Kolose 1:16 - Tuntu i mPue ri Basa Taa

¹⁶ Apa Ia semo nampapowali samparia anu to re'e. Etu semo anu to ndate saruga, pasi to ri wawo lino, to rakita pasi to taa rakita. Ia nampapowali samparia anu to nato'o ntau pue, pasi samparia makole, pomarenta pasi anu to yusa to re'e kuasanya. Wali samparia anu to re'e etu paka napapowali nu Ana i mPue Allah pasi yako pamporani to si Ia naka pei re'e.

Sura Magali Nuntu Ngkatuwu

¹⁶ Maka mampoliu Sira i Pue Ala mampapewali pura-pura anu ri suruga pai anu ri lino, inceʼemo mpengaya-ngaya anu takita mata pai anu bareʼe takita mata; madago langkanae pai datu, madago topoparenta pai anu makuasa. Pura-pura ndapapewali mampoliu i Kerisitu, pai i Kerisitu tumpunya.

Kolose 1:16 Referans Kwoze

Roma 11:36

Apa samparia anu to re’e paka napapowali i mPue Allah, pasi nakuasang i mPue Allah pasi mangabarong Ia. Wali anu kita mangabarong Ia rataka ri singkasaenya! Amin.

Yohanes 1:3

Pasi tempo i Pue Allah nampapowali samparia, tempo etu Ia mangampake i Tuntu semo mangika palaong to etu. Wali tare anu to napapowali i mPue Allah to si’a i Tuntu to mangika.

1 Korintus 8:6

Pei nempo ewa see, ane resi kita samba’aja i Pue Allah, Pa’a. Ia semo pu’unya samparia anu to re’e. Pasi naka pei kita tuwu see kita damawali Ia Puenya. Pasi samba’aja seja i Pue, etu semo i Yesu Kerisitu. Wali Ia semo to nawaika i mPue Allah mampapowali samparia anu to re’e, pasi yako resi Ia semo naka pei kita re’e katuwunta.

Ibrani 2:10

Wali songka i mPue Allah Ia rani boros tau mawali anaNya pasi Ia rani mangkeni sira damangarata seja kayawaNya. Apa i Pue Allah nampapowali samparia anu to re’e, see samparia anu to re’e etu damangabarong Ia. Pei wimba danaika i mPue Allah mangkeni to lino to madosamo see maya mangarata seja kayawaNya? Ewa si’i jaya to kono kojo to Ia mangarata. Ia mangawaika i Yesu mangarata kasesa sampe mate yau. Wali yako kasesa to narata i Yesu etu, i Pue Allah mampasilonga jaya see Ia maya mampalaes kita apa saba dosa ngkita roomo nasompo nu AnaNya. Wali i Yesu mawali Mata nJaya to mangkeni boros tau see darapalaes. See naka kita maya mawali seja ana i mPue Allah pasi mangarata seja kayawaNya singkonong pei songkaNya etu.

Ibrani 1:2

Pei ri tempo si’i, to mosumo kapuranya temponya to si’i, Ia mangampogomboka kita liu ri nganga nu AnaNya semo. AnaNya etu semo to Ia nangampake mampapowali lino tempo owi. Pasi AnaNya etu semo to i Pue Allah room mampakatantuka yami pasi roomo mangawaika samparia anu to re’e.

Epesus 1:10

Wali songka i mPue Allah, etu semo ane ratamo temponya to room napakatantu, Ia damampasiromunaka samparia anu to re’e ndate saruga pasi to re’e ri lino. Pasi samparia anu to rapasiromunaka etu paka i Kerisitu, Makole parajanji i mPue Allah, damangkuasang.

Kolose 1:15

Wali i Pue Allah taa rakita, pei AnaNya ewa gambar to mampakanasaka kita ewa wimba kamonsonya i Pue Allah, apa Ia sewaju kojo pei i Pue Allah. Pasi Ia semo to re’e ri katawanya samparia to yusa rapapowali, wali Ia semo to bae-bae anggaNya pei samparia to etu.

Kolose 2:10

Wali i Kerisitu semo kepala to mangkuasang samparia kepala pasi samparia to re'e kuasanya. Pasi samparia to re’e resi i Kerisitu etu paka re'e seja resi komi apa komi samba'a pei i Kerisitu.

Pilipi 2:10

Naka pei i Pue Allah mangika palaong to etu see ane radonge sanga i Yesu etu, samparia anu to tuwu to ndate saruga pasi to ri wawo lino pasi to ri ara lino ri lipu ntau to mate, paka damambokotu damanga’angga Ia.

1 Petrus 3:22

Wali tempo i Yesu Kerisitu mambangu muni yako ri kapateNya, yako etu Ia yau muni nto’u saruga. Wali tempo si’i Ia re’e ri tondo ngkana i mPue Allah, ri tampa to bae kojo angganya. Pasi tempo si’i Ia mangkuasang pomakau i mPue Allah ndate saruga, pasi mangkuasang seja samparia to maporenta pasi to re’e kuasanya. Wali manasa resi kita saba yako kasesa to narata i ngKerisitu, see naka bae kojo kayawa to Ia mangarata. Wali masipato kita buya seja rayanta nempo mangarata kasesa sewaju ewa to narata i ngKerisitu etu.

Kolose 2:15

Pasi tempo i Kerisitu mate ri kaju pasape etu, tempo etu i Pue Allah manganangi samparia kuasa measa to rato'oka makolenya pasi samparia measa anu paka re'e kuasanya. I Pue Allah manganangi measa etu panewa mampasiromunaka sira ri tangonya samparia anu to re'e see mampakanasa kojo sira nangimo.

Epesus 6:12

Wali pake samparia anu to etu apa kita seja mamusu. Pei kita si’a mangamusung to lino, kita mangamusung anu to taa rakita. Etu semo measa to boros kojo to maroo ndate rao. Measa etu rato’oka makole-makole, pasi rato’oka anu to re’e kuasanya, pasi anu to mangkuasang to lino ri tempo to mawuri si’i

Roma 8:38

Wali aku manganto’oka komi kita manang apa aku kunsani kojo tare to maya mangaga’a kita yako ri pamporayang i mPue Allah. Apa nempo kita mate, bara tuwu, Ia tiroo mamporayang kita. Pasi nempo pomakau i mPue Allah bara measa bara anu to yusa to re’e kuasanya, sira taa maya mangaga’a kita yako ri pamporayanginya etu. Pasi anu to mawali resi kita tempo si’i bara ri tempo to darata, anu to etu taa seja maya.

Yohanes 1:10

Wali Ia to rato’oka i Reme etu, Ia semo to nampapowali lino si’i. Pei nempo ewa wetu, tempo Ia rata ri lino, to lino bo’onya mampongakung i sema kamonsonya Ia.

Roma 9:5

Sira semo wiyaa i Abraham, i Ishak, i Yakub pasi bue-bue nsira to yusa tempo owi. Pasi i Kerisitu, Makole Parajanji i mPue Allah, tempo Ia mawali to lino Ia rapoanaka yako ri wiyaa nsira seja. I Kerisitu etu Ia semo Allah anu mangkuasang samparia, wali masipato Ia rabarong rataka singkasaenya. Amin.