Kolose 1:2 - Tuntu i mPue ri Basa Taa

² Wali kami mangantulis sura si'i resi komi to pua'i mami to samba’a pangaya nja'u kota Kolose. Komi seja i Pue Allah Puenya pasi mansarumaka seja i Kerisitu. Wali aku makai-kai see i Pue Allah, Pa'a ngkita, pasi i Pue Yesu Kerisitu damampaponsanika komi kanotoNya pasi mangawaika komi karodo ndaya.

Kolose 1:2 Referans Kwoze

2 Petrus 1:2

Wali aku makai-kai resi i Pue Allah see kanjo’u-njo’u tiduga-dugang Ia mampaponsanika komi kanotoNya. Pasi aku makai-kai see Ia mangawaika komi karodo ndaya apa saba komi masinsani pei Ia, pasi masinsani seja pei i Yesu, Pue ngkita.

Epesus 1:1

Sura si’i yako resi aku, i Paulus. Aku mawali pomakau i ngKerisitu Yesu apa etu semo pamporani i mPue Allah resi aku. Wali aku mangantulis sura si’i resi komi to i Pue Allah Puenya to nja’u Epesus, pei to mansarumaka kojo i Kerisitu Yesu.

Roma 1:7

Wali aku mangantulis sura si’i resi samparia komi to mangaya i Pue ri kota Roma. Komi naporayang kojo seja i mPue Allah pasi Ia room mangika jaya see komi mawali seja tauNya. Wali aku makai-kai see i Pue Allah, Pa’a ngkita, pasi i Pue Yesu Kerisitu, damampaponsanika komi kanotoNya pasi mangawaika komi karodo ndaya.

1 Korintus 1:2

Wali kami dua mangantulis sura si’i resi komi to nja’u kota Korintus to mangaya i Pue pasi to i Pue Allah Puenya. Wali komi napilis seja i mPue Allah mawali tauNya apa saba palaong to naika i ngKerisitu Yesu. Ia mangampilis komi sindara-ndara pei samparia tau to makai-kai resi Pue ngkita i Yesu Kerisitu ri sambawo lino. Ia semo Pue nsira pasi Pue ngkita.

Pangkita 1:4

Wali i Yohanes manganto’o: Sura si’i yako resi aku, i Yohanes. Aku mangantulisika komi to mangaya to re’e ri pitu kota ri tana Asia. I Pue Allah Ia re’e tempo si’i pasi re’emo tempo owi pasi dare’e ri tempo to darata. Wali aku marapi resi i Pue Allah see Ia mampaponsanika komi kanotoNya pasi mangawaika komi karodo ndaya. Pasi ewa see seja aku marapi resi nosa to pitu to re’e ri tango nggadera i mPue Allah ndate saruga,

1 Petrus 1:2

Wali aku mangantulisika komi to napilis seja i mPue Allah, Pa’a. Komi napilis i mPue Allah singkonong pei songka to Ia nangika yami tempo owi. Wali yako palaong i Nosa Mapasing see naka komi mawali seja i Pue Allah puenya. Naka pei Ia mangampilis komi see komi maya mampolaika i Yesu Kerisitu, pasi see komi maya rapakayongongika raya ngkomi apa saba raa i Yesu Kerisitu tempo Ia mangkapateka kita. Wali aku makai-kai resi i Pue Allah see kanjo’u-njo’u tiduga-dugang Ia mampaponsanika komi kanotoNya pasi mangawaika komi karodo ndaya.

Galatia 1:3

Wali aku makai-kai see i Pue Allah, Pa’a ngkita, pasi i Yesu Kerisitu, Pue ngkita, damampaponsanika komi kanotoNya, pasi mangawaika komi karodo ndaya.

Epesus 6:21

Wali aku damampokau i Tikhikus yau resi komi damampakarebaka komi mangkonong ewa wimba aku si’i-si’i, pasi mangkonong palaong to inikangku. I Tikhikus etu samba’a a’i ngkita anu raporayang. Pasi ia samba’a to papolaong to maya rasarumaka to mangika seja palaong i mPue.

I Yudas 1:2

Wali aku mamporapika resi i Pue Allah see kanjo’u-njo’u tiduga-dugang Ia mampaponsanika komi pansawangiNya, pamporayangiNya pasi mangawaika komi karodo ndaya.

Galatia 3:9

Wali i Abraham mangaya i Pue Allah see naka ia napakasanang i mPue Allah. Pasi ewa see seja samparia tau to mangaya rapakasanang sindara-ndara pei i Abraham etu.

1 Korintus 4:17

Wali etu sabanya naka pei aku mangampokau i Timotius yau resi komi. I Timotius etu aku mangepe ewa ana ngkorongku anu kuporayang kojo apa ia mangaya seja i Pue sewaju pei aku. Pasi ia maya rasarumaka mangika palaong i mPue. Wali tempo ia darata resi komi ia damampatiendoka komi mangkonong ewa wimba lengko ngkatuwu to aku mangika mangalulu i Kerisitu Yesu. Apa lengko ngkatuwu to etu singkonong pei anu to kupotundeka samparia tau to mangaya nja’u ponto-ponto lipu.

Palaong mPomakau i mPue Yesu 9:13

Wali i Ananias mangansono gombo i mPue, ia manganto’o, “Pue, boros sarita ntau to aku room mangandonge mangkonong i Saulus etu. Ia mapari kojo naika mangansesai tau to Komi puenya to nda’a Yerusalem.

Pilipi 1:1

Sura si’i yako resi kami dua, i Paulus pasi i Timotius. Kami to papolaong i Yesu Kerisitu. Wali kami mangantulis sura si’i resi komi to nja’u kota Pilipi. Kami mangantulisika komi to i Pue Allah Puenya apa samba’a pei i Kerisitu Yesu. Pasi kami mangantulisika seja komi to penatua-penatua pasi diaken-diaken ntau to mangaya nja’u ria.