Kolose 1:4 - Tuntu i mPue ri Basa Taa

⁴ Naka pei kami manganto'oka Ia tarima matao apa kami roomo mangandonge kareba mangkonong pangaya ngkomi resi i Kerisitu Yesu pasi mangkonong pamporayang ngkomi resi samparia tau to i Pue Allah Puenya.

Kolose 1:4 Referans Kwoze

Epesus 1:15

Wali see naka aku tare pandoonya manganto’oka i Pue Allah tarima matao apa saba komi. Yako ri tempo aku mangandonge kareba mangkonong pangaya ngkomi resi i Pue Yesu pasi mangkonong pamporayang ngkomi resi tau to i Pue Allah Puenya, aku taa mangkalingan mampokaika komi.

2 Tesalonika 1:3

Wali a’i-a’i masipato kami manganto’oka i Pue Allah tarima matao apa saba komi. Masipato kami manganto’oka Ia tarima matao apa kanjo’u-njo’u karoso-roso pangaya ngkomi. Pasi kanjo’u-njo’u karoso-roso komi samparia masiporayang.

1 Tesalonika 1:3

Naka pei kami manganto’oka i Pue Allah, Pa’a ngkita, tarima matao, apa tempo kami makai-kai resi Ia kami sangkani mampobuuka lengko to nuika ngkomi mangampolengkoka pangaya ngkomi. Pasi kami mampobuuka palaong to nuika ngkomi apa saba komi mamporayang i Pue. Pasi kami mampobuuka seja kasabara ngkomi ri raya ngkasusa. Komi bae sabara apa mansarumaka i Yesu Kerisitu, Pue ngkita.

Ibrani 6:10

Etu semo komi roomo mangansawang tau to i Pue Allah Puenya pasi tiroowa mangansawang sira, wali yako palaong to etu komi mampaporaoka pamporayang ngkomi resi i Pue Allah. See naka Ia taa damangkalingan palaong to nuika ngkomi pasi pamporayang ngkomi resi Ia. Naka pei kita mangansani Ia taa mangkalingan, apa i Pue Allah sangkani mangika ewa wimba to masipato raika.

1 Yohanes 4:16

Wali apa saba kita maroo masingkatao pei i Pue Allah, etu semo sabanya naka pei kita mangansani i Pue Allah monso pu’u mamporayang kita, pasi yako pamporayangiNya etu see naka re’e pansarumakanta resi Ia. Wali i Pue Allah semo pu'u mpamporayang. See naka kita mangansani i sema-sema tau to sangkani mamporayang, tau etu maroo masingkatao pei i Pue Allah. Pasi i Pue Allah maroo masingkatao pei ia.

Pilemon 1:5

Naka pei aku manganto’oka Ia tarima matao apa aku re’e mangandonge to nato’o ntau mangkonong pamporayang pasi pangaya ngkorom resi i Pue Yesu pasi resi samparia tau to Ia Puenya.

1 Yohanes 3:14

Tau etu taa mangansani mangkonong katuwu ngkita pei kita semo mangansani kita yako ri raya ngkapate ralimba nja’u raya ngkatuwu. Wali yako pamporayang ngkita resi pua’inta to samba'a pangaya, see naka kita tansani kita roomo malimba, wali tamo tuwu ewa tau to ri raya ngkapate. Pei tau to taa mamporayang pua'inya, tau etu lengkonya ewa lengko ntau to tiroowa re’e ri raya ngkapate.

Galatia 5:6

Apa ane kita to samba’a pei i Yesu Kerisitu apa saba pangayanta, taa mawei nempo rasui mangalulu ada nto Yahudi, nempo taa. Apa si’a ada to etu to bae batuanginya. To bae batuanginya, etu semo pangayanta. Pasi pangayanta etu manasa saba yako pamporayanginta resi sa’e.

1 Yohanes 3:23

Wali si’i semo porenta i mPue Allah resi kita: To uyunya, aya AnaNya, i Yesu Kerisitu, pasi yako etu, masiporayang ewa to roomo nato'oka i ngKerisitu kita.

1 Tesalonika 3:6

Wali i Timotius yau resi komi seore pei si’i-si’i ia rata muni resi kami pasi ia mangkenika kami kareba to matao mangkonong pangaya ngkomi pasi pamporayang ngkomi. Pasi ia manganto’o komi sangkani masanang mampobuuka kami pasi mawongko seja raya ngkomi rani mangkita kami, sewaju ewa kami rani mangkita komi.

Kolose 1:9

Wali see naka kami tare pandoonya mampokai-kaika komi yako ri tempo kami mangandonge kareba etu. Kami mamporapika resi i Pue Allah see Ia damangawaika komi samparia kapande pasi kanasa to yako resi i Nosa Mapasing. Panewa yako kapande pasi kanasa etu, Ia damampaponsanika komi pamporani to si Ia.

2 Korintus 7:7

Pasi si’a ojo karatanya mampolindo raya mami. Pasi kareba to ikeninya to mampolindo kami, apa i Titus mampakarebaka resi kami mangkonong ewa wimba inika ngkomi ri Korintus mampolindo ia seore. Pasi ane ewa to’onya komi mawongko kojo raya ngkomi mampobuuka aku, pasi soso raya ngkomi apa saba dosa to mawali ri oyo ngkomi seore to roomo isekongku ri raya nsurangku to uyunya. Pasi ane ewa to’o i nTitus komi rani kojo mampakasanang aku. Wali apa saba kareba to nakeni i nTitus etu, see naka aku tidugang wo’u kandende ndayangku.

Galatia 3:26

Wali komi seja paka ana i mPue Allah apa saba pangaya ngkomi resi i Kerisitu Yesu.

Galatia 3:28

Wali apa saba komi samba’a pei i Kerisitu, batuanginya komi seja rapasimba’a. Wali ane ri pangkita i mPue Allah tare pasisalanya to Yahudi pasi tau to si’a to Yahudi. Pasi tare pasisalanya watua pasi tau to si’a watua. Pasi tare seja pasisalanya to langkai pasi to we’a.

Epesus 6:18

Wali tempo komi mangampake anu to nawaika i mPue Allah kita etu, ne’e mandoo makai-kai marapi sawang resi i Pue Allah. Pasi samparia pokai-kai ngkomi pasi pamporapika ngkomi etu, ika singkonong pei anu to nato’oka i Nosa Mapasing ri raya ngkomi. Wali ne’e ewa tau bayore pei pakayoaka mampokai-kaika samparia tau to i Pue Allah Puenya.