yesu.”

Palaong mPomakau i mPue Yesu 10:36

Wali komi bara roomo mangandonge mangkonong kareba matao to napakarebaka i mPue Allah resi to Yahudi. Etu semo kareba to manganto’o tau maya masingkatao pei i Pue Allah apa saba palaong to naika i Yesu Kerisitu, Pue nto lino samparia. Pasi komi mangansani seja mangkonong palaong to mawali mula ri propinsi Galilea rataka sambawo propinsi Yudea. Palaong etu namula ri tempo i Yohanes to Pombaptis roomo mampakarebaka resi tau manganto’o, ‘Pojeamo pei rabaptis.’

Lukas 12:33

Wali pobalu ngaya-ngaya ngkomi pei waika doinya resi tau to masiasi. Panewa poromung kasugi to ndate saruga, apa kasugi to etu maya raporapaka ewa dompet to taa dapura yau bananginya. Pasi ndate ria tare to palima to masua damangoko yau kasugimu pasi taa seja re’e ane to mampakaja’aka yau kasugi etu.

Palaong mPomakau i mPue Yesu 13:26

“Wali a’i-a’i to wiyaa i Abraham, pasi komi to si’a to Yahudi pei to mampalaika seja i Pue Allah saba manga’angga Ia, kita semo to napaponsanika i mPue Allah kareba si’i mangkonong ewa wimba kita rapalaes.

2 Korintus 6:7

Pasi kami mampaponsanika sa’e kami to papolaong i mPue Allah apa kami mampakarebaka anu to monso, pasi re’e kuasa i mPue Allah resi kami. Pasi lengko mami to matao, lengko etu raporapaka ewa anu to napake ntentara tempo yau manga’e. Tentara etu ri palenya tondo ngkana mangangkongko wada pasi ri palenya tondo ngkii mangangkongko kantar. Wali ewa see seja lengko anu matao to kami mangika, apa kami mangampake lengko to matao damanganangi anu to maja’a.

Galatia 2:5

Pei kami taa kojo mampalaika songka nsira etu naka ne’e darawali yau kareba matao to monso to room rapotundeka resi komi.

Galatia 2:14

Wali aku mangkita palaong to naika nsira etu taa singkonong pei batuanginya kareba matao to monso, wali tempo aku mangkita palaong to etu aku manganseko i Petrus ri tango mata nsira samparia. Aku manganto’o, “Korom to Yahudi, pei korom tamo mangalulu ada nto Yahudi. Korom mangalulu ada ntau to si’a to Yahudi. Wali gete, ane ewa see, maka pei korom mangika lengko to mampakasaaka tau to si’a to Yahudi see sira taa maya taa mangaluluka ada nto Yahudi?” Wali ewa wetu gombongku manganseko i Petrus ri tango mata ntau boros.

Epesus 4:21

Kamonsonya komi room mangandonge gombo i Yesu pasi Ia room mampotundeka komi singkonong pei anu to monso to nakita ntau ri raya ngkatuwu to si Ia.

2 Petrus 1:12

Wali see naka aku taa damandoo mampatiendoka komi mangkonong anu to aku roomo manganto’oka komi etu. Kamonsonya komi manasamo pasi maroso kojo pangaya ngkomi resi anu to monso to roomo rapotundeka resi komi. Pei aku tiroo damampatiendoka komi mangkonong anu to etu.