Kolose 1:27 - Tuntu i mPue ri Basa Taa

²⁷ Pasiwa tau to si’a to Yahudi, mangansani seja songka i mPue Allah etu. Songka etu meyawa kojo ewa kasugi to bae kojo batuanginya. Pasi songka etu mangkonong komi to si'a to Yahudi. Wali songka etu semo i Kerisitu re'e ri raya ngkita, wali kita damangarata santila kayawa i mPue Allah.

Sura Magali Nuntu Ngkatuwu

²⁷ Ri waʼa ntau-A setu ndapapaincanika i mPue Ala ewambeʼi kadago pai peawanya rahasia setu tila ntolino pura-pura. Rahasia setu inceʼemo: i Kerisitu sangkoro-ngkoro pai komi. Posokinya komi da marata tila ri peawa i mPue Ala.

Kolose 1:27 Referans Kwoze

Yohanes 14:20

Wali tempo palaong etu mawali, tempo etu komi damanasa Aku samba’a pei Pa’angKu, pasi komi samba’a pei Aku, pasi Aku samba’a pei komi.

Roma 8:10

Pei kita re’e i Kerisitu ri raya ngkita. Wali nempo koro ngkita damate yau apa saba dosa, pei tonii ngkita tuwu apa i Pue Allah manganto’o kita tare dosanta.

1 Yohanes 4:4

Pei ngana-ngana, komi i Pue Allah puenya, pasi komi roomo manganangi to pantuntu tuntu to taa monso etu. Naka pei komi manganangi sira apa Nosa to maroo ri raya ngkomi, Ia semo to bae-bae kuasaNya pei i Kepala nto pantipu to mangkuasang to lino to taa mangaya.

Galatia 2:20

Wali aku raporapaka ewa matemo, see naka si’amo aku to tuwu si’i, i Kerisitu semo to tuwu ri rayangku. Pasi ri raya ngkatuwungku ri lino si’i aku mangika lengko ngkatuwu to singkonong pei pangayangku resi Ana i mPue Allah. Apa Ia mamporayang aku pasi nangkapateka aku.

1 Korintus 3:16

Wali gete komi bara taa nunsani? Komi semo banua i mPue Allah, pasi i Nosa Mapasing re’e maroo ri raya ngkomi.

Pangkita 3:20

Lo’aka aku. Aku makore ri tango nu wombo pei mangadedek wombo etu pasi mampokio. Wali ane re’e tau to mangandonge loongKu, pei mangalokasika wombo, Aku damasua resi tau etu pei mangkoni sindara-ndara pei ia pasi ia damangkoni sindara-ndara pei Aku.

Yohanes 14:17

To Pansawang etu, Ia semo i Nosa to mampaponsanika komi anu to monso mangkonong i Pue Allah. Wali ane to lino to taa mangaya, sira taa rani nasawang i Nosa etu. Naka pei sira taa rani Ia mangansawang sira apa sira taa maya mangkita Ia pasi taa seja mangansani i sema kamonsonya Ia. Pei komi to mangaya, komi mangansani i sema kamonsonya Ia, apa Ia re’e maroo siwaka pei komi. Pei ane ri tempo to darata Ia damaroo ri raya ngkomi.

Galatia 4:19

O komi to ewa ana ngkorongku to kuporayang kojo. Ewa to we’a to mandasai kojo naepe tempo moana, aku seja mandasai wo’u kuepe mampobuuka komi. Pasi ewa wimba to we’a mangampeas ananya to darapoanaka etu, ewa wetu seja rayangku mangampeas temponya pansarumaka ngkomi darapasilonga see ojo i Kerisitu semo to nusarumaka ngkomi.

2 Korintus 4:6

Wali tempo owi, tempo lino si’i ojo mawuri, i Pue Allah manganto’o, “Powalimo reme,” panewa re’e reme to mangansindo lino to mawuri etu. Wali tempo si’i i Pue Allah semo to ewa mangansindo pampobuuka ngkita see mareme seja. Batuanginya naka pei Ia mangika ewa wetu, see kita mangansani pasi maya mampaponsanika sa’e mangkonong kayawa i mPue Allah apa saba roomo mangalo’aka lio i Yesu Kerisitu.

1 Timotius 1:1

Sura si’i yako resi aku, i Paulus. Aku semo pomakau i ngKerisitu Yesu. Naka pei aku mawali pomakauNya apa mampolaika i Pue Allah, to Pansompo ngkita, pasi i Kerisitu Yesu, pu’u mpansarumaka ngkita. Sira manganto’oka aku mangika palaong to etu.

Yohanes 14:23

Wali i Yesu mangansono, Ia manganto’o, “Ane tau mamporayang Aku, ia damampalaika gombongKu. Wali Pa’angKu damamporayang ia, pasi Kami dama’i maroo resi tau etu.

2 Korintus 6:16

Wali wimba, bara masipato ane tau to mangaya i Kerisitu pei mampue tau-tau? Gete, taa! Apa koro ngkita roomo mawali banua to nakaroo i mPue Allah to tuwu, wali taa kojo masipato mangampake banua i mPue Allah mampue resi tau-tau! Wali palaong etu singkonong pei gombo i mPue Allah to ratulis ri raya ntuntuNya, to manganto’o, “Aku damaroo ri raya nsira pasi datuwu masingkatao pei sira. Aku damawali Allah nsira pasi sira damawali taungKu.” (Yehezkiel 37:27)

Kolose 3:11

Wali apa saba Ia roomo mangawaika kita katuwu to bou, see naka tare pasisalanya tau. Nempo to Yahudi pasi nempo tau to si'a to Yahudi, nempo tau to rasui pasi nempo tau to taa rasui, nempo tau to yako lipu to yusa pasi nempo tau to maila, pasi nempo tau to napowatua ntau pasi nempo tau to taa napowatua ntau, nempo ewa wimba tau, tare pasisalanya. Apa i Kerisitu semo to bae batuangiNya pasi Ia re'e maroo ri rayanya samparia tau to mangaya.

Yohanes 17:26

Aku room mampaponsanika resi sira i sema kamonsonya Komi, pasi Aku tiroo damampaponsanika wo’u sira mangkonong Komi. Naka pei Aku damangika ewa wetu see sira damamporayang sa’e sewaju ewa Komi mamporayang Aku. Pasi Aku damampaponsanika wo’u sira mangkonong Komi see Aku maya maroo ri raya nsira.” Wali ewa wetu naika i Yesu mampokai-kaika tau to mangaya.

Epesus 2:22

Wali batuanginya komi to si’a to Yahudi seja rapasimba’a pei i Kerisitu wali komi seja saga banua. Komi rawangu sindara-ndara pei samparia tau to mangaya to yusa damawali banua to nakaroo i mPue Allah. Wali kita maya manganto’o etu banua to nakaroo i mPue Allah, apa i Nosa Mapasing re’e maroo nja’u ria, ri raya ngkita to mangaya.

Yohanes 6:56

Wali tau to mangkoni korongKu pasi manginu raangKu, tau etu maroo masingkatao pei Aku pasi Aku maroo masingkatao pei ia.

Epesus 1:7

Apa AnaNya, i Yesu Kerisitu, roomo mangoli yau kita see kita tamo damangarata huku nu dosa. Pasi raaNya tempo Ia mate ri kaju pasape, raaNya etu semo to Ia mangampake mangoli yau kita. Wali see naka dosa ngkita tamo nakitanaka i mPue Allah. Wali yako palaong etu miyala bae kojo kanoto i mPue Allah resi kita.

Pilipi 4:19

Wali i Pue Allahngku damangawaika resi komi samparia to danupake. Ia damangansora komi yako kasugiNya to bae kojo kayawanya apa komi seja samba’a pei i Kerisitu Yesu.

Roma 9:23

I Pue Allah mangika ewa wetu see mampaponsanika ewa wimba kabaenya kayawa to Ia mangawaika tau to Ia mamporayang, etu semo tau to Ia mampasigena yami damangarata kayawaNya etu.

Roma 5:2

Kita mangaya Ia, wali see naka Ia mangika jaya see kita mangarata kanoto i mPue Allah. KanotoNya etu re’emo resi kita si’i-si’i. Wali kita ndende rayanta apa kita mansarumaka kojo kita datuwu sindara-ndara pei i Pue Allah ri raya ngkayawaNya.

Kolose 1:5

Wali naka pei komi mangaya pasi mamporayang ewa wetu, apa saba anu to nusarumaka ngkomi to rapasigenaka komi ndate saruga. Anu to rapasigenaka komi etu rapakanasaka seja resi komi seore tempo tau mampakarebaka komi anu to monso, etu semo kareba matao.

2 Korintus 4:17

Apa kasusa to kami mangarata taa mabeu ane rapasewajuka pei kayawa to kami damangarata ri tempo to darata. Kayawa etu semo to bae-bae pei kasusa to kami mangarata tempo si’i. Kasusa etu taa masae pei kayawa etu singkasaenya.

Lukas 17:21

Pasi tare tau to maya manganto’o, ‘Lo’a, si’imo i Pue Allah maporenta ri lino,’ bara ‘Nja’umo Ia maporenta.’ Tare tau to maya manganto’o ewa wetu apa kamonsonya i Pue Allah mawali Makole ri lino batuanginya Ia maporenta ri raya ntau to mangaya Ia, to tuwu ri oyo ngkomi.”

Matius 13:11

Wali i Yesu mangansono, “Naka pei Aku mampotundeka sira ojo mamporapaka apa taa samparia tau to rawaika mangansani ewa wimba i Pue Allah damawali Makole ri lino. Wali ane komi, komi rawaika mangansani anu to tawa rapaponsanika resi sa’e mangkonong temponya i Pue Allah damawali Makole ri lino etu. Pei tau boros taa rawaika mangansani.

2 Korintus 2:14

Pei nempo taa lindo rayangku seore, aku tiroo manganto’oka i Pue Allah tarima matao. Apa Ia sangkani mangansawang kami naka pei bali mami nangi. Naka pei Ia mangansawang kami apa saba kami samba’a pei i Kerisitu. Pasi Ia mangampake kami damampakarebaka resi tau ri ponto ponto lipu kareba mangkonong i Kerisitu. Wali kareba etu raporapaka ewa anu to magaya kojo waunya.

Roma 11:33

Gete, bae kojo kasugi i mPue Allah! Ia pande kojo pasi tare to Ia taa mangansani. Tare tau to nakurang mampakanasa songkaNya. Pasi taa seja re’e tau to nakurang mangansani lengkoNya.

Roma 2:4

I Pue Allah Ia manoto kojo, pasi Ia bae sabaranya apa Ia taa mansaka mangahuku komi. Pei ne’e komi mampobuuka, “Nempo kami taa majea taa mawei.” Ne’e mampobuuka ewa wetu apa naka pei i Pue Allah manoto pasi bae sabaraNya resi komi apa Ia mangawaika komi tempo see komi damajea.

Ibrani 6:19

Wali parajanji to kita mansarumaka etu, parajanji etu raporapaka ewa watu balango to mampakainti pasi mampakarodo bangka ri wawo nue. Apa yako parajanji etu see naka raya ngkita maroso pasi rodo apa kita masingkatao pei i Pue Allah. Wali kita ewa roomo masua ri songi to mapasing kojo liu ri rindi ronto pei mampotango i Pue Allah.